Kananet 12:4 - Tennet

⁴ U̱lu̱g zin Aburami ki bali a̱du̱wa̱k Manyi nonno ke̱; kar Loti kunu nonno bu̱k. Anyak ba̱li̱ye̱ Aburami e̱rki̱nya̱ moten turgerem ki tu̱r, baling utungek enne orog ci een Haran lo̱o̱c ke̱.

Kananet 12:4 Iomraidhean Croise

Kananet 11:27

E̱e̱ggi̱n ne̱ko̱ doolik Terah. Een Terah be̱e̱ti̱ Aburam, Nahor ki Haran. Okko Harani een be̱e̱ti̱ Loti.

Kananet 11:31

Idima zin Terah ollinne, ngerinne Aburam ki Lot ngerrti ngerinne Haran, ki alawan cinne Sarai, ngaa ci Aburam, kar zin ku̱lu̱ge̱t koot o̱rge̱ ci een Ur, lo̱o̱ce̱ ci Chaldea kar atin koot Kanaana. Ma̱i̱je̱ baling ovvo nege arawa Haran, abaito zin nginati.

Kananet 13:5

Ma̱i̱je̱ bo̱do̱k Loti bali owo ki Aburam ko̱, abalo enne bu̱k, anyak eeza ki tiin, ki ti̱te̱t.

Kananet 16:16

E̱e̱ggi̱n bali Aburam e̱rki̱to̱wa̱ moten tu̱rge̱ ki torkonom ming a̱rri̱ta̱k Hagari nonno Ismail.

Kananet 16:3

Baling abak Aburami lo̱o̱ce̱ ci Kanaani e̱rki̱to̱k omoto; idima Sarai, Hagar wa een Masirenit, du̱ca̱i̱t cinne anyik ka̱ta̱gu̱zzo̱ ki Aburam mac wainne.

Kananet 25:7

Een e̱rki̱nya̱ cik abahe Aburahami do̱o̱k o̱bo̱n co̱de̱ ki moten turgerem ki tu̱r (175)

Kananet 28:10

Utungek zin Ya̱ko̱bo̱ orog cinne̱ng Beersheba lo̱o̱c kar kuk o̱rge̱ ci een Haran.

Buk wa To̱ni̱a̱u̱ 7:4

“Utungek zin enne lo̱o̱c ci Chaldean kar kuk ka̱vvu̱ o̱rge̱ ci een Haran. Baling a̱da̱k baatinne, u̱lu̱k zin Aburahami uk abak lo̱o̱ce̱ ci abakku niga i̱yo̱ko̱ ko̱.

I̱bu̱ru̱ 11:8

Imma bo̱do̱k tu̱we̱nte̱ ci e̱e̱t ci een zara Aburaham, elema zoz ci Ta̱mu̱ta̱dde̱no̱ baling awu nonno ke̱, kar kuk lo̱o̱ce̱ bali a̱nne̱k Manyi anyik nonno kuk ke̱, kar atin kuuwe lo̱o̱c neci kize cinne. Okko enne ming iróng a̱gga̱ lo̱o̱c neci nu̱nu̱n.

I̱bu̱ru̱ 6:15

Erewo zin Aburahami zee kakat zoz bali u̱du̱wa̱ Ta̱mu̱ta̱dde̱n ke̱ mo̱o̱le̱t.