Kananet 15:18 - Tennet

¹⁸ Kar i̱i̱te̱n neci, idiman Manyi olom ki Aburam kar kize ne, “Kanyike anna dooli cik dooli cigunnek lo̱o̱c cu, akane liile ci Masiro kuk rok liil ci a̱ddi̱ki̱re̱, een Yuvurataz,

Kananet 15:18 Iomraidhean Croise

Kananet 12:7

I̱ye̱le̱k zin Manyi Ta̱mu̱ta̱dde̱n Aburam ele kar kizek ne, “Lo̱o̱c ci kokko atin anna kanyik dooli cik dooli cigunnek icu.” Eteehenyek zin Aburami i̱te̱le̱ ngineci kize ci Manyi bali i̱ye̱le̱k nonno ele ke̱.

Kananet 13:15

Kaanyi i̱nne̱t ki dooli cigunnek lo̱o̱c ci icinnu i̱nna̱ ko̱ do̱o̱k kize cunne udut.

Kananet 2:14

Azi bo̱do̱k imma zar ne Tigiris ci a̱ri̱k je̱e̱ne̱ ci lo̱o̱c ci een Assyria, kar zin liili ci een we̱c ko̱ zara kize Yuvurataz.

Kananet 24:7

Okko Manyi, Ta̱mu̱ta̱dde̱n ci ta̱mu̱-kengo, bali anyahana ce̱e̱ze̱ ci baba ki lo̱o̱c cinanni, u̱du̱wa̱ enne ba̱li̱ye̱ azi ngati ogone olom ne, ‘Kanyike atin anna lo̱o̱c necu biilet cunne’ I̱tto̱na̱ atin enne anjilo cinne kuk o̱o̱we̱ cunne kar i̱nna̱ tahalak ngeranni ngaa nginati.

Kananet 26:4

Kanyike atin dooli cigunnek ki̱ti̱rre̱t kizeto meele ki i̱yo̱ko̱ munyunya, kar bo̱do̱k kanyik nogo lo̱o̱c necu do̱o̱k, eci zo̱ze̱ ci dooli cigunnek, amuda atin ol cik lo̱o̱tu̱ do̱o̱k ma̱yu̱we̱ne̱t,

Kananet 28:4

Aanyi atin Ta̱mu̱ta̱dde̱n eezet ki dooli cik dooli cigunnek ki bali ming a̱mu̱yu̱k enne Aburaham ke̱. Aanyi atin bo̱do̱k Ta̱mu̱ta̱dde̱n lo̱o̱c ci abahe ki i̱yo̱ko̱ i̱do̱ngi̱ ko̱, ki bali aanyik enne Aburaham ke̱.”

Kananet 35:12

Imma lo̱o̱c bali kanyike anna Aburaham ki I̱sa̱ko̱, kaanyi anna i̱nne̱t bu̱k, kanyike atin anna lo̱o̱c necu dooli cik dooli cigunnek.”

Kananet 50:24

Izek zin Yosevo gotonoggi ne, “Ize annit ojon daizi. Ka̱gga̱ zin abarik anna, okko atin Ta̱mu̱ta̱dde̱n eelannung okkoyyung lo̱o̱ce̱ cu rok lo̱o̱c bali ogone enne olom ki Aburaham, ki I̱sa̱ko̱ ki Ya̱ko̱bo̱ ke̱.”

Lu̱ge̱z 13:11

“A̱a̱nyu̱ng atin Manyi lo̱o̱c ci Kanaani i̱ge̱ta̱ ki bali a̱du̱wa̱ enne ngati ogone olom ki ji̱ji̱tu̱ggo̱k ke̱.

Lu̱ge̱z 2:24

Izik zin Ta̱mu̱ta̱dde̱n u̱lu̱wa̱ cinne̱ng kar ka̱a̱da̱ olom cinne ki Aburaham, ki I̱sa̱ko̱ ki Ya̱ko̱bo̱.

Lu̱ge̱z 3:8

Kalucak anna lo̱o̱c kar ki̱ki̱ya̱ keela nogo olle cik Masiro, kar kangara nogo lo̱o̱ce̱ neci kar ku̱lu̱ga̱i̱ lo̱o̱c ci abunna, a̱gu̱l nginti abbize i̱ra̱na̱ ki lete, lo̱o̱co̱we̱ cik Kanaani, Hittites, Amorites, Perizzites, Hivites ki Jebusites.

Lu̱ge̱z 6:4

Kar anna bo̱do̱k kidiman olom ki nogo kar kanyik nogo lo̱o̱c ci Kanaani, bali abahe nege kizeto i̱do̱ngi̱.

Lu̱ge̱z 6:8

Kar kuwuyung i̱ge̱t lo̱o̱ce̱ bali la̱du̱n kodola kanyike Aburaham ki I̱sa̱ko̱ ki bo̱do̱k Ya̱ko̱bo̱ ke̱, een atin cunno̱ng. Ke̱e̱ni̱ anna Manyi!’”

Buk wa To̱ni̱a̱u̱ 7:5

Iróng zin Ta̱mu̱ta̱dde̱n aanyik nonno gi̱i̱ imma lo̱o̱ce̱ cu, i̱llo̱i̱ rok nginti arike zoc. Abarik zin Ta̱mu̱ta̱dde̱n a̱nne̱k nonno ne, i̱nne̱ta̱ ki dooli cigunnek ki dooli cik dooli cigunnek ovvo atin aragiz lo̱o̱c cu, ma̱i̱je̱ nu̱nu̱n da̱ iróng Aburahami anyak do̱le̱c.

I̱bu̱ru̱ 13:20

Anyik bai Ta̱mu̱ta̱dde̱n ci gon a̱a̱nyu̱ng gano, go̱o̱le̱ ci bi̱ye̱ cik Ye̱su̱ ci een olom ci aave udut ko̱, bali obodai Manyi Ye̱su̱ daiza, Tuwayoit ci a̱ddi̱ki̱re̱ ommog veelek,

O̱no̱zzo̱k 9:14

A̱nne̱k zin mului anjilo ci een torkonom ci abu ture ko̱ ne, “I̱nna̱, ooga anjilonya cik e̱e̱ggi̱n we̱c ecebonik liil ci Yuvurataz a̱ddi̱ki̱re̱ ko̱.”