Kananet 17:1 - Tennet

¹ Baling izeto Aburam e̱rki̱to̱wa̱ moten torkoc ki torkoc, i̱ye̱le̱k zin Manyi Ta̱mu̱ta̱dde̱n ele nonno kar zin kizek ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k, li̱ngli̱nge̱ zoz cinanni kar ize e̱e̱t ci iróng anyak mu̱nye̱n.

Kananet 17:1 Iomraidhean Croise

Kananet 12:1

Iizek zin Manyi Aburam ne, “Tungek orog cunne lo̱o̱c, ki boor cigunnek ki olli baatunne, kar bit lo̱o̱ce̱ ci kokko atin anna ki̱ye̱le̱ki̱n.

Kananet 12:7

I̱ye̱le̱k zin Manyi Ta̱mu̱ta̱dde̱n Aburam ele kar kizek ne, “Lo̱o̱c ci kokko atin anna kanyik dooli cik dooli cigunnek icu.” Eteehenyek zin Aburami i̱te̱le̱ ngineci kize ci Manyi bali i̱ye̱le̱k nonno ele ke̱.

Kananet 16:16

E̱e̱ggi̱n bali Aburam e̱rki̱to̱wa̱ moten tu̱rge̱ ki torkonom ming a̱rri̱ta̱k Hagari nonno Ismail.

Kananet 18:1

I̱ye̱le̱k Manyi Aburaham ele ngati anyak keen cik a̱ddi̱ki̱re̱ cik Mamre, aave enne ojongzo ki tatug ci ti̱ti̱ cinne koore ci a̱bu̱re̱ wazin kenga.

Kananet 18:14

Anyak gi̱i̱ imma ci okkomi kommog Manyi? Kobodaki atin lola nye̱lo̱we̱ cu kar atin Sarah kanyak do̱le̱c ci maci.”

Kananet 24:40

“Abariz zin enne, ‘I̱tto̱na̱ atin Manyi ci kowo anna zo̱ze̱ cinne ko̱ anjilo cinne ki i̱nne̱ta̱ kar kidiman eroni cunne kubunna, kar atin i̱nna̱ nyahak ngeranni ngaa boore cinanni ele, tatuge ci baba.

Kananet 26:2

Ozozek zin Manyi I̱sa̱ko̱ o̱no̱zo̱we̱, “Ma aluce okko Masire; bak lo̱o̱ce̱ ci ka̱du̱wa̱ki̱ abunna ming abahe ko̱.

Kananet 28:3

Anyik Ta̱mu̱ta̱dde̱n wa anyak Komiz do̱o̱k ka̱mu̱yu̱ki̱n kar kaanyi ti̱ra̱ dooli cik meelek kizeto zu̱we̱n cik meelek.

Kananet 35:11

Kar zin Ta̱mu̱ta̱dde̱n kizek nonno ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k; ti̱ro̱ kar otorte izet meele. Iyowa zu̱we̱ cik o̱ro̱gjo̱k cik meelek ngatunne, ovvo atin alaata iyowa eliye cunne.

Kananet 43:14

Anyik bai Ta̱mu̱ta̱dde̱n wa anyak Komiz do̱o̱k ka̱a̱nyu̱ng deten ngati e̱e̱t neci kar atin enne ka̱a̱nyu̱ng obodai gotonnu cunno̱ng co̱de̱ ke̱ ki Benjamin bu̱k. Imma ngatinanni ming kokko anna ka̱lu̱ u̱lu̱wa̱, ka̱lu̱ zin anna de̱de̱.”

Kananet 46:3

Izek zin Ta̱mu̱ta̱dde̱n nonno ne, “Ke̱e̱ni̱ anna Ta̱mu̱ta̱dde̱n, Ta̱mu̱ta̱dde̱n ci baatunne, ma o̱ngo̱o̱le̱ gi̱i̱ imma ngati okkoye i̱nna̱ Masire, eci kadimani atin anna i̱nne̱t ize orog ci a̱ddi̱ki̱re̱ nginati.

