Kananet 1:28 - Tennet

²⁸ U̱mu̱yu̱k Ta̱mu̱ta̱dde̱n nogo kar kizek ne, “I̱ti̱rre̱t ibbizitanit lo̱o̱c do̱o̱k, abalit kaal cik abak nyatapare ci a̱ddi̱ki̱re̱ ki iballi ki elegje cik abak lo̱o̱ta̱ do̱o̱k.”

Kananet 1:28 Iomraidhean Croise

Kananet 1:22

U̱mu̱yu̱k zin Ta̱mu̱ta̱dde̱n elegje do̱o̱k izek ne, “I̱ti̱rre̱t izet meele, anyik u̱lu̱g kibbitet li̱i̱llo̱k cik a̱ddi̱ki̱re̱. Kar iballi bu̱k ki̱ti̱rre̱t kibbitet lo̱o̱c.”

Kananet 17:16

Ka̱mu̱yu̱i̱ atin anna nonno kar ki̱ti̱rra̱i̱ i̱nne̱t do̱le̱c ci maci. Ka̱mu̱yu̱i̱ atin nonno kize e̱e̱ti̱ i̱do̱ngi̱nnu̱ kar atin alaata cik a̱ddi̱ki̱re̱ a̱vvu̱ ce̱e̱ze̱ cunne.”

Kananet 17:20

Kar ngati Ismaili, kiziya anna zoz cunne: Ka̱mu̱yu̱i̱ atin anna nonno de̱de̱; kanyik atin anna ki̱ti̱r kanyak dooli cik meelek. Okko atin enne een be̱e̱ti̱ alaat cik e̱e̱ggi̱n omoto ki rama, kanyik atin dooli cik dooli ciginnek kokkomit kak.

Kananet 24:60

Kar ku̱mu̱yu̱we̱t Rebekah kar kizettek ne, “Ngoonet, anyik ce̱e̱z cunne kotore kizeto i̱bbo̱nge̱t ki i̱bbo̱nge̱t; anyik bai dooli cigunnek kaamta tatuget cik mo̱ddo̱ cigge̱k.”

Kananet 26:24

Okko ba̱a̱li̱n neci, i̱ye̱le̱k Manyi I̱sa̱ko̱ ele kar kize ne, “Ke̱e̱ni̱ anna Ta̱mu̱ta̱dde̱n ci baatunne Aburaham. Ma o̱ngo̱o̱le̱, eci anna kaave ngatunne; ka̱mu̱yu̱ki̱ atin anna i̱nne̱ta̱ kar atin kanyik dooli cigunnek kizeto meele zo̱ze̱ ci du̱ca̱i̱t cinanni Aburaham.”

Kananet 33:5

Edev zin I̱sa̱u̱ ta̱dde̱n acin ngaai ki dooli. I̱jji̱nno̱ zin, “Ciko ngene cik orkorannu bu̱k ko̱?” O̱bo̱de̱k zin Ya̱ko̱bo̱ nonno, “E̱e̱ggi̱n ne̱ko̱ dooli balik aanyik Ta̱mu̱ta̱dde̱n du̱ca̱i̱t cunne.”

Kananet 49:25

eci zo̱ze̱ ci Ta̱mu̱ta̱dde̱n ci baatunne, ci eelanni i̱nne̱ta̱, eci zo̱ze̱ ci Manyi wa anyak Komiz do̱o̱k, nonno ci a̱mu̱yu̱ki̱ ma̱yu̱we̱nte̱ ci a̱kku̱ ta̱mu̱-kenga, ki ma̱yu̱we̱ne̱t ci aave lo̱o̱ta̱ ecito, ki ma̱yu̱we̱ne̱t ci eezit ki momu.

Kananet 5:2

Eteehenya enne nogo, ci maci ki ci nga̱a̱ye̱ kar zin ka̱mu̱yu̱k nogo. Imma bali ngati idimana enne nogo, akatek zar cik azi ne, “E̱e̱t.”

Kananet 6:1

Baling i̱ti̱rre̱t ol cik diirik lo̱o̱ta̱ izeto meele, i̱ti̱rrtta̱ da̱ ol dooli cik nga̱a̱ye̱k bu̱k.

Kananet 8:17

Nyaha re̱e̱nu̱n kaal cik aruge do̱o̱k cik aavtte ki i̱ge̱ta̱, iballi, elegje, ki ngazengaze bu̱k kar ki̱ti̱rre̱t kibbizitanit lo̱o̱c.”

Kananet 9:1

U̱mu̱yu̱k zin Ta̱mu̱ta̱dde̱n Nowa ki logoz ciginnek a̱nne̱k ne, “I̱ti̱rre̱t kar otorta e̱le̱tti̱ kar ibbizitanit lo̱o̱c.

Kananet 9:7

Ma̱i̱je̱ zin i̱yo̱ko̱ niga, i̱ti̱rre̱t ibbizitanit lo̱o̱c do̱o̱k.”

1 Ti̱mo̱te̱yo̱ 4:3

Edemez nege ol azi ne gerza rucenet, kar bo̱do̱k ma adakku da̱i̱ne̱t u̱gge̱. Abarik ka̱gga̱ eenycak Ta̱mu̱ta̱dde̱n da̱i̱ne̱t ne̱ke̱ ol cik diirik kar ol wak a̱tu̱we̱ a̱gga̱ zoz ci een de̱de̱ ko̱, ka̱gga̱mta̱ ngati anyike nonno zany.