Kananet 12:7 - Tennet

⁷ I̱ye̱le̱k zin Manyi Ta̱mu̱ta̱dde̱n Aburam ele kar kizek ne, “Lo̱o̱c ci kokko atin anna kanyik dooli cik dooli cigunnek icu.” Eteehenyek zin Aburami i̱te̱le̱ ngineci kize ci Manyi bali i̱ye̱le̱k nonno ele ke̱.

Kananet 12:7 Iomraidhean Croise

Kananet 12:8

Imma zin nginati uk enne biyene o̱to̱ne̱ ci je̱e̱ni̱ o̱rge̱ ci een Bethel kar zin kidiman ti̱ti̱ cinne, aave Betheli nyigja okko Ai aave je̱e̱na̱. Eteehenyek zin enne Manyi i̱te̱le̱ kar zin kutu zare cik Manyi.

Kananet 13:15

Kaanyi i̱nne̱t ki dooli cigunnek lo̱o̱c ci icinnu i̱nna̱ ko̱ do̱o̱k kize cunne udut.

Kananet 13:17

Bit towe lo̱o̱c neci kaanyi anna i̱nne̱t ko̱ u̱u̱nze̱ta̱ ki li̱te̱nta̱.”

Kananet 13:18

Uduca zin Aburami ti̱ti̱ cinne kar kuk ku̱lu̱k kabak keene cik a̱ddi̱ki̱re̱ lo̱o̱ce̱ ci e̱e̱t ci een zara Mamre ojongzo ki orog ci een Hebron, kar zin enne kidimanek i̱te̱le̱ Manyi.

Kananet 13:4

nginti bali eenycek enne Manyi i̱te̱le̱ arrak oowa ke̱. Kar nginati ala Aburami zar cik Manyi.

Kananet 15:18

Kar i̱i̱te̱n neci, idiman Manyi olom ki Aburam kar kize ne, “Kanyike anna dooli cik dooli cigunnek lo̱o̱c cu, akane liile ci Masiro kuk rok liil ci a̱ddi̱ki̱re̱, een Yuvurataz,

Kananet 17:1

Baling izeto Aburam e̱rki̱to̱wa̱ moten torkoc ki torkoc, i̱ye̱le̱k zin Manyi Ta̱mu̱ta̱dde̱n ele nonno kar zin kizek ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k, li̱ngli̱nge̱ zoz cinanni kar ize e̱e̱t ci iróng anyak mu̱nye̱n.

Kananet 17:3

Atangu zin Aburami kicin ngu̱m cinne lo̱o̱c, kar Ta̱mu̱ta̱dde̱n kizek nonno ne,

Kananet 17:8

Kaanyi atin anna i̱nne̱t lo̱o̱c ci Kanaani ci i̱yo̱ko̱ abahe i̱nna̱ ize i̱do̱ngo̱je̱ni̱t ko̱, kize cunne udut ki dooli cigunnek; ke̱e̱ni̱ atin anna Ta̱mu̱ta̱dde̱n cinne̱ng.”

Kananet 18:1

I̱ye̱le̱k Manyi Aburaham ele ngati anyak keen cik a̱ddi̱ki̱re̱ cik Mamre, aave enne ojongzo ki tatug ci ti̱ti̱ cinne koore ci a̱bu̱re̱ wazin kenga.

Kananet 22:9

Baling u̱zu̱cca̱ nege ngin bali a̱du̱wa̱k Ta̱mu̱ta̱dde̱n nonno zoz cinne ke̱, eteheeny zin Aburahami i̱te̱le̱ nginati kar zin ketevetek rimma cik gwo̱o̱ya̱k. A̱gga̱m zin ngerinne I̱sa̱ko̱ kar keceb, kar zin kabahek rimma ne̱ke̱.