Kananet 48:15

U̱mu̱yu̱k zin enne Yosevo kar kize ne, “Anyik bai Ta̱mu̱ta̱dde̱n ci be̱e̱ti̱ga̱ni̱k Aburaham ki I̱sa̱ko̱ bali owo ki nonno ke̱, Ta̱mu̱ta̱dde̱n wa een bali tuwayoit cinanni i̱i̱nya̱ do̱o̱k baize cinanni rok i̱i̱te̱n cu,

Kananet 48:3

Izek zin Ya̱ko̱bo̱ Yosevo ne, “I̱ye̱le̱ya̱ Ta̱mu̱ta̱dde̱n wa anyak Komiz do̱o̱k ele cinne ngati een Luz, lo̱o̱ce̱ ci Kanaani, kar enne ku̱mu̱yu̱wa̱ annit nginati,

Kananet 5:22

Baling i̱ti̱rra̱ enne Methuselah, abak zin Enoki ngati owowo ki Ta̱mu̱ta̱dde̱no̱ e̱rki̱nya̱ obet i̱i̱yo̱ (300), kar zin ki̱ti̱rra̱ bo̱do̱k logoz ki buuwecci u̱gge̱.

Kananet 5:24

Ma baling ngen Enoki owowo ki Ta̱mu̱ta̱dde̱n niko, u̱ku̱we̱ zin enne ne dakdak rugetet, eci Ta̱mu̱ta̱dde̱n uwe nonno.

Kananet 6:9

Een zin cu zoz ci a̱du̱wa̱ baiz ci obod ki Nowa. Een da̱ enne e̱e̱t ci abunna olle balik abak ki nonno e̱rki̱to̱we̱ ne̱ke̱. Owowo enne ba̱li̱ye̱ ki Ta̱mu̱ta̱dde̱n.

Lu̱ge̱z 6:3

Ki̱ye̱le̱ya̱ anna ba̱li̱ye̱ ele Aburaham, ki I̱sa̱ko̱ ki Ya̱ko̱bo̱, ke̱e̱ni̱ Ta̱mu̱ta̱dde̱n wa anyak Komiz do̱o̱k, ma̱i̱je̱ zara cigannik een Manyi. Ngen anna ku̱du̱wa̱k nogo zar cigannik.

Ma̱te̱yo̱ 19:26

Egelem zin Ye̱su̱ nogo kar kize ne, “Ming een i̱no̱ni̱nte̱ ci e̱e̱t ci diiri okkomi kaala ne̱ko̱ kak, ma̱i̱je̱ ngati Ta̱mu̱ta̱dde̱no̱ i̱llo̱i̱ gi̱i̱ imma ci ommog nonno.”

Ma̱te̱yo̱ 5:48

Abarik zin abunna ming abakku baiz ci abunna ki Ta̱mu̱ta̱dde̱n cinno̱ng wa een Be̱e̱ti̱nno̱ng wa aave ta̱mu̱-kenga ko̱.

Lu̱ka̱ 1:6

Abunna bali nege a̱gga̱m zoz ci Ta̱mu̱ta̱dde̱no̱ oroot. Acin bo̱do̱k ol nogo ming azunne lo̱ti̱nno̱k wak Manyi ki keerani cigge̱k.

Buk wa To̱ni̱a̱u̱ 23:1

Egelem Pa̱u̱lo̱ ol wak lo̱ki̱ko̱ kar kize ne, “Gotonogga, ku̱tu̱gu̱ anna li̱ngli̱ngo̱n ci Ta̱mu̱ta̱dde̱no̱ zinine ci abunna rok wazin cu.”

Buk wa To̱ni̱a̱u̱ 24:16

Kar zin zo̱ze̱ necu odohize korongi kanyik zinin cinanni kubunna ngu̱me̱ ci Ta̱mu̱ta̱dde̱no̱ ki bo̱do̱k ngati ol cik diirik.

Evesos 3:20

Kinnatit zin Ta̱mu̱ta̱dde̱n wa anyak doiz ci ogonikket enne agit kaal cik abunna meelek oroot kommog kaal cik ka̱jji̱ne̱ naga nonno ki kaal cik ki̱no̱n naga korong nonno ku̱tu̱gu̱we̱ta̱ doize cinne a̱li̱ngli̱nge̱ zi̱nze̱tti̱nne̱ cigga̱c.

Vilipia 4:13

Kogonni wo̱ye̱ anna kaal do̱o̱k zo̱ze̱ ci Ki̱ri̱sto̱ nonno ci aanya doiz.

I̱bu̱ru̱ 12:28

I̱yo̱ko̱ zin, abunna zin kanyike Ta̱mu̱ta̱dde̱n zany ngati kalawe nonno eci enne aanyyet ba̱a̱li̱ne̱t ci iróng omoti.

I̱bu̱ru̱ 7:25

Imma go̱o̱le̱ neci, anyak enne doiz ci a̱ti̱ri̱ze̱ ol wak elemi Ta̱mu̱ta̱dde̱n ngatinne, eci enne aruge udut, alawek nogo Ta̱mu̱ta̱dde̱n odohize.