Kananet 1:3 - Tennet

³ I̱i̱te̱n wa een oo, odola Ta̱mu̱ta̱dde̱n ize ne, “Anyik vooriten ki̱ye̱la̱i̱,” ize zin vooriten ne paa,

Kananet 1:3 Iomraidhean Croise

Kananet 2:4

Een necu zoz ci bali eenycane Ta̱mu̱ta̱dde̱n ta̱mu̱-keng ki lo̱o̱c. Baling idiman Manyi Ta̱mu̱ta̱dde̱n lo̱o̱c ki ta̱mu̱-keng,

Ma̱te̱yo̱ 8:3

Atadek zin Ye̱su̱ e̱e̱t neci a̱zzi̱t, kar kize ne, “Korongi anna kar abunna ming kangaruyin.” Angaru zin enne e̱e̱t neci kubunna e̱e̱ti̱ necu ki̱zzi̱ dhovo dakdak.

Kaviyak wak Abunna Ta̱mu̱ta̱dde̱no̱ eher Joni 1:5

Alanyit vooriten neci mu̱hu̱ra̱to̱, iróng bu̱k mu̱hu̱ri̱ uule kidit nonno.

Kaviyak wak Abunna Ta̱mu̱ta̱dde̱no̱ eher Joni 1:9

Een neci ba̱li̱ye̱ vooriten wa een de̱de̱, a̱kku̱ kar ki̱ki̱ya̱ kutukul ol do̱o̱k lo̱o̱ta̱.

Kaviyak wak Abunna Ta̱mu̱ta̱dde̱no̱ eher Joni 11:43

Baling u̱du̱wa̱ Ye̱su̱ zoz necu, utu zin daizoit muluwe ci a̱bu̱le̱, ize ne, “Lazaru, iyowa re̱e̱nu̱n!”

Kaviyak wak Abunna Ta̱mu̱ta̱dde̱no̱ eher Joni 3:19

Een icu zoz ci ettede enne lo̱ki̱ko̱: I̱tto̱na̱k Ta̱mu̱ta̱dde̱n Ye̱su̱ lo̱o̱c kize tukulec, imma e̱e̱ti̱ ci diiri abure, irez mu̱hu̱ri̱te̱n kommog tukulec, eci nege ogon kaal cik gerzek.

2 Ko̱ri̱nto̱ 4:6

Azi zoz ci Ta̱mu̱ta̱dde̱no̱ ne, “Anyik koor kataran nginti mu̱hu̱ri̱.” Ta̱mu̱ta̱dde̱n ci adiman zoz cinne obod ki Ye̱su̱, ogon ki vooriten ci alanyit zi̱nze̱tti̱nne̱ cigga̱c. U̱tu̱gu̱we̱t Ta̱mu̱ta̱dde̱n zoz necu agit do̱o̱k wak a̱tu̱ Ki̱ri̱sto̱. Ogon niko abunna a̱gga̱yyu̱ ming ovvo acinnu Ye̱su̱, i̱ye̱la̱ bunnat ci Ta̱mu̱ta̱dde̱no̱ ele.

Evesos 5:14

Eci vooriteni aanyik kaal do̱o̱k ki̱ye̱lta̱i̱. Zoz zin ci u̱du̱ya̱i̱ azi ne: “Tinga je̱e̱na̱ i̱nna̱ e̱e̱ti̱ ci adungi ko̱, tinga daiza, kar atin vooriten ci Ki̱ri̱sto̱ kataranin.”

Evesos 5:8

Abakku gon ba̱li̱ye̱ niga mu̱hu̱ra̱, imma i̱yo̱ko̱ izetu ol cik abakku vooritena, eci i̱yo̱ko̱ izetu olli Manyi. Abait ki ol wak abak vooritena.

1 Ti̱mo̱te̱yo̱ 6:16

Ta̱mu̱ta̱dde̱n do̱ niko ci iróng a̱da̱i̱ udut. Abak enne vooritene ci ataltali, i̱llo̱i̱ rok e̱e̱t ci anime kuk ojonun, ngen e̱e̱ti̱ imma kicin nonno udut, i̱llo̱i̱ bo̱do̱k atin ol cik acin nonno. Anyak enne komiz, ki̱di̱ngdi̱nga̱ni̱t nonno udut. Anyik ku̱tu̱gu̱ niko (Amin).

1 Jon 1:5

Een necu zoz ci kazikna naga ngatinne kar naga ku̱du̱kta̱ zoz neci: “Een Ta̱mu̱ta̱dde̱n vooriten, i̱llo̱i̱ mu̱hu̱ri̱te̱n ngatinne udut.”

1 Jon 2:8

Ngen zin keherakkung ti̱lo̱wi̱ne̱t ci een jor; i̱ye̱la̱i̱ zoz cinne de̱de̱ ngati Ki̱ri̱sto̱ ki i̱ge̱ta̱, i̱llo̱i̱ mu̱hu̱ri̱te̱n udut, enyerkai tukuleci ci een de̱de̱.