Kananet 12:1 - Tennet

¹ Iizek zin Manyi Aburam ne, “Tungek orog cunne lo̱o̱c, ki boor cigunnek ki olli baatunne, kar bit lo̱o̱ce̱ ci kokko atin anna ki̱ye̱le̱ki̱n.

Kananet 12:1 Iomraidhean Croise

Kananet 15:7

A̱nne̱k bo̱do̱k enne nonno ne, “Ke̱e̱ni̱ anna Manyi bali kanyahanni i̱nne̱t o̱rge̱ ci een Ur lo̱o̱ce̱ ci een Chaldean kar kaanyi lo̱o̱c cu kize cunne.”

Kananet 20:13

Baling aanya Ta̱mu̱ta̱dde̱n keeron kutungek orog ci baba lo̱o̱c, ku̱du̱wa̱ Sarah ka̱nne̱k ne, ‘Een necu gool ci i̱ye̱le̱ka̱ i̱nna̱ annit rezinet cunne: Okko ngati kovvoye naga do̱o̱k, du̱wa̱k ol zoz cu, “Een enne gotona.”’”

Kananet 24:38

abarik bit rok orog ci baba boore cinanni, kar nyahak ngeranni ngaa.’

Kananet 24:4

abarik bit o̱rge̱ cinanni rok boor cinanni kar anyik ngaa ngeranni I̱sa̱ko̱ nginati.”

Kananet 24:7

Okko Manyi, Ta̱mu̱ta̱dde̱n ci ta̱mu̱-kengo, bali anyahana ce̱e̱ze̱ ci baba ki lo̱o̱c cinanni, u̱du̱wa̱ enne ba̱li̱ye̱ azi ngati ogone olom ne, ‘Kanyike atin anna lo̱o̱c necu biilet cunne’ I̱tto̱na̱ atin enne anjilo cinne kuk o̱o̱we̱ cunne kar i̱nna̱ tahalak ngeranni ngaa nginati.

Kananet 26:2

Ozozek zin Manyi I̱sa̱ko̱ o̱no̱zo̱we̱, “Ma aluce okko Masire; bak lo̱o̱ce̱ ci ka̱du̱wa̱ki̱ abunna ming abahe ko̱.

2 Ko̱ri̱nto̱ 6:17

Azi bo̱do̱k Manyi ne, “Engertta zin e̱le̱tti̱ ngati ol ne̱k iróng a̱tu̱we̱ ko̱. Ma u̱u̱mnyu̱ kaal cik anyak mu̱nye̱n gon ngoronyik ko̱. Kar zin atin anna kelemaung.

I̱bu̱ru̱ 11:8

Imma bo̱do̱k tu̱we̱nte̱ ci e̱e̱t ci een zara Aburaham, elema zoz ci Ta̱mu̱ta̱dde̱no̱ baling awu nonno ke̱, kar kuk lo̱o̱ce̱ bali a̱nne̱k Manyi anyik nonno kuk ke̱, kar atin kuuwe lo̱o̱c neci kize cinne. Okko enne ming iróng a̱gga̱ lo̱o̱c neci nu̱nu̱n.

O̱no̱zzo̱k 18:4

Kiziya zin bo̱do̱k anna muluk imma ci a̱kku̱ ta̱mu̱-kenga, azi ne: “Iyokta o̱rge̱ necu, niga ol wagannik, kar atin iróng niga ozolu mu̱nye̱n ciginnek, kar atin iróng niga amudannu zeret imma ngatinne;