Kananet 1:1 - Tennet

¹ Bali oowa kananta eenyca Ta̱mu̱ta̱dde̱n ta̱mu̱-keng ki lo̱o̱c.

Kananet 1:1 Iomraidhean Croise

Lu̱ge̱z 20:11

Eci Ta̱mu̱ta̱dde̱n adiman ta̱mu̱-keng ki lo̱o̱c, nyatapar ci a̱ddi̱ki̱re̱ ki kaal cik abak ecito bu̱k, kar abarik ki̱ye̱be̱z i̱i̱nya̱we̱ cik een turgerem. A̱mu̱yu̱k zin Manyi I̱i̱te̱n wa Yu̱bze̱nto̱ kar kaanyik kize i̱i̱te̱n ci a̱li̱le̱.

Ma̱te̱yo̱ 11:25

Imma i̱i̱te̱ne̱ neci, ize Ye̱su̱ ne, “Baba ye̱i̱, Manyi ta̱mu̱-keng ki lo̱o̱c, kinnatin, eci i̱nna̱ iróng i̱ye̱le̱k kaviyak cigunnek ol wak egenyi ki ol wak a̱gga̱ te̱he̱ri̱ne̱t, i̱ye̱le̱k abarik ol wak een ngantulo kiwagon dooli kidik.

Marko 13:19

ma̱rri̱t i̱i̱nya̱we̱ ne̱ke̱ a̱li̱be̱ atin looci li̱be̱ne̱t ci ngen bali ki̱tta̱ la̱du̱n nginti eenycane Ta̱mu̱ta̱dde̱n lo̱o̱c zee rok i̱yo̱ko̱. Iróng bo̱do̱k atin gi̱i̱ imma ci ogon ki necu i̱i̱na̱ udut.

Buk wa To̱ni̱a̱u̱ 14:15

“Gotonogget! Ma ogonnu kaal ne̱ko̱. Ke̱e̱ggi̱nna̱ naga ol cik diirik ki i̱yo̱ko̱ niga ko̱. Kanyahakung kaviyak cik abunna, kar utungtek kaal cik gerzek ko̱ lo̱o̱c, u̱tu̱gu̱z kaal cik abunna Ta̱mu̱ta̱dde̱no̱, wa bali eenyca ta̱mu̱-keng ki lo̱o̱c, eenyca nyatapar ci a̱ddi̱ki̱re̱ ki kaal cik aavtte ecito do̱o̱k.

Buk wa To̱ni̱a̱u̱ 17:24

“Ta̱mu̱ta̱dde̱n ci eenyca ta̱mu̱-keng ki lo̱o̱c ki kaal cik aavtte ngatu ko̱ een Manyi ci lo̱o̱tu̱ ki ta̱mu̱-keng, iróng zin abak ce̱e̱zi̱nne̱ wak eenyca e̱e̱ti̱ ci diiri azzine.

Buk wa To̱ni̱a̱u̱ 4:24

Baling iziyyet nege zoz necu, alac nege Ta̱mu̱ta̱dde̱n mulukwane cik a̱bu̱le̱ oroot, izektek Ta̱mu̱ta̱dde̱n ne, “Manyi ye̱i̱, i̱nne̱t ci eenyca ta̱mu̱-keng ki lo̱o̱c ki nyatapar, ki kaal do̱o̱k ne̱k abak ko̱.

Roma 11:36

Ta̱mu̱ta̱dde̱n ci eenyca kaal do̱o̱k, kar kaanyik nogo do̱o̱k kuruget, azunne enne kaal ne̱ke̱ do̱o̱k komize cinne kizeto kaal ciginnek. Abunna zin ka̱di̱ngdi̱nga̱n naga do̱o̱k nonno udut. Nonno nenen.

1 Ko̱ri̱nto̱ 8:6

ka̱gga̱ naga anyak Ta̱mu̱ta̱dde̱n wa een Be̱e̱ti̱nna̱ o̱de̱ ṯok niko. A̱vvu̱ kaala do̱o̱k ngatinne, kabak naga do̱o̱k zo̱ze̱ cinne; anyak Manyi Ye̱su̱ Ki̱ri̱sto̱ co̱de̱ ṯok niko, a̱vvu̱ kaala do̱o̱k ki ruget ci kabahe naga ko̱ do̱o̱k zo̱ze̱ cinne.

Evesos 3:9

Ta̱mu̱ta̱dde̱n ci eenyca kaal do̱o̱k, orongnya zin enne annit ki̱li̱ngli̱ng zoz cinne kar keela ol do̱o̱k ka̱gga̱c zoz bali ninne a̱lu̱gnye̱ ke̱.

