Kaviyak wak Abunna Ta̱mu̱ta̱dde̱no̱ eher Joni 3:6 - Tennet

⁶ A̱rri̱ta̱i̱ e̱e̱ti̱ e̱e̱te̱ ci diiri, imma e̱e̱ti̱ ci anyak vongiz a̱rri̱ta̱i̱ Vongiza.

Kaviyak wak Abunna Ta̱mu̱ta̱dde̱no̱ eher Joni 3:6 Iomraidhean Croise

Kananet 5:3

Baling abak Adami zee kize e̱rki̱nya̱ o̱bo̱n co̱de̱ ki moten i̱i̱yo̱ (130), i̱ti̱rra̱ zin do̱le̱c ci a̱du̱wo̱ ki nonno kar zin kakatek zar kize Seth.

Kananet 6:12

Icin Ta̱mu̱ta̱dde̱n niko ming izeto ol gerze lo̱o̱ta̱ do̱o̱k.

Kananet 6:5

Baling icin Manyi ol lo̱o̱ta̱ izeto gerze, i̱no̱ni̱t nege odohize zi̱nze̱tti̱nne̱ do̱o̱k kaal cik gerzek.

Kaviyak wak Abunna Ta̱mu̱ta̱dde̱no̱ eher Joni 1:13

Iróng nege bo̱do̱k a̱rri̱ta̱i̱ bi̱ye̱te̱, icima go̱o̱le̱ ci a̱rri̱ta̱ne̱ e̱e̱ti̱ ci diiri, abarik a̱rri̱ta̱ Ta̱mu̱ta̱dde̱n.

Kaviyak wak Abunna Ta̱mu̱ta̱dde̱no̱ eher Joni 3:7

Ma zin a̱ku̱le̱k je̱e̱n zo̱ze̱ ci ka̱du̱wa̱ki̱ ko̱, ‘Abunna bo̱do̱k ming a̱ri̱ta̱nnu̱ng Ta̱mu̱ta̱dde̱n i̱ge̱t jor.’

Roma 7:18

Ka̱gga̱ niko i̱llo̱i̱ gi̱i̱ imma eliya cinanni ci aanya kar ku̱tu̱gu̱ kaal cik abunna. Ma̱i̱je̱ nu̱nu̱n ming korongi ku̱tu̱gu̱ kaal cik abunna abarik ogone kaala cik gerzek.

Roma 7:25

Kanyike Ta̱mu̱ta̱dde̱n zany ngati Manyitinna Ye̱su̱ Ki̱ri̱sto̱! I̱yo̱ko̱ zin, ke̱e̱ni̱ anna zinine cinanni du̱ca̱i̱t ci lo̱ti̱nno̱k cik Ta̱mu̱ta̱dde̱no̱, imma go̱o̱le̱ ci mu̱nye̱nu̱ ke̱e̱ni̱ du̱ca̱i̱t ci lo̱ti̱nno̱k wak mu̱nye̱nu̱.

Roma 7:5

Baling ngen ku̱tu̱we̱t zoz ci Ta̱mu̱ta̱dde̱no̱, kogon naga mu̱nye̱n cik irez e̱le̱tti̱ cigga̱c do̱ niko, mu̱nye̱n cik i̱ye̱la̱ lo̱ti̱nno̱wa̱ cik Ta̱mu̱ta̱dde̱no̱, anyahakket atin daiz.

Roma 8:13

Ming ogonnu kaal cik gerzek ko̱, ovvoyyu atin daiza. Abarik ming eelaung Vongizi ci A̱li̱le̱, utungttu kaal ne̱ke̱ amin zi̱nze̱tti̱ ko̱ do̱o̱k, urugttu zin atin niga.

1 Ko̱ri̱nto̱ 6:17

Ma̱i̱je̱ e̱e̱ti̱ ci arumek ele cinne Manyi, o̱do̱ye̱ enne ki nonno go̱o̱le̱ ci i̱no̱n enne.

2 Ko̱ri̱nto̱ 5:17

Uhu de̱de̱ Ta̱mu̱ta̱dde̱n baiz ci ol wak a̱tu̱ Ki̱ri̱sto̱ ka̱vvu̱to̱ do̱. Utungtek baiz ci reeni ogone kaal cik lo̱o̱tu̱ gerzek ke̱ lo̱o̱c, u̱tu̱gu̱zzo̱ kaal cik een jor baize cinne̱ng.

Ga̱la̱ti̱a̱ 5:24

Imma ol cik elemtta Ye̱su̱ Ki̱ri̱sto̱, utungtek kaal balik gerzek irez nege ke̱ do̱o̱k korkorrit ki daiz ci Ye̱su̱ keete ci een ta̱la̱ke̱c bali ododine enne ke̱.

Evesos 2:3

Kabak ba̱li̱ye̱ naga bu̱k ki i̱yo̱ko̱, kabal e̱le̱tti̱ kaale cik kireze e̱le̱tti̱. Kaanycik zin naga Ta̱mu̱ta̱dde̱n komoze zo̱ze̱ ci kogon naga ko̱, okko atin enne ettedekket lo̱ki̱ko̱ ki ol do̱o̱k.

Kolosiya 2:11

Imma zin go̱o̱le̱ ci utungteu niga mu̱nye̱n lo̱o̱c ko̱, urumteziu niga Ki̱ri̱sto̱, u̱tu̱gu̱zzu̱ ki ol wak etted wucic vi̱ca̱vi̱cce̱t. Iróng zin te̱di̱ne̱t cunno̱ng ogon ol cik diirik azzine, abarik u̱tu̱gu̱ Ki̱ri̱sto̱ ngati elemannu niga nonno.

1 Jon 3:9

I̱llo̱i̱ e̱e̱t imma ci een do̱le̱c ci Ta̱mu̱ta̱dde̱no̱ ci ogon mu̱nye̱n. Iróng enne uule kar ku̱tu̱gu̱ mu̱nye̱n, eci Ta̱mu̱ta̱dde̱n ci a̱rri̱ta̱ nonno.