Kaviyak wak Abunna Ta̱mu̱ta̱dde̱no̱ eher Joni 9:2 - Tennet

² I̱jji̱nne̱t nuyaha nonno, izettek ne, “De̱me̱zo̱i̱t, a̱rri̱ta̱i̱ dim da̱ e̱e̱ti̱ necu kize ru̱be̱n nya, ngene ci abaci, anyak enne mu̱nye̱n yo icima i̱yo̱ko̱ baatinne ki yaatinne da̱?”

Kaviyak wak Abunna Ta̱mu̱ta̱dde̱no̱ eher Joni 9:2 Iomraidhean Croise

Lu̱ge̱z 20:5

Ma a̱di̱ngdi̱nga̱nnu̱ kaal cik een to̱do̱yyo̱k ko̱; eci anna Manyi Ta̱mu̱ta̱dde̱n cunno̱ng, ke̱e̱ni̱ anna Ta̱mu̱ta̱dde̱n ci kanyai meder, ke̱de̱zi̱ dooli zo̱ze̱ ci mu̱nye̱n ci be̱e̱ti̱gge̱k zee kizeto bu̱u̱llo̱wa̱ i̱i̱yo̱ icima we̱c wak amarina annita,

Ma̱te̱yo̱ 16:14

O̱bo̱dde̱k zin nege nonno, a̱nne̱k ne, “Azi uggak ne, e̱e̱ni̱ i̱nna̱ Jon Ba̱ti̱ti̱mo̱, ovvo uggak azi ne e̱e̱ni̱ i̱nna̱ E̱li̱ja̱; kar uggak kizeto ne e̱e̱ni̱ i̱nna̱ Jeremiah icima a̱ri̱to̱i̱t imma wa bali reeni ke̱.”

Ma̱te̱yo̱ 23:7

Atali nege ming irez ol nogo ngati izzawe nogo cuwa, atali bo̱do̱k ming awu ol nogo azi ne, ‘De̱me̱zo̱i̱t.’

Ma̱te̱yo̱ 23:8

“Abarik ma anyikku e̱e̱t imma kutuwung kize ne, ‘De̱me̱zo̱i̱t’ eci niga anyakku Manyi co̱de̱ ṯok, e̱e̱ggi̱nnu̱ niga do̱o̱k gotonet ki ngonogget.

Lu̱ka̱ 13:2

Abarizek zin Ye̱su̱ nogo, “I̱no̱nnu̱ niga ommog mu̱nye̱na̱ cik ol cik Ga̱li̱li̱ aavtte ngatu ko̱, olli Ga̱li̱li̱ veelek eci nege ipirta go̱o̱le̱ necu?

Kaviyak wak Abunna Ta̱mu̱ta̱dde̱no̱ eher Joni 4:31

Ma̱i̱je̱ ngatu nuyaha waginnek ilalttek nonno, “De̱me̱zo̱i̱t, dak gi̱i̱ imma.”

Kaviyak wak Abunna Ta̱mu̱ta̱dde̱no̱ eher Joni 9:1

Ma̱i̱je̱ da̱ i̱i̱te̱n imma owo Ye̱su̱ goola, kar zin kicin e̱e̱t ci da̱ a̱rri̱ta̱i̱ kize ru̱be̱n.

Kaviyak wak Abunna Ta̱mu̱ta̱dde̱no̱ eher Joni 9:34

O̱bo̱dde̱k zin nonno, a̱nne̱k ne, “A̱rri̱ta̱i̱ ba̱li̱ye̱ i̱nna̱ mu̱nye̱ne̱, i̱yo̱ko̱ edemezet wo̱ye̱ i̱nna̱ agita?” Kar zin kotoit nonno kuk reena Ce̱e̱z wa Lawinto.

Buk wa To̱ni̱a̱u̱ 28:4

Baling icinnet nege uwat adak Pa̱u̱lo̱ kar ki̱ri̱me̱ a̱tte̱ cinne, izektek e̱le̱tti̱ cigge̱k do̱ ne, “U̱ru̱k i̱yo̱ko̱ e̱e̱ti̱ cu e̱e̱t imma; ming a̱vi̱ra̱ enne maame nu̱nu̱n, iróng ta̱mu̱ta̱dde̱n cinna ci etted zoz ju̱rru̱m ko̱ aanyik nonno kurug.”