Kananet 24:7

Okko Manyi, Ta̱mu̱ta̱dde̱n ci ta̱mu̱-kengo, bali anyahana ce̱e̱ze̱ ci baba ki lo̱o̱c cinanni, u̱du̱wa̱ enne ba̱li̱ye̱ azi ngati ogone olom ne, ‘Kanyike atin anna lo̱o̱c necu biilet cunne’ I̱tto̱na̱ atin enne anjilo cinne kuk o̱o̱we̱ cunne kar i̱nna̱ tahalak ngeranni ngaa nginati.

Kananet 26:25

Idiman zin I̱sa̱ko̱ i̱te̱le̱ nginati kar kala Manyi. Kar keteehenyek ti̱te̱t cigge̱k ngin neci, kar du̱cca̱ha̱ ciginnek ka̱da̱c iit nginati.

Kananet 26:3

A̱vvu̱ lo̱o̱ce̱ necu do̱yo̱i̱t, kaave atin anna ki i̱nne̱ta̱ kar atin ka̱mu̱yu̱i̱ i̱nne̱ta̱. Eci kanyike atin anna i̱nne̱t ki dooli ki dooli cigunnek lo̱o̱cco̱k ne̱ko̱, kar atin nege ku̱zu̱tte̱ olom bali ku̱du̱wa̱ anna baatunne Aburaham ke̱.

Kananet 28:13

Imma go̱o̱le̱ neci ta̱dde̱na̱, abile Manyi nginati, kar enne kize ne, “Ke̱e̱ni̱ anna Manyi, Ta̱mu̱ta̱dde̱n ci baatunne Aburaham ki baatunne I̱sa̱ko̱. Kaanyi atin i̱nne̱t ki dooli cigunnek lo̱o̱c ci oonge i̱nna̱ ko̱.

Kananet 28:4

Aanyi atin Ta̱mu̱ta̱dde̱n eezet ki dooli cik dooli cigunnek ki bali ming a̱mu̱yu̱k enne Aburaham ke̱. Aanyi atin bo̱do̱k Ta̱mu̱ta̱dde̱n lo̱o̱c ci abahe ki i̱yo̱ko̱ i̱do̱ngi̱ ko̱, ki bali aanyik enne Aburaham ke̱.”

Kananet 32:30

Akatek zin Ya̱ko̱bo̱ zar cik ngin neci kize ne, Peniel kar kize ne, “Eci anna kicinna ngu̱m ci Ta̱mu̱ta̱dde̱no̱, kar i̱yo̱ko̱ ngen anna karugi.”

Kananet 33:20

Imma nginati idiman zin enne i̱te̱le̱ nginati kar kakatek zar cik een El Elohe Israilo.

Kananet 35:12

Imma lo̱o̱c bali kanyike anna Aburaham ki I̱sa̱ko̱, kaanyi anna i̱nne̱t bu̱k, kanyike atin anna lo̱o̱c necu dooli cik dooli cigunnek.”

Kananet 35:7

Idiman zin enne nginati i̱te̱le̱, kar kakatek ngin neci kize El Bethel, eci i̱ye̱le̱k Ta̱mu̱ta̱dde̱n ele cinne nonno nginati baling a̱vi̱r enne ngati gotononi.

Kananet 50:24

Izek zin Yosevo gotonoggi ne, “Ize annit ojon daizi. Ka̱gga̱ zin abarik anna, okko atin Ta̱mu̱ta̱dde̱n eelannung okkoyyung lo̱o̱ce̱ cu rok lo̱o̱c bali ogone enne olom ki Aburaham, ki I̱sa̱ko̱ ki Ya̱ko̱bo̱ ke̱.”

Kananet 8:20

Idimanek zin Nowa Manyi i̱te̱le̱ kar kalawe nonno. Idima elegje wak abunna adak ol ki iballi bu̱k, kar zin kapahek Ta̱mu̱ta̱dde̱n.

Lu̱ge̱z 17:15

Eteheeny zin Musesi i̱te̱le̱ kar kakatek zar cik azi ne aanya Manyi kommog mo̱ddo̱ cigannik.

