Kananet 12:3 - Tennet

³ Ka̱mu̱yu̱i̱ atin anna ol cik a̱mu̱yu̱ki̱ i̱nne̱ta̱, kar e̱e̱ti̱ ci otoryi i̱nne̱ta̱, kotori atin anna nonno bu̱k; kar ol lo̱o̱ta̱ ngatu do̱o̱k ku̱mu̱dda̱ atin ma̱yu̱we̱ne̱t zo̱ze̱ cunne.”

Kananet 12:3 Iomraidhean Croise

Kananet 18:18

Ovvo atin dooli cik Aburahami e̱e̱ggi̱n ol cik okkomi, kar i̱do̱ngi̱ do̱o̱k lo̱o̱ta̱ ngatu kurubta ma̱yu̱we̱ne̱t ngatinne.

Kananet 18:19

Eci katahala anna nonno, kar atin enne ki̱ye̱le̱k dooli ciginnek ki ol cik a̱li̱ngli̱ngi̱ ce̱e̱ze̱ cinne gool ci Manyi, ngati ogone nege kaal cik abunna, kar atin anna Manyi kanyahak Aburaham zoz bali ku̱du̱wa̱ anna ke̱.”

Kananet 22:18

kar zo̱ze̱ ci dooli cigunnek, amuda atin ol lo̱o̱co̱we̱ do̱o̱k ma̱yu̱we̱ne̱t, eci i̱nna̱ o̱ngo̱o̱li̱na̱n.”

Kananet 24:35

U̱mu̱yu̱k Manyi ddi̱ki̱ryo̱i̱t cinanni oroot, ize zin enne jaitot. Aanyik Ta̱mu̱ta̱dde̱n nonno a̱zza̱ ki tiin, ki ziik cik ataltali ki dhahab, du̱cca̱k cik macik ki cik nga̱a̱ye̱k, ki naganaganya ki zi̱gi̱re̱.

Kananet 25:11

Baling a̱da̱k Aburahami, u̱mu̱yu̱k zin Ta̱mu̱ta̱dde̱n ngerinne I̱sa̱ko̱, abak zin ngati ojono ki nginti een Beer Lahai Roi.

Kananet 26:29

du̱l da̱ illa ize ne iróng atidic ogonikket gi̱i̱ ci gerze, ki i̱yo̱ko̱ ming iróng kogonikku̱ng gi̱i̱ ci gerze. Ki̱tto̱nnu̱ng ba̱li̱ye̱ labak. I̱yo̱ko̱, cin zin, aanyi Manyi ma̱yu̱we̱ne̱t!”

Kananet 26:4

Kanyike atin dooli cigunnek ki̱ti̱rre̱t kizeto meele ki i̱yo̱ko̱ munyunya, kar bo̱do̱k kanyik nogo lo̱o̱c necu do̱o̱k, eci zo̱ze̱ ci dooli cigunnek, amuda atin ol cik lo̱o̱tu̱ do̱o̱k ma̱yu̱we̱ne̱t,

Kananet 27:29

Anyik lo̱o̱cco̱k ki̱li̱ngli̱ngo̱nto̱zi̱n kar ol kakatei u̱zu̱ngtti̱ ngatunne. Ize ddi̱ki̱ryo̱i̱t ngati gotonogginnu, anyik bai logoz cik yaatunne kakatei i̱nne̱t u̱zu̱ngti̱nne̱. Anyik bai ol cik otoryi i̱nne̱t kotorte kar anyik bai ol cik a̱mu̱yu̱ki̱ i̱nne̱t ka̱mu̱yu̱kte̱.”

Kananet 28:14

Ovvo atin dooli cigunnek atubo ki azac ci lo̱o̱tu̱, azawonik atin dooli cigunnek lo̱o̱cco̱k cik aavtte nyigja ki je̱e̱na̱, ki bo̱do̱k i̱do̱wa̱ ki i̱do̱li̱ya̱. Ovvo olli lo̱o̱tu̱ do̱o̱k amuda ma̱yu̱we̱ne̱t ngatunne ki dooli cigunnek.

Kananet 30:27

Ma̱i̱je̱ Labani a̱nne̱k nonno ne, “Ming kabunna anna ngatunne, bak bai ngatu labak. Ka̱gga̱wa̱ anna ngati ka̱ru̱we̱ biyen a̱mu̱yu̱ka̱ zin Manyi zo̱ze̱ cunne.”

Kananet 30:30

Ovvo eeza balik kidik anyai i̱nna̱ ke̱ otorte oroot, kar Manyi ka̱ma̱yu̱k kaal cik kabali anna. Ma̱i̱je̱ i̱yo̱ko̱, kogonik atin anna ce̱e̱z cinanni nya?”

Kananet 39:5

Akane i̱i̱te̱ne̱ bali arike enne nonno ka̱gga̱m kaal ce̱e̱ze̱ cinne do̱o̱k, a̱mu̱yu̱k zin Manyi ce̱e̱z ci Potiphar ko̱ zo̱ze̱ ci Yosevo. Okko ma̱yu̱we̱ne̱t ci Manyi kaale cik anyak enne do̱o̱k, ce̱e̱za̱ kar bo̱do̱k ma̱ne̱ne̱.

Ma̱te̱yo̱ 25:40

“Kar zin alaani kabarizek nogo, azi ne, ‘Ka̱du̱wa̱kku̱ng zoz ci een de̱de̱, ming u̱tu̱gu̱we̱u̱ i̱nna̱ kaal ne̱ko̱ gotonogga icima ngonogga cik iróng ol edeconik ko̱, U̱tu̱gu̱we̱ya̱ i̱nna̱ annita!’

