Kananet 12:2 - Tennet

² “Kokko atin anna kadimani i̱nne̱t ize zu̱we̱ ci a̱ddi̱ki̱re̱ kar atin ku̱mu̱yu̱wi̱n; kanyik atin zar cigunnek ku̱bu̱lte̱, anyahak atin i̱nna̱ ol ma̱yu̱we̱ne̱t.

Kananet 12:2 Iomraidhean Croise

Kananet 13:16

Kanyik atin anna dooli cigunnek kotorte kizeto meele giir kiwagon azac, kar zin ming ikeb e̱e̱ti̱ imma azac, ikebje wo̱ye̱ dooli cik dooli cigunnek bu̱k.

Kananet 15:5

Uwe zin enne nonno reena kar kize ne, “Cin ta̱dde̱n ta̱mu̱-keng kar zin ikeb munyuny, ming wo̱ye̱ ikebi nogo de̱de̱.” Kar enne kizek nonno ne, “I̱yo̱ko̱ zin, ovvo atin dooli cigunnek e̱e̱ggi̱n niko.”

Kananet 17:20

Kar ngati Ismaili, kiziya anna zoz cunne: Ka̱mu̱yu̱i̱ atin anna nonno de̱de̱; kanyik atin anna ki̱ti̱r kanyak dooli cik meelek. Okko atin enne een be̱e̱ti̱ alaat cik e̱e̱ggi̱n omoto ki rama, kanyik atin dooli cik dooli ciginnek kokkomit kak.

Kananet 18:18

Ovvo atin dooli cik Aburahami e̱e̱ggi̱n ol cik okkomi, kar i̱do̱ngi̱ do̱o̱k lo̱o̱ta̱ ngatu kurubta ma̱yu̱we̱ne̱t ngatinne.

Kananet 18:19

Eci katahala anna nonno, kar atin enne ki̱ye̱le̱k dooli ciginnek ki ol cik a̱li̱ngli̱ngi̱ ce̱e̱ze̱ cinne gool ci Manyi, ngati ogone nege kaal cik abunna, kar atin anna Manyi kanyahak Aburaham zoz bali ku̱du̱wa̱ anna ke̱.”

Kananet 19:29

Baling i̱li̱b Ta̱mu̱ta̱dde̱n o̱ro̱gjo̱k ne̱k balik mu̱u̱ra̱ ke̱, a̱a̱da̱ zin enne zoz ci Aburahami, kar zin kanyaha Lot o̱ro̱gjo̱we̱ balik a̱li̱b enne ke̱, ngati abahe Loti.

Kananet 24:1

Ize Aburahami ma̱ti̱yo̱c anyak e̱rki̱nya̱ cik meelek, kar Manyi ku̱mu̱yu̱k nonno go̱o̱lo̱we̱ do̱o̱k.

Kananet 24:35

U̱mu̱yu̱k Manyi ddi̱ki̱ryo̱i̱t cinanni oroot, ize zin enne jaitot. Aanyik Ta̱mu̱ta̱dde̱n nonno a̱zza̱ ki tiin, ki ziik cik ataltali ki dhahab, du̱cca̱k cik macik ki cik nga̱a̱ye̱k, ki naganaganya ki zi̱gi̱re̱.

Kananet 25:11

Baling a̱da̱k Aburahami, u̱mu̱yu̱k zin Ta̱mu̱ta̱dde̱n ngerinne I̱sa̱ko̱, abak zin ngati ojono ki nginti een Beer Lahai Roi.

Kananet 26:3

A̱vvu̱ lo̱o̱ce̱ necu do̱yo̱i̱t, kaave atin anna ki i̱nne̱ta̱ kar atin ka̱mu̱yu̱i̱ i̱nne̱ta̱. Eci kanyike atin anna i̱nne̱t ki dooli ki dooli cigunnek lo̱o̱cco̱k ne̱ko̱, kar atin nege ku̱zu̱tte̱ olom bali ku̱du̱wa̱ anna baatunne Aburaham ke̱.