I̱bu̱ru̱ 1:10

Ozoz bo̱do̱k Ta̱mu̱ta̱dde̱n zoz ci Ngerinne, azi ne, “Manyi, bali arrak oowa, i̱nne̱t ci akane teheenyinet ci lo̱o̱c do̱o̱k kar bo̱do̱k teheenya ta̱mu̱-keng.

I̱bu̱ru̱ 1:2

Imma zin i̱yo̱ko̱ ko̱, i̱tto̱na̱e̱t Ta̱mu̱ta̱dde̱n Ngerinne ki̱ki̱ya̱ kanyahaet kaviyak cik abunna. Eenyca Ta̱mu̱ta̱dde̱n lo̱o̱c ki ta̱mu̱-keng do̱o̱k ngati Ngerinne. Een atin kaala do̱o̱k cik Ngerinne.

I̱bu̱ru̱ 11:3

Imma bo̱do̱k tu̱we̱nte̱ cinna, ka̱gga̱, idiman Ta̱mu̱ta̱dde̱n ta̱mu̱-keng ki lo̱o̱c zo̱ze̱ ci a̱du̱wa̱ enne utuga, adiman kaal ne̱ko̱ kaale cik iróng naga kacin eberene.

I̱bu̱ru̱ 3:4

Eenyet e̱e̱ti̱ ci diiri ce̱e̱z, abarik Ta̱mu̱ta̱dde̱n ci eenyet kaal do̱o̱k.

2 Peturu 3:5

Ibezzit nege zoz wa een de̱de̱ lurur, eenyca bali reena Ta̱mu̱ta̱dde̱n ta̱mu̱-keng ki lo̱o̱c zoza do̱. Eenyca enne lo̱o̱c maame.

1 Jon 1:1

Keherakkung naga i̱ge̱t zoz ci een ruget wa bali la̱du̱n aave kanante ci lo̱o̱tu̱ ke̱. Kizikta naga zoz neci, kicinnta naga nonno eberene cigga̱k kar bo̱do̱k ku̱u̱mta̱ nonno azzine.

O̱no̱zzo̱k 10:6

Kar zin ki̱tto̱n zar cik Ta̱mu̱ta̱dde̱n wa aruge udut, wa bali eteehenya ta̱mu̱-keng ki kaal wak aavtte nginati do̱o̱k, eenyca lo̱o̱c ki kaal ne̱k aavtte nginati ke̱ do̱o̱k, eenyca nyatapar ci a̱ddi̱ki̱re̱ ki kaal ne̱k abak nginati ke̱ do̱o̱k. Ize zin ne, “Iróng atin ngen erewinnu u̱u̱mu̱c!

O̱no̱zzo̱k 14:7

Egereny zin enne muluwe ci a̱ppwe̱ azi ne, “O̱to̱ngo̱o̱ltte̱ Ta̱mu̱ta̱dde̱n kar i̱di̱ngdi̱nga̱nni̱t nonno, eci i̱ki̱ya̱ i̱i̱te̱ni̱ ci okko enne ettedik ol lo̱ki̱ko̱. I̱di̱ngdi̱nga̱nni̱t nonno wa eenyca ta̱mu̱-keng ki lo̱o̱c, ki nyatapar ci a̱ddi̱ki̱re̱ ki moren wak erenane.”

O̱no̱zzo̱k 21:6

Ize zin enne ne, “Ubunntta kaala do̱o̱k. Ke̱e̱ni̱ anna Kananet ki Ṯurnenet, kakane anna kar kedecak. Imma ngati e̱e̱t ci a̱ru̱k koor, kanyike atin anna maam ollin e̱be̱re̱ce̱ ci maam cik rugeto.

O̱no̱zzo̱k 22:13

Ke̱e̱ni̱ anna Kananet ki Ṯurnenet, oo ki vu̱rru̱t, kakane kar kedecak.

O̱no̱zzo̱k 3:14

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ wa a̱ddi̱ki̱re̱ een zara Laodicea waraga cu: E̱e̱ggi̱n ne̱ko̱ zo̱zzo̱k cik E̱e̱t ci een De̱de̱, e̱e̱t ci abunna, ibbac zoz de̱de̱, nonno ci abal kaal cik Ta̱mu̱ta̱dde̱no̱ veelek.

O̱no̱zzo̱k 4:11

“Elenonu i̱nna̱ ki di̱ngdi̱nga̱ni̱ne̱t Manyitinna Ta̱mu̱ta̱dde̱n, kar ruba di̱ngdi̱ngo̱n ki inatinet ki doiz, eci i̱nna̱ eteehenya kaal do̱o̱k, kar zin zo̱ze̱ cunne keteehenycai kaala do̱o̱k kar zin ka̱vvu̱to̱ to do̱o̱k.”