Kananet 12:13 - Tennet

¹³ Ming a̱jji̱nni̱ nege du̱wa̱k nogo izek ne e̱e̱ni̱ i̱nna̱ ngoona, kar atin nege ki̱ti̱ri̱ztta̱ annita ju̱rru̱m zo̱ze̱ cunne, kar anna kurugo.”

Kananet 12:13 Iomraidhean Croise

Kananet 11:29

Urucco zin logoz ne̱k e̱e̱ggi̱n rama ko̱, i̱ti̱k zin Aburami buuwec ci een Sarai, okko gotoniya Nahori a̱ti̱k Milcah; een enne buweenyi gotononi wa een Haran wa bali bo̱do̱k anyak buweenyinne co̱de̱ ci azi zara ne Iscah.

Kananet 12:14

Baling ovvo ciko Aburam arawa Masir, icinnet zin olli Masiro ming a̱zi̱ze̱ ngaa cinne oroot.

Kananet 20:2

kar nginati ozoz Aburahami zoz ci ngaa cinne Sarah azi ne, “Een enne Sarah ngoona.” Kar zin Abimelech alaani ci Gerari ki̱tto̱na̱ ol kanyaktak nonno Sarah kar zin ko̱o̱tte̱ nonno.

Kananet 20:5

Ngen enne kizeya annit ne, ‘Een enne ngooni,’ ngen bo̱do̱k Sarah bu̱k kizeya annit ne, ‘Een enne gotona’? Ku̱tu̱gu̱ anna zoz necu zinine ci abunna ki azzin cik caalek.”

Kananet 26:7

Baling I̱jji̱nne̱t ol cik orog neci nonno zoz ci ngaa cinne, izek enne nogo ne, “Een enne ngoona,” eci enne o̱ngo̱o̱le̱ kize ne, “Een enne ngaa cinanni.” I̱no̱n enne azi ne, “Ovvo wo̱ye̱ atin ol cik orog necu a̱ru̱ka̱ annita ka̱da̱k zo̱ze̱ ci Rebekah, eci enne a̱zi̱ze̱.”

Kaviyak wak Abunna Ta̱mu̱ta̱dde̱no̱ eher Joni 8:44

E̱e̱ggi̱nnu̱ niga dooli cik lo̱rye̱nta̱k, be̱e̱ti̱nno̱ng, ogonnu kaal cik orong enne. Bali oowa, een enne e̱e̱t ci a̱ru̱k ol ka̱da̱i̱to̱, iróng enne abak zo̱ze̱ ci een de̱de̱, eci enne iróng anyak zoz ci een de̱de̱. Ming ovolong gon enne zoza, een neci kaale cinne, eci enne een volongnyoit, be̱e̱ti̱ volongo.

Roma 6:23

Aanyyet mu̱nye̱na̱ daiz, okko zoz ci Ta̱mu̱ta̱dde̱no̱ aanyyet baiz ci aave udut ngati Manyitinna Ye̱su̱ Ki̱ri̱sto̱.

Kolosiya 3:6

Imma zin kaale cik gerzek anyak ol ko̱, okko atin anyaha zoz ci okko Ta̱mu̱ta̱dde̱n aburne nong oroot.