Ma̱te̱yo̱ 25:45

“Kar atin enne kobodek nogo, azi ne, ‘Ka̱du̱wa̱kku̱ng zoz ci een de̱de̱, ming aburnnu niga iróng eelannu gotonogga ki ngonogga cik iróng ol edeconik ko̱, aburnnu niga iróng eelannang annita.’

Lu̱ka̱ 24:27

Akane ngati Musesi ki a̱ri̱tto̱k do̱o̱k, oobek zin enne nogo zoz bali obod ki nonno u̱du̱ya̱i̱ e̱he̱rye̱ Waraganyai cik Ta̱mu̱ta̱dde̱no̱ ko̱ do̱o̱k.

Roma 4:11

Aanyik Aburahami ele cinne kettede kar ki̱ye̱la̱ bunnat cinne eci enne a̱tu̱ Ta̱mu̱ta̱dde̱n ki bali ming ngen enne ketted wucic vi̱ca̱vi̱ca̱ ke̱ nu̱nu̱n. Aanyik zin zoz necu Aburaham kize be̱e̱ti̱ ol wak elemi Ta̱mu̱ta̱dde̱n tu̱we̱nte̱ cinne̱ng, ming iróng nege etted nu̱nu̱n.

1 Ko̱ri̱nto̱ 1:30

E̱e̱ggi̱nnu̱ niga dooli cik Ta̱mu̱ta̱dde̱no̱, urumteu zin niga ki Ye̱su̱ Ki̱ri̱sto̱, wa a̱kku̱ ngati Ta̱mu̱ta̱dde̱no̱ ki̱ki̱ya̱ ki̱ti̱ri̱ze̱t kar enne kanyaha genyiz ci abunna kar bo̱do̱k ki̱li̱li̱.

Ga̱la̱ti̱a̱ 3:16

U̱du̱wa̱k zin Ta̱mu̱ta̱dde̱n Aburaham ki ngerinne ma̱yu̱we̱ne̱t ci okko enne a̱ma̱yu̱we̱ nogo. Icinnet iróng Waraga ci Ta̱mu̱ta̱dde̱no̱ azi ne, “Dooli ciginnek,” abarik azi ne, “do̱le̱c cunne,” een zin do̱le̱c neci Ki̱ri̱sto̱.

Ga̱la̱ti̱a̱ 3:28

Ming anyakku tu̱we̱ne̱t ci Ye̱su̱ Ki̱ri̱sto̱ niko, i̱zzi̱ zoz ci bo̱do̱k kazi ne, e̱e̱ggi̱n ciko olli Ya̱u̱d, ovvo ciko e̱e̱ggi̱n ol wak een Gi̱ri̱k, icima uggak e̱e̱ggi̱n du̱cca̱k, ovvo uggak een jain, icima e̱e̱ggi̱n uggak ngaai, icima odot; eci naga do̱o̱k ke̱e̱ggi̱n ol co̱de̱ ngati Ye̱su̱.

Ga̱la̱ti̱a̱ 3:8

Anyak zoz ci e̱he̱rye̱ Warage ci Ta̱mu̱ta̱dde̱no̱ ci okko atin Ta̱mu̱ta̱dde̱n a̱du̱wa̱ kar kanyik ol wak iróng een Ya̱u̱d do̱o̱k kizeto ol cik abunna ngu̱me̱ cinne tu̱we̱nta̱. Zoz zin bali a̱du̱wa̱k Ta̱mu̱ta̱dde̱n Aburaham kaviyak cik abunna, azi ne, “Kar ol lo̱o̱ta̱ ngatu do̱o̱k ku̱mu̱dda̱ atin ma̱yu̱we̱ne̱t zo̱ze̱ cunne.”

Evesos 1:3

Abunna zin kinnat Ta̱mu̱ta̱dde̱n wa een Be̱e̱ti̱ Manyitinna Ye̱su̱ Ki̱ri̱sto̱. A̱ma̱yu̱kke̱t enne agit bali ta̱mu̱-kenga ngati i̱tto̱na̱ne̱ Ki̱ri̱sto̱ kar kurubta ma̱yu̱we̱ne̱t ci Vongizo zo̱ze̱ cinne.

Kolosiya 3:11

Imma zin zo̱ze̱ cu, i̱llo̱i̱ e̱e̱t ci een Ya̱u̱do̱c icima ci een Gi̱ri̱k, icima e̱e̱t ci etted vi̱ca̱vi̱ca̱ icima iróng ettede, icima e̱e̱t ci een i̱do̱nge̱ni̱t icima ol cik abak lo̱o̱ce̱ ci een Scythian, ki e̱e̱t ci een du̱ca̱i̱t, icima iróng een e̱e̱t ci een du̱ca̱i̱t. Abarik zin olle ne̱ko̱ do̱o̱k, Ki̱ri̱sto̱ ci ommog kaal do̱o̱k, kar enne ka̱vvu̱ kaale do̱o̱k.

O̱no̱zzo̱k 7:9

Imma baling edeccai zoz necu, kicina ngu̱me̱ cinanni koole ci a̱ppwe̱ oroot iróng wo̱ye̱ e̱e̱ti̱ imma a̱gi̱li̱, a̱vvu̱ lo̱o̱co̱we̱ do̱o̱k, booryyok do̱o̱k, ki ol cik ozoz u̱tu̱ge̱tti̱ cik aavtte do̱ do̱, abile nege lecera ojonun ngu̱me̱ ci Nyoono. Aim nege do̱o̱k ru̱u̱ma̱ni̱ cik voorik, a̱gga̱m eetele azzine cigge̱k.