Kaviyak wak Abunna Ta̱mu̱ta̱dde̱no̱ eher Joni 2:16 - Tennet

¹⁶ Kar zin kizek ol wak utene loberuknya ko̱ ne, “O̱o̱tte̱ kaal ne̱ko̱ ngati! Iróng Ce̱e̱z ci Baba een Ce̱e̱z ci ataline ol kaal.”

Kaviyak wak Abunna Ta̱mu̱ta̱dde̱no̱ eher Joni 2:16 Iomraidhean Croise

Ma̱te̱yo̱ 21:12

I̱tto̱ Ye̱su̱ re̱e̱nu̱n ci Ce̱e̱z wa Ta̱mu̱ta̱dde̱no̱ kar zin kottok ol do̱o̱k wak ataline ki wak utene kaal nginati. Iyotek zin lo̱o̱c lebelet wak gon a̱gi̱le̱ne̱ nege o̱ro̱bi̱ya̱ ki lecerwa wak gon utene ol iballi wak ogon ki loberuknya ko̱.

Ma̱te̱yo̱ 21:13

A̱nne̱k zin Ye̱su̱ nogo ne, “E̱he̱rye̱ Warage ci Ta̱mu̱ta̱dde̱no̱ azi ne, ‘Awu atin ol Ce̱e̱z cinanni kize Ce̱e̱z wa Lawinto,’ abarik niga anyikku kize ‘nyaperit ci a̱lu̱ngnye̱ne̱ ogoryaha.’”

Ma̱te̱yo̱ 22:5

“Imma ol balik u̱du̱wa̱k enne kar ki̱vi̱ta̱k da̱i̱ne̱t ce̱e̱za̱ ko̱ iróng edeconik zoz neci, abarik ovvo li̱ngli̱ngo̱n cinne̱ng, okko neci manato, okko co̱de̱ cuwa okko ataline kaal ciginnek.

Marko 11:17

Baling okko enne edemez nogo, a̱nne̱k ne, “Iróng e̱he̱rye̱: “‘Awu atin ol Ce̱e̱z cinanni kize Ce̱e̱z wa Lawinto olli lo̱o̱tu̱ do̱o̱k.’ Abarik niga anyikku kize ‘nyaperit ci a̱lu̱ngnye̱ ogoryaha.’”

Lu̱ka̱ 2:49

I̱jji̱n zin enne yaatinne, “Nya ming orongnyang niga annit ko̱? Iróng niga a̱gga̱yyu̱ ming kaave anna Ce̱e̱ze̱ ci Baatanni?”

Kaviyak wak Abunna Ta̱mu̱ta̱dde̱no̱ eher Joni 10:29

Aanya annit Baba wa ommog kaal do̱o̱k nogo; a̱zze̱ e̱e̱ti̱ imma ci aama nogo a̱tte̱ ci Baba.

Kaviyak wak Abunna Ta̱mu̱ta̱dde̱no̱ eher Joni 2:15

Baling icin enne kaal cik ogone niko, uk idima nyavuta ci atize nogo, kar zin kottok ol ne̱ke̱ do̱o̱k reene ci Ce̱e̱z wa Ta̱mu̱ta̱dde̱no̱, ki a̱zza̱, ki o̱le̱nya̱ bu̱k. Azan o̱ro̱bi̱ya̱ cik ol ne̱ke̱ do̱o̱k, kar zin ku̱ju̱k lecerit.

Kaviyak wak Abunna Ta̱mu̱ta̱dde̱no̱ eher Joni 20:17

Izek Ye̱su̱ nonno ne, “Ma odoknonikan, ngen zin bu̱k anna ki̱mi̱re̱ kuk ngati Baba. Bit abarik ngati gotonogga kar zin izek ne, ka̱mi̱re̱ kokko ngati Baba wa bo̱do̱k een be̱e̱ti̱nno̱ng bu̱k, Ta̱mu̱ta̱dde̱n wa nanni kar bo̱do̱k kize Ta̱mu̱ta̱dde̱n cinne̱ng.”

Kaviyak wak Abunna Ta̱mu̱ta̱dde̱no̱ eher Joni 5:17

Izek zin abarik Ye̱su̱ nogo ne, “Ma̱rri̱t Baba a̱li̱ngli̱ngi̱ rok i̱yo̱ko̱, ka̱li̱ngli̱ngi̱ zin anna bu̱k.”

Kaviyak wak Abunna Ta̱mu̱ta̱dde̱no̱ eher Joni 8:49

O̱bo̱de̱k zin Ye̱su̱ nogo, a̱nne̱k ne, “Iróng anna kanyai kuuloc ci lo̱rye̱nto̱, ko̱ngo̱o̱le̱ anna Baba, ma̱i̱je̱ niga iróng o̱ngo̱o̱li̱na̱n.

1 Ti̱mo̱te̱yo̱ 6:5

anyaha ol wak e̱e̱ggi̱n giilcak dango ki̱zzi̱ zoz ci een de̱de̱. I̱no̱n ol ne̱ke̱ azi ne, okko e̱e̱ti̱ een bo̱to̱ro̱c go̱o̱le̱ ci annuwe enne Ta̱mu̱ta̱dde̱n.

2 Peturu 2:3

Anyak atin ol ne̱ke̱ zi̱nze̱tti̱ cik a̱ppi̱nte̱k kaale, ozoziku̱ng u̱tu̱ge̱tti̱ne̱ cik emede. Ettedik Ta̱mu̱ta̱dde̱n nogo lo̱ki̱ko̱ zo̱ze̱ necu, iróng zin enne adunge.