Kananet 14:10 - Tennet

¹⁰ I̱yo̱ko̱ ibbit da̱ tololi ci Siddimi lo̱o̱knya̱ ki gi̱i̱ ci o̱lle̱ amadmadi, kar baling i̱vi̱re̱t alaata cik Sodomi ki Gomorrah, u̱yu̱kte̱ zin ol uggak lo̱o̱knya̱i̱ ne̱ke̱ kar uggak ki̱vi̱re̱t koot zi̱i̱ri̱yo̱we̱.

Kananet 14:10 Iomraidhean Croise

Kananet 11:3

Anno zin nege do̱ ne, “Ki̱vi̱ta̱ kar kidimanit tu̱u̱p kar kivadit ju̱rru̱m.” I̱li̱ngli̱ngte̱ nege tu̱u̱p utungtek biyen lo̱o̱c, kar kidimtta gi̱i̱ ci o̱lle̱ amadmadi kize ci a̱di̱lne̱ nege.

Kananet 14:11

Aamtta zin alaata ne̱k e̱e̱ggi̱n we̱c ko̱ kaal cik Sodomi ki cik Gomorrah ki da̱i̱ne̱t cigge̱k do̱o̱k; kar zin koot.

Kananet 14:17

Baling oboda Aburami ngati ommoge Kedolaomer ki alaat balik iddong illa ki nonno ke̱ do̱o̱k, i̱ki̱ya̱ zin alaani ci Sodomi ki̱ki̱ya̱ kurumto ki nonno tolole ci een Shaveh (azi bo̱do̱k zar u̱gge̱ ne tolol ci Alaano).

Kananet 14:21

Iizek zin alaani ci Sodomi Aburam ne, “Inya annit ol cik diirik kar i̱nna̱ bite kaal kizeto cigunnek.”

Kananet 14:3

Iddongit zin alaata ne̱k e̱e̱ggi̱n tu̱r ko̱ do̱o̱k aciir cigge̱k tolole ci azi zar ne Siddim wa een zara i̱yo̱ko̱, Nyatapar ci a̱ddi̱ki̱re̱ Milo.

Kananet 14:9

ki Kedolaomer alaan ci Elami, ki Tidal alaan ci Goiim, ki Amraphel alaan ci Shinar ki Arioch alaan ci Ellasari, alaat cik e̱e̱ggi̱n we̱c ko̱ cik ooro ki alaat tu̱r.

Kananet 19:17

Baling iyoktai nege nogo orog abanyit, ize e̱e̱ti̱ imma ngatinne̱ng ne, “I̱vi̱re̱t zo̱ze̱ ci ruget cunno̱ng! Ma acinnu vu̱rru̱t, ma abillu ngamani mu̱u̱ra̱! I̱vi̱re̱t oot biyene ta̱dde̱na̱ icima ovvo atin niga aditannu.”

Kananet 19:30

Utungtek Loti ki dooli ciginnek nga̱a̱ye̱k ko̱ Zoar lo̱o̱c, kar zin koot ka̱vvu̱to̱ biyene, eci enne o̱ngo̱o̱le̱ ngati abahe Zoarakte. Abak enne ki doolik nga̱a̱ye̱k rama ngi̱lo̱ma̱.