Kananet 26:4

Kanyike atin dooli cigunnek ki̱ti̱rre̱t kizeto meele ki i̱yo̱ko̱ munyunya, kar bo̱do̱k kanyik nogo lo̱o̱c necu do̱o̱k, eci zo̱ze̱ ci dooli cigunnek, amuda atin ol cik lo̱o̱tu̱ do̱o̱k ma̱yu̱we̱ne̱t,

Kananet 27:29

Anyik lo̱o̱cco̱k ki̱li̱ngli̱ngo̱nto̱zi̱n kar ol kakatei u̱zu̱ngtti̱ ngatunne. Ize ddi̱ki̱ryo̱i̱t ngati gotonogginnu, anyik bai logoz cik yaatunne kakatei i̱nne̱t u̱zu̱ngti̱nne̱. Anyik bai ol cik otoryi i̱nne̱t kotorte kar anyik bai ol cik a̱mu̱yu̱ki̱ i̱nne̱t ka̱mu̱yu̱kte̱.”

Kananet 28:14

Ovvo atin dooli cigunnek atubo ki azac ci lo̱o̱tu̱, azawonik atin dooli cigunnek lo̱o̱cco̱k cik aavtte nyigja ki je̱e̱na̱, ki bo̱do̱k i̱do̱wa̱ ki i̱do̱li̱ya̱. Ovvo olli lo̱o̱tu̱ do̱o̱k amuda ma̱yu̱we̱ne̱t ngatunne ki dooli cigunnek.

Kananet 35:11

Kar zin Ta̱mu̱ta̱dde̱n kizek nonno ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k; ti̱ro̱ kar otorte izet meele. Iyowa zu̱we̱ cik o̱ro̱gjo̱k cik meelek ngatunne, ovvo atin alaata iyowa eliye cunne.

Kananet 46:3

Izek zin Ta̱mu̱ta̱dde̱n nonno ne, “Ke̱e̱ni̱ anna Ta̱mu̱ta̱dde̱n, Ta̱mu̱ta̱dde̱n ci baatunne, ma o̱ngo̱o̱le̱ gi̱i̱ imma ngati okkoye i̱nna̱ Masire, eci kadimani atin anna i̱nne̱t ize orog ci a̱ddi̱ki̱re̱ nginati.

Lu̱ge̱z 1:7

Imma olli Israilo i̱ti̱rre̱t da̱ Masire oroot kar zin kabaito lo̱o̱ce̱ neci do̱o̱k.

Roma 4:11

Aanyik Aburahami ele cinne kettede kar ki̱ye̱la̱ bunnat cinne eci enne a̱tu̱ Ta̱mu̱ta̱dde̱n ki bali ming ngen enne ketted wucic vi̱ca̱vi̱ca̱ ke̱ nu̱nu̱n. Aanyik zin zoz necu Aburaham kize be̱e̱ti̱ ol wak elemi Ta̱mu̱ta̱dde̱n tu̱we̱nte̱ cinne̱ng, ming iróng nege etted nu̱nu̱n.

Ga̱la̱ti̱a̱ 3:14

Imma zin i̱yo̱ko̱, aanyyet daizi ci Ye̱su̱ Ki̱ri̱sto̱ ngati a̱da̱kne̱ ngatinna ol wak iróng een Ya̱u̱d ma̱yu̱we̱ne̱t ki bali aanyik Ta̱mu̱ta̱dde̱n Aburaham oowa ke̱, kar zin ka̱mu̱yu̱k ol cik lo̱o̱tu̱ do̱o̱k. Kar ol wak a̱tu̱we̱ ku̱mu̱dda̱ Vongiz ci A̱li̱le̱ bali u̱du̱wa̱ Manyi ke̱ go̱o̱le̱ ci a̱tu̱we̱ne̱ nege.

Ga̱la̱ti̱a̱ 3:7

Abunna zin ming a̱gga̱yyu̱, een ol wak a̱tu̱we̱ ko̱ dooli cik Aburahami de̱de̱ tu̱we̱nta̱.