Kaviyak wak Abunna Ta̱mu̱ta̱dde̱no̱ eher Joni 5:4 - Tennet

⁴ A̱kku̱ gon anjilo ci Ta̱mu̱ta̱dde̱no̱ i̱i̱te̱n imma kar ki̱ki̱ya̱ kotomowe maam kar e̱e̱ti̱ ci omori i̱i̱zo̱ maam oowa, kar zin kangaru nogo mo̱ri̱zzo̱k cik anyak nege do̱o̱k.

Kaviyak wak Abunna Ta̱mu̱ta̱dde̱no̱ eher Joni 5:4 Iomraidhean Croise

Ma̱te̱yo̱ 11:12

Imma i̱i̱nya̱we̱ balik ngen Jon Ba̱ti̱ti̱mo̱ aruge ke̱ rok i̱yo̱ko̱, okko ba̱a̱li̱ne̱t ci ta̱mu̱-kengo oowa no̱ngi̱tto̱ne̱, ovvo ol cik jo̱o̱re̱ttu̱ orong ovvoye i̱ba̱ti̱ne̱.

Ma̱te̱yo̱ 6:33

Abarik zin orongtta arrak oowa ba̱a̱li̱ne̱t ci Ta̱mu̱ta̱dde̱no̱ ki bunnat cinne, kar bo̱do̱k atin Ta̱mu̱ta̱dde̱n ka̱a̱nyu̱ng kaal ne̱k orongnyu niga ke̱ do̱o̱k.

Lu̱ka̱ 13:24

“U̱tu̱gu̱z li̱ngli̱ngo̱n do̱o̱k kar i̱tto̱z tatug ci luduci, ka̱du̱wa̱kku̱ng anna i̱ge̱ta̱, eci ol cik meelek orong atin ki̱tto̱zo̱, iróng zin nege uule ki̱tto̱zo̱.

Lu̱ka̱ 16:16

A̱nne̱k zin bo̱do̱k Ye̱su̱ nogo ne, “Uwakte lo̱ti̱nno̱wa̱ cik Musesi ki zoz ci a̱ri̱tto̱u̱ zee rok Jon. Kar zin vu̱rrta̱ i̱i̱te̱ne̱ neci, uwaktozik zin ol kaviyaha cik abunna obod ki ba̱a̱li̱ne̱t ci Ta̱mu̱ta̱dde̱no̱, kar ol do̱o̱k kadangtek e̱le̱tti̱ cigge̱k ba̱a̱li̱ne̱t cinne.

Kaviyak wak Abunna Ta̱mu̱ta̱dde̱no̱ eher Joni 5:3

Anyak koole ci ol wak omori adunge ce̱e̱zi̱nne̱ ne̱ke̱, anyak olle ne̱ke̱ cik ngoolik, ki cik ru̱be̱ni̱k, ki cik nganynganyik zoona.

Kaviyak wak Abunna Ta̱mu̱ta̱dde̱no̱ eher Joni 5:5

Aave da̱ e̱e̱ti̱ imma ngatinne̱ng ci omori e̱rki̱nya̱ moten i̱i̱yo̱ ki tu̱rge̱.

Kaviyak wak Abunna Ta̱mu̱ta̱dde̱no̱ eher Joni 5:7

O̱bo̱de̱k e̱e̱ti̱ wanai omori ko̱ Ye̱su̱, a̱nne̱k ne, “Manyi, iróng kanyai e̱e̱t imma ci eelanna ngatu, ci okkoyya kuk ku̱du̱nye̱ya̱ ca̱a̱b ming aluce maama. Ming katimani kazi ne ja ki̱tto̱, abarik uwante e̱e̱ti̱ imma oowa ngatinanni.”

1 Ko̱ri̱nto̱ 6:11

I̱yo̱ko̱ orgene cunno̱ng ngatu, anyak ol u̱gge̱ ba̱li̱ye̱ cik ogon kaal ne̱ko̱. Uburuca zin abarik Manyitinna Ye̱su̱ Ki̱ri̱sto̱ ki Vongiz ci Ta̱mu̱ta̱dde̱no̱ mu̱nye̱n cuggo̱k, kar ka̱a̱nyu̱ng izet dooli cik a̱li̱le̱ Ta̱mu̱ta̱dde̱no̱.

1 Jon 1:7

Ma̱i̱je̱ ming kabak naga vooritena ki i̱yo̱ko̱ Ta̱mu̱ta̱dde̱n ming abak ko̱, kabak wo̱ye̱ naga baiz co̱de̱, kar bi̱ye̱ta̱ cik Ngerinne Ye̱su̱ Ki̱ri̱sto̱ ki̱ti̱vi̱la̱ mu̱nye̱n cigga̱c do̱o̱k.