Kananet 13:7 - Tennet

⁷ Adangto zin tuwayowa cik Aburami ki cik Loti. Abak zin da̱ olli Kanaani ki olli Perizzites lo̱o̱ce̱ neci bu̱k.

Kananet 13:7 Iomraidhean Croise

Kananet 10:19

kar zin lokoreta cik Kanaani kangaba meer Sidon o̱to̱ne̱ ci i̱do̱ kuk ki̱li̱te̱ rok Gerar i̱do̱li̱ya̱, kottod kuk bo̱do̱k rok Gaza nyigja, kuluce kuk ki Sodom ki Gomorrah, Admah ki Zeboiim kuk zee rok Lasha.

Kananet 12:6

Owo zin Aburami zee kuzuca nginti anyak keet ci een zara Moreh ngati een Shechem. Abak ba̱li̱ye̱ olli Kanaani lo̱o̱ce̱ neci.

Kananet 21:25

U̱du̱wa̱k zin Aburahami Abimelech zoz ci da̱ a̱gga̱ma̱ne̱ du̱cca̱ha̱ cik Abimelechi nonno iit.

Kananet 26:20

I̱vi̱ta̱ zin abarik tuwayowa cik Gerari adangto ki tuwayok cik I̱sa̱ko̱ kar kizeto ne, “Een ne̱ko̱ maam cigga̱k!” Akatek zin I̱sa̱ko̱ iit kize Esek, eci nege adangto ki nonno.

Kananet 34:30

Izek zin Ya̱ko̱bo̱ Si̱mo̱ne̱ ki Le̱vi̱ ne, “Amartang niga annita nong ngati ol cik abak lo̱o̱ce̱ ci Kanaani ki Perizzites. Ke̱e̱ggi̱n naga idice, ming ulutet nege e̱le̱tti̱ cigge̱k kar koorta annit, ovvo nege aditanna annit ki olli ce̱e̱z cinanni do̱o̱k.”

Kananet 46:34

Izettek ne ‘Ke̱e̱ggi̱nna̱ naga du̱cca̱k cigunnek cik kabala kaal baling ngen ke̱e̱ggi̱nna̱ dooli rok i̱yo̱ko̱ niko, ki baling ogon ji̱ji̱ti̱gga̱c ke̱.’ Kar atin enne ka̱a̱nyu̱ng abait lo̱o̱ce̱ ci Gosheni, eci akaka ming abak tuwayowa ojonun ki ol cik Masiro.”

Lu̱ge̱z 2:17

A̱vvu̱ tuwayowa uggak vu̱rrta̱ kar kotoit nogo ṯu̱wa̱, ma̱i̱je̱ Musesi itinga je̱e̱na̱ kar kangara nogo kar ke̱e̱li̱k kaal cik dooli ne̱ke̱.

Marko 3:25

Ming oyoho ol ce̱e̱za̱ ecito, iróng ce̱e̱z neci abile.

1 Ko̱ri̱nto̱ 3:3

Ngen zin niga abakku baiz ci olli lo̱o̱tu̱, eci ngen anyakku meder, adangonu e̱le̱tti̱ne̱ cuggo̱k. Imma zin go̱o̱le̱ necu abakku ko̱, o̱do̱wi̱nu̱ niga ki olli lo̱o̱tu̱. Ogonnu kaal cik ogon olli lo̱o̱tu̱.

Ga̱la̱ti̱a̱ 5:20

ala e̱e̱ti̱ to̱do̱yyo̱k, owo e̱e̱ti̱ ngarrete, anyak e̱e̱ti̱ mootiz, amarine e̱e̱ti̱ dango, a̱ppwa̱ e̱e̱t zinin kaale cik ollu, adunye zinin ci e̱e̱to̱ ataman, anyak e̱e̱ti̱ meder, irez e̱e̱ti̱ ele cinne do̱, enger e̱e̱ti̱ lo̱o̱c, abak ki ol wak elemi zoz cinne,

Kolosiya 4:5

Abait genyiza ki ol wak iróng a̱tu̱we̱; ming ovvo niga amudannu gool ci uwahekku nogo kaviyak, u̱du̱kta̱k ju̱rru̱m.

1 Te̱se̱lo̱ni̱ka̱ 4:12

Ming u̱tu̱gu̱zzu̱ niko, o̱ngo̱o̱li̱nnu̱ng wo̱ye̱ ol wak iróng a̱tu̱we̱. I̱ce̱lli̱t e̱le̱me̱tti̱ cuggo̱k ma̱ci̱gja̱.

Ti̱to̱ 3:3

Ke̱e̱ggi̱n ba̱li̱ye̱ naga bu̱k tarbale ki i̱yo̱ko̱ ol ne̱k iróng a̱tu̱ zoz ci Ye̱su̱ ko̱, ol u̱gge̱ cik a̱ti̱kke̱t tu̱, kar kizetta du̱cca̱k cik kireza kaal cik orong e̱le̱tti̱ lo̱rye̱nta̱k. Anyak baizi cinna ṯeel ki meder. Kamartoyya ol, ovvo bo̱do̱k ol amarinetta.

Je̱mi̱s 3:16

Eci ming anyai i̱nna̱ meder ki rezinet ele cunne do̱, okko baizi ngoronya ki kaal cik gerzek a̱ti̱ki̱ tu̱.

Je̱mi̱s 4:1

Nya ci anyaha jo̱o̱re̱t ki dango orgene cunno̱ng? Een kaal ne̱k a̱vvu̱ zo̱ze̱ ci orongnyu niga kaal cik a̱ti̱ko̱nu̱ imma i̱ge̱t zi̱nze̱tti̱nne̱ ko̱, cik anyaha jo̱o̱re̱t.

1 Peturu 2:12

Aanycik ol kicinnet baiz cunno̱ng ming abunna orgene ci ol wak iróng a̱gga̱ Ta̱mu̱ta̱dde̱n, ma̱i̱je̱ nu̱nu̱n ming orong nege kimertung azi ne, abacu niga. Ovvo atin nege i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱, a̱di̱ngdi̱nga̱n Ta̱mu̱ta̱dde̱n kar koobtek Ta̱mu̱ta̱dde̱n kaal cik abunna ogonnu niga ba̱li̱ye̱.