Kananet 13:16 - Tennet

¹⁶ Kanyik atin anna dooli cigunnek kotorte kizeto meele giir kiwagon azac, kar zin ming ikeb e̱e̱ti̱ imma azac, ikebje wo̱ye̱ dooli cik dooli cigunnek bu̱k.

Kananet 13:16 Iomraidhean Croise

Kananet 15:5

Uwe zin enne nonno reena kar kize ne, “Cin ta̱dde̱n ta̱mu̱-keng kar zin ikeb munyuny, ming wo̱ye̱ ikebi nogo de̱de̱.” Kar enne kizek nonno ne, “I̱yo̱ko̱ zin, ovvo atin dooli cigunnek e̱e̱ggi̱n niko.”

Kananet 16:10

Otorek zin bo̱do̱k anjilo ci Manyi ize ne, “Kotori atin dooli cigunnek kizeto meele giir ci iróng kikebi.”

Kananet 17:16

Ka̱mu̱yu̱i̱ atin anna nonno kar ki̱ti̱rra̱i̱ i̱nne̱t do̱le̱c ci maci. Ka̱mu̱yu̱i̱ atin nonno kize e̱e̱ti̱ i̱do̱ngi̱nnu̱ kar atin alaata cik a̱ddi̱ki̱re̱ a̱vvu̱ ce̱e̱ze̱ cunne.”

Kananet 17:2

Kogonni atin anna olom bali kozoz ki i̱nne̱t ke̱ kar atin kanyik dooli cigunnek kizeto meele kar kotoraung izet meele.”

Kananet 17:20

Kar ngati Ismaili, kiziya anna zoz cunne: Ka̱mu̱yu̱i̱ atin anna nonno de̱de̱; kanyik atin anna ki̱ti̱r kanyak dooli cik meelek. Okko atin enne een be̱e̱ti̱ alaat cik e̱e̱ggi̱n omoto ki rama, kanyik atin dooli cik dooli ciginnek kokkomit kak.

Kananet 17:6

Kaanyi atin i̱nne̱t ti̱i̱r mog taurak; kadimani atin anna i̱do̱ngi̱ doolinne cigunnek, a̱vvu̱ atin alaata bu̱k ngatunne.

Kananet 18:18

Ovvo atin dooli cik Aburahami e̱e̱ggi̱n ol cik okkomi, kar i̱do̱ngi̱ do̱o̱k lo̱o̱ta̱ ngatu kurubta ma̱yu̱we̱ne̱t ngatinne.

Kananet 21:13

Kanyike atin anna do̱le̱c ci du̱ca̱i̱t cunne ko̱ kize orog ci a̱ddi̱ki̱re̱ bu̱k, eci enne een do̱le̱c cunne.”

Kananet 22:17

ka̱mu̱yu̱ki̱ zin atin anna i̱nne̱t de̱de̱ kar kanyik dooli cigunnek kizeto meele ku̱tu̱gu̱zzo̱ kiwagon munyunya ta̱mu̱-kenga, kar bo̱do̱k ki i̱yo̱ko̱ azac liil ti̱ti̱ma̱. Aama atin dooli cigunnek o̱ro̱gjo̱k ngati mo̱ddo̱ cigge̱k,

Kananet 26:4

Kanyike atin dooli cigunnek ki̱ti̱rre̱t kizeto meele ki i̱yo̱ko̱ munyunya, kar bo̱do̱k kanyik nogo lo̱o̱c necu do̱o̱k, eci zo̱ze̱ ci dooli cigunnek, amuda atin ol cik lo̱o̱tu̱ do̱o̱k ma̱yu̱we̱ne̱t,

Kananet 28:14

Ovvo atin dooli cigunnek atubo ki azac ci lo̱o̱tu̱, azawonik atin dooli cigunnek lo̱o̱cco̱k cik aavtte nyigja ki je̱e̱na̱, ki bo̱do̱k i̱do̱wa̱ ki i̱do̱li̱ya̱. Ovvo olli lo̱o̱tu̱ do̱o̱k amuda ma̱yu̱we̱ne̱t ngatunne ki dooli cigunnek.

Kananet 28:3

Anyik Ta̱mu̱ta̱dde̱n wa anyak Komiz do̱o̱k ka̱mu̱yu̱ki̱n kar kaanyi ti̱ra̱ dooli cik meelek kizeto zu̱we̱n cik meelek.

Kananet 32:12

Ma̱i̱je̱ i̱nna̱ ba̱li̱ye̱ a̱nne̱ka̱ ne, ‘Kaanyi atin de̱de̱ nyak kaal cik meelek kar atin dooli cigunnek ki̱ti̱rre̱t ku̱tu̱gu̱zzo̱ kiwagon azac ci li̱i̱lu̱, ci iróng ol uule kikebit.’”

Kananet 32:13

Atangu zin Ya̱ko̱bo̱ nginati kaal, kar katahalak gotoni wa een I̱sa̱u̱ muci cik abunna kaale ne̱k anyak enne ke̱:

Kananet 35:11

Kar zin Ta̱mu̱ta̱dde̱n kizek nonno ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k; ti̱ro̱ kar otorte izet meele. Iyowa zu̱we̱ cik o̱ro̱gjo̱k cik meelek ngatunne, ovvo atin alaata iyowa eliye cunne.

Kananet 46:3

Izek zin Ta̱mu̱ta̱dde̱n nonno ne, “Ke̱e̱ni̱ anna Ta̱mu̱ta̱dde̱n, Ta̱mu̱ta̱dde̱n ci baatunne, ma o̱ngo̱o̱le̱ gi̱i̱ imma ngati okkoye i̱nna̱ Masire, eci kadimani atin anna i̱nne̱t ize orog ci a̱ddi̱ki̱re̱ nginati.

Lu̱ge̱z 1:7

Imma olli Israilo i̱ti̱rre̱t da̱ Masire oroot kar zin kabaito lo̱o̱ce̱ neci do̱o̱k.

I̱bu̱ru̱ 11:12

Anyat ba̱li̱ye̱ Aburahami oroot, ma baling anyat enne nu̱nu̱n, i̱ti̱rra̱ zin do̱le̱c ci okko a̱rri̱ta̱ ol cik lo̱o̱tu̱ do̱o̱k. Ovvo atin dooli ciginnek meele ne giir kommogit munyuny cik ta̱mu̱-kengo, iróng wo̱ye̱ a̱gi̱le̱ ogon ki azac ci moru.

O̱no̱zzo̱k 7:9

Imma baling edeccai zoz necu, kicina ngu̱me̱ cinanni koole ci a̱ppwe̱ oroot iróng wo̱ye̱ e̱e̱ti̱ imma a̱gi̱li̱, a̱vvu̱ lo̱o̱co̱we̱ do̱o̱k, booryyok do̱o̱k, ki ol cik ozoz u̱tu̱ge̱tti̱ cik aavtte do̱ do̱, abile nege lecera ojonun ngu̱me̱ ci Nyoono. Aim nege do̱o̱k ru̱u̱ma̱ni̱ cik voorik, a̱gga̱m eetele azzine cigge̱k.