Kananet 11:7 - Tennet

⁷ Ki̱vi̱ta̱ koo lo̱o̱ta̱ kar kongotanit utug cinne̱ng kar iróng nege ngen azikno.”

Kananet 11:7 Iomraidhean Croise

Kananet 1:26

Ize zin bo̱do̱k Ta̱mu̱ta̱dde̱n ne, “Keteheenyca zin e̱e̱t ci diiri kudukto ki agita kar kabal u̱lu̱g cik nyatapar ci a̱ddi̱ki̱re̱ ki iballi ki elegje ki kaal cik lo̱o̱ta̱ ko̱ do̱o̱k.”

Kananet 10:20

E̱e̱ggi̱n ne̱ko̱ dooli cik Hami wak abak lo̱o̱ce̱ cinne̱ng do̱ do̱ ki zoz cinne̱ng do̱ do̱.

Kananet 10:32

E̱e̱ggi̱n ne̱ko̱ do̱o̱k booryyok cik a̱vvu̱ doolinne cik Nowa, ki tatuget cigge̱k, lo̱o̱co̱we̱ cigge̱k. Kar booryowa do̱o̱k kazantozik lo̱o̱cco̱k baling ibil tawani lo̱o̱ta̱.

Kananet 10:5

E̱e̱ggi̱n nege ji̱ji̱ti̱k ol balik owo i̱be̱te̱ amuda da̱i̱ne̱t li̱i̱llo̱we̱ azanonnik lo̱o̱cco̱k i̱do̱ngi̱ne̱ kar kozozit u̱tu̱ge̱tti̱ cik aavtte do̱ do̱.

Kananet 11:5

I̱ki̱ya̱ zin Manyi rok lo̱o̱c ki̱ki̱ya̱ kicin orog ki ce̱e̱z ci u̱u̱ni̱ eenyet ol cik diirik ko̱.

Kananet 3:22

Ize zin Manyi Ta̱mu̱ta̱dde̱n ne, “U̱tu̱gu̱ e̱e̱ti̱ ci diiri ki i̱yo̱ko̱ naga ko̱, a̱gga̱ zoz ci abunna ki ci gerze. Iróng la̱du̱n kelemi nonno ki̱tto̱na̱ a̱zzi̱t cinne kidima bo̱do̱k gi̱i̱ imma keete ci baizo kar kadak, kar atin enne kabak udut.”

Kananet 42:23

Iróng nege a̱gga̱ ming aziye Yosevo zoz ci ozoz nege ko̱, eci enne anyak e̱e̱t ci bali a̱gga̱me̱k nonno zoz.

Lu̱ge̱z 4:11

A̱nne̱k zin Manyi nonno ne, “Ngene ci aanyik e̱e̱t ci diiri utug? Ngene ci aanyik e̱e̱t ci diiri kidite iina icima okkomnek zoz? Ngene ci aanyik e̱e̱t ci diiri kicino icima kize ru̱be̱n? Iróng een Annita, Manyi?

1 Ko̱ri̱nto̱ 14:23

Ming urumte olli ke̱le̱ci̱o̱ do̱o̱k nga̱to̱de̱, kar ol kozozit u̱tu̱ge̱tti̱ne̱ cik iróng nege a̱gga̱, kar ol uggak cik iróng a̱tu̱we̱ ki̱tto̱zo̱ orgen cinne̱ng, iróng atin nege azi ne adak ol ne̱ko̱ ngamoni?