Jonah 1:3 - Tennet

³ Imma Jonah, ngerrti ngene, etteda gool cinne, i̱vi̱r ngati Manyi. Uk rok orog ci een Joppa kar zin kuruba i̱bo̱ ci okko o̱rge̱ ci azi zar ne Tarshish, u̱ru̱k zin enne o̱ro̱bi̱ya̱, kar zin kottod kuk.

Jonah 1:3 Iomraidhean Croise

Kananet 3:8

Bali yo̱mo̱na̱ iziyyet ngaa ki mac Manyi Ta̱mu̱ta̱dde̱n ming owo ma̱na̱ orgena ngati alalne looci, u̱lu̱gu̱nyye̱t zin nege e̱le̱tti̱ keene ecito.

Kananet 4:16

U̱lu̱g zin Kaini ngati aave Manyi uk abak lo̱o̱ce̱ ci een Nod, ci aave je̱e̱ne̱ ci Edeni.

Jonah 1:10

O̱to̱ngo̱o̱ltte̱ zin nege oroot kar i̱jji̱nne̱t Jonah a̱nne̱k ne, “Ogoni da̱ i̱nna̱ nya?” A̱gga̱c nege niko ming a̱vi̱r enne ngati Manyi, eci enne la̱du̱n u̱du̱wa̱k ba̱li̱ye̱ nogo niko.

Jonah 4:2

Ala Jonah Manyi, “Manyi bai, ngen ba̱li̱ye̱ ku̱du̱wa̱ baling korongi kuk rok orog ci een Tarshish? Ka̱gga̱ niko ba̱li̱ye̱ kar zin ketteda gool cinanni. Ka̱gga̱ niko e̱e̱ni̱ i̱nna̱ Ta̱mu̱ta̱dde̱n ci abunna kar bo̱do̱k i̱i̱rke̱, iróng i̱nna̱ etteda zinin ataman kar bo̱do̱k rezinet cunne abak udut olle, eci e̱e̱ni̱ i̱nna̱ Ta̱mu̱ta̱dde̱n ci iróng adita ol.

Lu̱ka̱ 9:62

Abarizek zin Ye̱su̱, “I̱llo̱i̱ e̱e̱t co̱de̱ ci aarik a̱zzi̱t obok kar bo̱do̱k kicin vu̱rru̱t ci agano ki li̱ngli̱ngo̱n ci ba̱a̱li̱ne̱t ci Ta̱mu̱ta̱dde̱no̱.”

Buk wa To̱ni̱a̱u̱ 15:38

imma zin Pa̱u̱lo̱ abure eci bali Joni odotek nogo lo̱o̱c, lo̱o̱ce̱ ci Pamphylia, ngen enne ki̱li̱ngli̱nge̱t ki nogo nga̱to̱de̱.

Buk wa To̱ni̱a̱u̱ 26:19

“Alaan Agirippa, Iróng zin anna ka̱bu̱ri̱ zoz ci a̱kku̱ o̱no̱zo̱we̱ ta̱mu̱-kenga.

Buk wa To̱ni̱a̱u̱ 9:36

Anyak nuyait imma ci nga̱a̱ye̱ een zara Tabita, azi keng cik zar ciginnek ne Dorkas, a̱kku̱ enne o̱rge̱ ci een zara Joppa, ogon da̱ gon kaal cik abunna kar bo̱do̱k keela ol wak amati.

Buk wa To̱ni̱a̱u̱ 9:38

Aave bali Lydda ojonun ki Joppa; ma baling ovvo nuyaha aziye azi ne, aave Peturu Lyddakte, i̱tto̱ni̱t zin ol rama kar kilaltek nonno, “Nger, i̱jja̱ ataman!”

Buk wa To̱ni̱a̱u̱ 9:42

A̱gga̱we̱ zoz necu Joppakte do̱o̱k, kar zin ol cik meelek ku̱tu̱we̱t Manyi Ye̱su̱.

Buk wa To̱ni̱a̱u̱ 9:43

A̱vvu̱ Peturu ngati een Joppa do̱yo̱i̱t ki Si̱mo̱ne̱ wagon ododo kwaa ko̱.

1 Ko̱ri̱nto̱ 9:16

Ming kuwahek ol kaviyak cik abunna, iróng anna kodongi ele, eci een necu li̱ngli̱ngo̱n cinanni. O̱lle̱ nonga cigannik ming iróng anna kuwahek ol kaviyak cik abunna.

2 Te̱se̱lo̱ni̱ka̱ 1:9

Edez atin Manyi nogo udut kar kanyik ka̱vvu̱to̱ reena alaanzete cinne.