Kananet 15:1 - Tennet

¹ Imma bali vu̱rrta̱, i̱ki̱ya̱k zoz ci Manyi Aburam o̱no̱zo̱we̱: “Ma o̱ngo̱o̱le̱ zoz imma Aburam. Ke̱e̱ni̱ anna i̱li̱b cunne, kazunni atin anna i̱nne̱t oroot.”

Kananet 15:1 Iomraidhean Croise

Kananet 15:2

Abarik Aburami a̱nne̱k nonno ne “Manyi Ta̱mu̱ta̱dde̱n wa abal kaal do̱o̱k, aanya atin nya eci i̱llo̱i̱ annit do̱le̱c ci okko atin aragiz ce̱e̱z cinanni ko̱, okko Eliezeri ci a̱kku̱ o̱rge̱ ci een Damascus ko̱ ci atin aragiz ce̱e̱z cinanni?”

Kananet 15:4

I̱ki̱ya̱k zin zoz ci Manyi nonno: “Iróng atin e̱e̱ti̱ neci aragiz ce̱e̱z cunne, abarik iyowa atin do̱le̱c ci maci eliye cunne kar atin karagiz ce̱e̱z cunne.”

Kananet 21:17

Izik zin Ta̱mu̱ta̱dde̱n do̱le̱c ming a̱lu̱, kar anjilo ci Ta̱mu̱ta̱dde̱no̱ kutu Hagar ta̱mu̱-kenga kar kizek nonno ne, “Nya ci gerze, Hagar? Ma o̱ngo̱o̱le̱ gi̱i̱ imma; izik Ta̱mu̱ta̱dde̱n do̱le̱c ming a̱lu̱, adunge nginati ke̱.

Kananet 22:1

Baling abak Aburahami e̱rki̱to̱k u̱gge̱ lo̱o̱ce̱ neci, itiman zin Ta̱mu̱ta̱dde̱n Aburaham. A̱nne̱k nonno ne, “Aburaham!” Awe zin enne azi ne, “Annit icu.”

Kananet 22:20

Kar bali i̱i̱te̱n imma vu̱rrta̱, u̱du̱ktta̱k ol Aburaham zoz ci azi ne, “Een Milcah bu̱k ngaa; i̱ti̱rra̱k enne logoz gotonnu Nahor:

Kananet 26:24

Okko ba̱a̱li̱n neci, i̱ye̱le̱k Manyi I̱sa̱ko̱ ele kar kize ne, “Ke̱e̱ni̱ anna Ta̱mu̱ta̱dde̱n ci baatunne Aburaham. Ma o̱ngo̱o̱le̱, eci anna kaave ngatunne; ka̱mu̱yu̱ki̱ atin anna i̱nne̱ta̱ kar atin kanyik dooli cigunnek kizeto meele zo̱ze̱ ci du̱ca̱i̱t cinanni Aburaham.”

Kananet 31:7

ngen abarik be̱e̱ti̱nno̱ng a̱lu̱tta̱ niko ngati uhu kaal cik ka̱li̱ngli̱nge̱ anna lak omoto. Iróng zin Ta̱mu̱ta̱dde̱n aanyik nonno gool ci kar enne ku̱tu̱gu̱we̱ya̱ gi̱i̱ ci gerze.

Lu̱ge̱z 14:13

O̱bo̱de̱k zin Musesi ol, a̱nne̱k ne, “Ma o̱ngo̱o̱li̱nnu̱ lo̱o̱c. Abarik acinnu atidic ti̱ri̱ze̱ne̱t ci Manyi wazin necu. Ovvo olli Masiro acinnu a̱vvu̱na̱kku̱ng ko̱, iróng atin acinnu udut.

Ma̱te̱yo̱ 28:5

Iizek anjilo ci Ta̱mu̱ta̱dde̱no̱ ngaai ne̱ke̱ ne, “Ma o̱ngo̱o̱li̱nnu̱! Ka̱gga̱ orongnyu niga Ye̱su̱ bali ododike ol nonno ta̱la̱ke̱c ke̱.