Lu̱ge̱z 6:3

Ki̱ye̱le̱ya̱ anna ba̱li̱ye̱ ele Aburaham, ki I̱sa̱ko̱ ki Ya̱ko̱bo̱, ke̱e̱ni̱ Ta̱mu̱ta̱dde̱n wa anyak Komiz do̱o̱k, ma̱i̱je̱ zara cigannik een Manyi. Ngen anna ku̱du̱wa̱k nogo zar cigannik.

Lu̱ge̱z 6:4

Kar anna bo̱do̱k kidiman olom ki nogo kar kanyik nogo lo̱o̱c ci Kanaani, bali abahe nege kizeto i̱do̱ngi̱.

Buk wa To̱ni̱a̱u̱ 7:5

Iróng zin Ta̱mu̱ta̱dde̱n aanyik nonno gi̱i̱ imma lo̱o̱ce̱ cu, i̱llo̱i̱ rok nginti arike zoc. Abarik zin Ta̱mu̱ta̱dde̱n a̱nne̱k nonno ne, i̱nne̱ta̱ ki dooli cigunnek ki dooli cik dooli cigunnek ovvo atin aragiz lo̱o̱c cu, ma̱i̱je̱ nu̱nu̱n da̱ iróng Aburahami anyak do̱le̱c.

Roma 9:8

Azi keng ci zoz necu ne, iróng biileti ci Aburahami do̱o̱k een dooli cik Ta̱mu̱ta̱dde̱no̱ de̱de̱. Abarik dooli cik dooli cik ngerinne wa een zar I̱sa̱ko̱ bali a̱rri̱ta̱i̱ zo̱ze̱ ci u̱du̱wa̱ Ta̱mu̱ta̱dde̱n ko̱ cik een dooli cik Aburahami de̱de̱.

Ga̱la̱ti̱a̱ 3:16

U̱du̱wa̱k zin Ta̱mu̱ta̱dde̱n Aburaham ki ngerinne ma̱yu̱we̱ne̱t ci okko enne a̱ma̱yu̱we̱ nogo. Icinnet iróng Waraga ci Ta̱mu̱ta̱dde̱no̱ azi ne, “Dooli ciginnek,” abarik azi ne, “do̱le̱c cunne,” een zin do̱le̱c neci Ki̱ri̱sto̱.

Ga̱la̱ti̱a̱ 4:28

Imma niga gotonogget ki ngonogget tu̱we̱nta̱, kogon naga ki dooli cik Sarah, ki i̱yo̱ko̱ I̱sa̱ko̱, eci a̱rri̱ta̱i̱ go̱o̱le̱ ci u̱du̱wa̱k Ta̱mu̱ta̱dde̱n Aburaham.

I̱bu̱ru̱ 11:13

Abaito zin ol ne̱k anyak tu̱we̱ne̱t ke̱ do̱o̱k, ngen zin nege a̱tu̱we̱ zo̱ze̱ ci okko Ta̱mu̱ta̱dde̱n ogoni. Ngen kurubta zoz bali u̱du̱wa̱ Manyi ke̱, icinnet nege kaal ne̱ke̱ meer reena many bak orongi. A̱gga̱ ming e̱e̱ggi̱n nege e̱re̱nno̱k ki i̱do̱ngi̱ lo̱o̱ta̱ ngatu.

I̱bu̱ru̱ 11:8

Imma bo̱do̱k tu̱we̱nte̱ ci e̱e̱t ci een zara Aburaham, elema zoz ci Ta̱mu̱ta̱dde̱no̱ baling awu nonno ke̱, kar kuk lo̱o̱ce̱ bali a̱nne̱k Manyi anyik nonno kuk ke̱, kar atin kuuwe lo̱o̱c neci kize cinne. Okko enne ming iróng a̱gga̱ lo̱o̱c neci nu̱nu̱n.