Kananet 13:8 - Tennet

⁸ A̱nne̱k zin Aburami Lot ne, “Gerza ming kanyak dango orgene cinna, icima orgene ci tuwayok cigunnek ki cigannik, eci ke̱e̱ggi̱n naga boor co̱de̱.

Kananet 13:8 Iomraidhean Croise

Kananet 13:9

Iróng een lo̱o̱c do̱o̱k ci kanyak naga ko̱? Kengerit e̱le̱tti̱. Ming okko i̱nna̱ angeta, kokko anna a̱zza̱, ming okko i̱nna̱ a̱zza̱, kokko anna angeta.”

Kananet 14:14

Baling izik Aburami ming a̱gga̱me̱ booriti cinne, uluta ol wak edemezit illa e̱e̱ggi̱n obet i̱i̱yo̱ ki omoto ki tu̱rge̱ (318) ol balik a̱rri̱ta̱i̱ ce̱e̱ze̱ cinne ke̱, kar zin kunu zo̱o̱ cik ol ne̱k a̱gga̱m boorit cinne ke̱ zee rok nginti een Dan.

Kananet 45:24

Kar zin enne ki̱nya̱ma̱ne̱k gotonoggi gool, baling ovvo nege ovvo, a̱nne̱k enne nogo ne, “Ma adangonu goola!”

Kananet 46:34

Izettek ne ‘Ke̱e̱ggi̱nna̱ naga du̱cca̱k cigunnek cik kabala kaal baling ngen ke̱e̱ggi̱nna̱ dooli rok i̱yo̱ko̱ niko, ki baling ogon ji̱ji̱ti̱gga̱c ke̱.’ Kar atin enne ka̱a̱nyu̱ng abait lo̱o̱ce̱ ci Gosheni, eci akaka ming abak tuwayowa ojonun ki ol cik Masiro.”

Lu̱ge̱z 2:13

Kar i̱i̱te̱n imma, uruba enne olli I̱bu̱ru̱ rama ming oyoho, kar ki̱jji̱n e̱e̱t ci abaci ko̱, “A̱ru̱i̱ e̱e̱t ci een I̱bu̱ru̱ ki i̱nna̱ bu̱k ko̱ nya?”

Ma̱te̱yo̱ 5:9

U̱mu̱yu̱k Ta̱mu̱ta̱dde̱n ol wak aganiz ol, ovvo atin nege e̱e̱ggi̱n dooli cik Ta̱mu̱ta̱dde̱no̱.

Buk wa To̱ni̱a̱u̱ 7:26

Imma i̱i̱te̱n ci reng, umuda Musesi ol rama cik Israilo ming oyoho. Orong zin enne kaganiz nogo, a̱nne̱k ne, ‘Dooli, e̱e̱ggi̱nnu̱ niga ol co̱de̱, ma oyohonu gaganiko?’

Roma 12:10

Irezto niga do̱o̱k oroot, irez ol wak a̱tu̱we̱ oroot kommog ele cunne.

Vilipia 2:14

U̱tu̱gu̱z kaal do̱o̱k ju̱rru̱m ki̱zzi̱ rok zoz ci adangonu,

1 Te̱se̱lo̱ni̱ka̱ 4:9

Ma̱i̱je̱ ming een lemanet wa irezzu gotonogget wak a̱tu̱we̱, iróng keherikung zoz ci obod ki o̱to̱n neci, ma̱rri̱t ba̱li̱ye̱ ming een Ta̱mu̱ta̱dde̱n eliya ci edemezung gool ci irezzu e̱le̱tti̱.

I̱bu̱ru̱ 12:14

Abait baiz ci abakku ki ol yahe ki baiz ci a̱li̱le̱, eci ol wak abak baiz ci caale do̱ niko cik atin acin Manyi.

I̱bu̱ru̱ 13:1

Gotonogga ki ngonogga tu̱we̱nta̱, e̱me̱dda̱ irezto niga do̱o̱k.

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.

1 Peturu 2:17

O̱to̱ngo̱o̱ltte̱ ol do̱o̱k, irezit ol wak a̱tu̱ Ta̱mu̱ta̱dde̱n, akatek Ta̱mu̱ta̱dde̱n u̱zu̱ngtti̱ lo̱o̱c, o̱to̱ngo̱o̱ltte̱ bo̱do̱k alaat.

1 Peturu 3:8

I̱yo̱ko̱ zin, abunna niga do̱o̱k ming elemannu zoz necu. Irezit e̱le̱tti̱ kiwagon gotonoggeti ki ngonogget wak a̱tu̱we̱, izet ol cik i̱rrke̱nu̱, ma odongnyu e̱le̱tti̱ ciggo̱k.

1 Peturu 4:8

Ma gi̱i̱ye̱ ci riili oroot, abunna zin niga ming irezonnu, eci rezinet ngati aave, amadan mu̱nye̱n.

2 Peturu 1:7

Kar bo̱do̱k otortek zoz ci arikku zoz ci Ta̱mu̱ta̱dde̱no̱ zi̱nze̱tti̱ ko̱ zoz ci eelannu gonoggu wak a̱tu̱we̱ ki niga, kar bo̱do̱k otortek rezinet zoz ci eelannu ol cik a̱tu̱we̱ ko̱.

1 Jon 4:7

Gotonogga wak zinino, abunna ming kirez e̱le̱tti̱ cigga̱c naga do̱o̱k eci rezinet a̱kku̱ ngati Ta̱mu̱ta̱dde̱no̱. Okko e̱e̱ti̱ ci irez ol, een enne do̱le̱c ci Ta̱mu̱ta̱dde̱no̱ kar enne ka̱gga̱ Ta̱mu̱ta̱dde̱n de̱de̱.