Kaviyak wak Abunna Ta̱mu̱ta̱dde̱no̱ eher Joni 7:7 - Tennet

⁷ Iróng olli lo̱o̱tu̱ amarinnung, abarik amarinnan eci anna ka̱du̱wa̱ke̱ nogo kaal cik gerzek ogon nege.

Kaviyak wak Abunna Ta̱mu̱ta̱dde̱no̱ eher Joni 7:7 Iomraidhean Croise

Lu̱ka̱ 6:26

O̱lle̱ cuggo̱k ol wak ozozo ol ju̱rru̱m zare cigge̱k, ogon ba̱li̱ye̱ be̱e̱ti̱gge̱k a̱ri̱tto̱k cik volongak niko.

Kaviyak wak Abunna Ta̱mu̱ta̱dde̱no̱ eher Joni 17:14

Ku̱du̱wa̱ha̱ nogo zoz cunne abarik zin ol wak iróng a̱tu̱we̱ lo̱o̱ta̱ ngatu, amartoi nogo, ma̱rri̱t nege e̱e̱ggi̱n ol wak a̱tu̱we̱, iróng ngen e̱e̱ggi̱n olli lo̱o̱tu̱, ki i̱yo̱ko̱ anna ming iróng ngen ke̱e̱ni̱ ci lo̱o̱tu̱ ko̱.

Kaviyak wak Abunna Ta̱mu̱ta̱dde̱no̱ eher Joni 3:19

Een icu zoz ci ettede enne lo̱ki̱ko̱: I̱tto̱na̱k Ta̱mu̱ta̱dde̱n Ye̱su̱ lo̱o̱c kize tukulec, imma e̱e̱ti̱ ci diiri abure, irez mu̱hu̱ri̱te̱n kommog tukulec, eci nege ogon kaal cik gerzek.

Roma 8:7

Okko e̱e̱ti̱ ci i̱no̱n kaal cik gerzek amin zinin cinne ko̱, ooro enne ki Ta̱mu̱ta̱dde̱n, eci iróng enne o̱ngo̱o̱le̱ lo̱ti̱nno̱k ciginnek, iróng o̱ngo̱o̱le̱ i̱yo̱ko̱ niko, icima iróng bo̱do̱k enne o̱ngo̱o̱le̱ atin udut.

Ga̱la̱ti̱a̱ 4:16

I̱yo̱ko̱ kiize mo̱dde̱ni̱t cunno̱ng ngati ka̱du̱wa̱kku̱ng zoz wa een de̱de̱?

Je̱mi̱s 4:4

Niga ol cik iróng o̱ngo̱o̱le̱ Ta̱mu̱ta̱dde̱n ko̱, iróng niga a̱gga̱yyu̱ rezinet ci kaal cik lo̱o̱tu̱ ming anyaha marnonet ki Ta̱mu̱ta̱dde̱n? Ming orong e̱e̱ti̱ imma kirez kaal cik lo̱o̱tu̱, ize enne mo̱dde̱ni̱t ci Ta̱mu̱ta̱dde̱no̱.

1 Jon 4:5

A̱vvu̱to̱ nege lo̱o̱ta̱ ngatu, ozoz nege kaal cik obod ki lo̱o̱c cu, imma ol cik lo̱o̱tu̱ aziye zoz cinne̱ng.