Ma̱te̱yo̱ 8:26

O̱bo̱de̱k zin Ye̱su̱ nogo: “Niga ol cik anyakku tu̱we̱ne̱t cidici ko̱, o̱ngo̱o̱li̱nnu̱ niga nya?” Itinga zin enne je̱e̱na̱ kar kegerenyek ngoot ki maam cik apalpalane ko̱. Ibil zin ngooti neci kize nyatapari do̱o̱k lai.

Lu̱ka̱ 1:13

Ma̱i̱je̱ anjilo a̱nne̱k nonno ne, “Ma o̱ngo̱o̱le̱ gi̱i̱ imma, Zakaria; izik Ta̱mu̱ta̱dde̱n lawinet cunne. A̱rri̱ta̱ki̱ atin Elizabethi ngaa cunne i̱nne̱t do̱le̱c ci maci, kar i̱nna̱ katek nonno zar cik een Jon.

Lu̱ka̱ 1:30

Ma̱i̱je̱ anjilo a̱nne̱k nonno ne, “Ma o̱ngo̱o̱le̱ gi̱i̱ imma Ma̱ri̱ya̱, irezi i̱nne̱t Ta̱mu̱ta̱dde̱n.

Lu̱ka̱ 12:32

“Ma o̱ngo̱o̱li̱nnu̱ gi̱i̱ imma, niga demezyaha cikidik ko̱, eci Be̱e̱ti̱nno̱ng wa aave ta̱mu̱-kenga atalne oroot ngati a̱a̱nyu̱ng ba̱a̱li̱ne̱t cinne.

Buk wa To̱ni̱a̱u̱ 10:22

O̱bo̱dde̱k zin nege, “Ka̱vvu̱nna̱ naga ngati Korneliosi wa een ddi̱ki̱ryo̱i̱t ci aciiru. Een enne e̱e̱t ci o̱ngo̱o̱le̱ Ta̱mu̱ta̱dde̱n, o̱ngo̱o̱le̱ olli Ya̱u̱do̱ nonno do̱o̱k oroot. U̱du̱wa̱k anjilo wa a̱li̱le̱ Ta̱mu̱ta̱dde̱no̱ nonno, a̱nne̱k ne, i̱jja̱ i̱nna̱ rok ce̱e̱z cinne kar abunna enne okko aziye zoz ci a̱du̱wa̱ i̱nna̱.”

1 Ko̱ri̱nto̱ 3:22

ogon ki i̱yo̱ko̱ anna Pa̱u̱lo̱ icima Apollos, icima Cephas icima lo̱o̱c cu, icima ruget, icima daiz, icima zoz ci i̱yo̱ko̱, icima zoz ci loza, e̱e̱ggi̱n ne̱ko̱ do̱o̱k cuggo̱k,

I̱bu̱ru̱ 1:1

Imma da̱ bali reena, go̱o̱lo̱we̱ cik meelek, ozozik Ta̱mu̱ta̱dde̱n ji̱ji̱ti̱gga̱c balik reentik ke̱, zoz wainne go̱o̱le̱ ci i̱tto̱na̱ne̱ a̱ri̱tto̱k cik zoz ci Ta̱mu̱ta̱dde̱no̱ ki̱vi̱ta̱ ku̱du̱kta̱k ol zoz ci a̱du̱wa̱ enne.

O̱no̱zzo̱k 1:17

Baling kicina anna nonno, kuduwa lo̱o̱c zoone ciginnek kiwagon e̱e̱ti̱ ci a̱da̱ha̱. Kar zin enne katadeya annit a̱zzi̱t cinne a̱zzo̱ kar kize ne: “Ma o̱ngo̱o̱le̱ gi̱i̱ imma. Annit ci ke̱e̱ni̱ Oo ki Vu̱rru̱t.

Buk ci ozoz zoz ci ngaa ci een Ruz 2:12

Anyik bai Manyi Ta̱mu̱ta̱dde̱n keelawi kaale cik u̱tu̱gu̱ i̱nna̱ ko̱. Anyik Manyi Ta̱mu̱ta̱dde̱n ci Israilo ka̱ma̱yu̱wi̱n eci i̱nna̱ i̱ki̱ya̱u̱ nonno kar kuzutin.”