Kaviyak wak Abunna Ta̱mu̱ta̱dde̱no̱ eher Joni 4:9 - Tennet

⁹ Izek zin ngaa ci Samariyo ko̱ nonno ne, “E̱e̱ni̱ i̱nna̱ e̱e̱t ci ol wak e̱e̱ggi̱n Ya̱u̱d, okko anna ke̱e̱ni̱ ngaa ci ol cik e̱e̱ggi̱n Samariya, nya ming a̱jji̱nna̱ maam cik audi ko̱?” (Ma̱rri̱t ol cik e̱e̱ggi̱n Ya̱u̱d iróng auddo maam ki ol cik e̱e̱ggi̱n Samariya).

Kaviyak wak Abunna Ta̱mu̱ta̱dde̱no̱ eher Joni 4:9 Iomraidhean Croise

Ma̱te̱yo̱ 10:5

I̱tto̱n Ye̱su̱ to̱ni̱a̱k waginnek een omoto ki rama ngati i̱lo̱te̱ arrak a̱nne̱k ne, “A̱vvu̱t reena olle cik iróng e̱e̱ggi̱n Ya̱u̱d. Ma ojongozu o̱ro̱gjo̱k cik olli Samariyo bu̱k.

Lu̱ka̱ 10:33

Ma̱i̱je̱ e̱e̱ti̱ ci Samariyo eron da̱ enne bu̱k, i̱ki̱ya̱k zin nginti aave e̱e̱ti̱ bali a̱ru̱we̱ ke̱; baling icin enne nonno, atamatek zin enne nonno.

Kaviyak wak Abunna Ta̱mu̱ta̱dde̱no̱ eher Joni 4:27

O̱bo̱dda̱ zin nuyaha cik Ye̱su̱, u̱ku̱lte̱k je̱e̱n ngati amudanne nonno ming ozoz ki ngaa neci. Ngen zin e̱e̱ti̱ imma ki̱jji̱n nonno zoz ci azi ne, “Orongi nya? Ozozonnu ki ngaa necu nya?”

Kaviyak wak Abunna Ta̱mu̱ta̱dde̱no̱ eher Joni 8:48

Izettek zin ol cik een Ya̱u̱d ko̱ nonno ne, “Kabbacca naga ming ka̱du̱wa̱nna̱ zoz ci azi ne e̱e̱ni̱ i̱nna̱ i̱do̱nge̱ni̱t ci ol cik een Samariya, kar bo̱do̱k nyak kuuloc ci lo̱rye̱nto̱?”

Buk wa To̱ni̱a̱u̱ 1:8

Abarik atin niga arubannu komiz ming i̱ki̱ya̱u̱ng Vongizi ci A̱li̱le̱ i̱ge̱ta̱; kar atin niga izet bbacak cigannik Jerusalema, ki lo̱o̱ce̱ ci Ju̱de̱ya̱ ki Samariya do̱o̱k zee rok nginti aṯurneke looci.”

Buk wa To̱ni̱a̱u̱ 10:28

Kar kizek nogo ne: “A̱gga̱yyu̱ niga ju̱rru̱m keere ci olli Ya̱u̱do̱ iróng abunna ming karume icima ki̱vo̱n i̱do̱nge̱ni̱t ki i̱yo̱ko̱ anna ko̱. Abarik zin Ta̱mu̱ta̱dde̱n i̱ye̱le̱ya̱ o̱no̱zo̱we̱, ma awu e̱e̱t imma azi ne ngoronya.

Buk wa To̱ni̱a̱u̱ 10:32

I̱yo̱ko̱, i̱tto̱n ol u̱gge̱ koot rok Joppa ngati e̱e̱t ci een zara Si̱mo̱ne̱ wa awu ol bo̱do̱k kize Peturu. Aave enne ce̱e̱ze̱ ci Si̱mo̱ne̱ wagon ododo kwaa ko̱, abak nyatapare ci a̱ddi̱ki̱re̱ ti̱ti̱ma̱.’