Kaviyak wak Abunna Ta̱mu̱ta̱dde̱no̱ eher Joni 16:8 - Tennet

⁸ Ming uk i̱ki̱ya̱ De̱me̱zo̱i̱ti̱ neci, okko atin ovoca ol wak lo̱o̱tu̱ ogon mu̱nye̱n, okko atin a̱du̱wa̱ gool ci abunna orong Ta̱mu̱ta̱dde̱n ol kabakte ki te̱di̱ne̱t lo̱ki̱ko̱ cik olli lo̱o̱tu̱.

Kaviyak wak Abunna Ta̱mu̱ta̱dde̱no̱ eher Joni 16:8 Iomraidhean Croise

Kaviyak wak Abunna Ta̱mu̱ta̱dde̱no̱ eher Joni 16:7

Ka̱du̱wa̱kku̱ng zin zoz wa een de̱de̱, abunna abarik ming kokko anna kar niga ubunntta. Kokko abarik anna kar kuk ki̱tto̱na̱kku̱ng De̱me̱zo̱i̱t kar ki̱ti̱ri̱zzu̱ng.

Kaviyak wak Abunna Ta̱mu̱ta̱dde̱no̱ eher Joni 16:9

I̱yo̱ko̱ zin i̱ye̱le̱k atin De̱me̱zo̱i̱ti̱ nogo u̱tu̱gu̱zzo̱ nege mu̱nye̱n ma̱rri̱t ming iróng a̱tu̱yya̱ng;

Kaviyak wak Abunna Ta̱mu̱ta̱dde̱no̱ eher Joni 8:46

I̱llo̱i̱ wo̱ye̱ e̱e̱t imma ngatinno̱ng ci azi ne kanyai anna mu̱nye̱n. Ming ka̱du̱wa̱kku̱ng zoz ci een de̱de̱, elemtta zoz neci.

Kaviyak wak Abunna Ta̱mu̱ta̱dde̱no̱ eher Joni 8:9

Abarik baling iziyyet ol zoz ci a̱du̱wa̱ Ye̱su̱ niko, azantte zin nege e̱co̱de̱, e̱co̱de̱, uwante ma̱ti̱yo̱ oowa, bak alungane nege do̱o̱k ne lai, utungtek Ye̱su̱ do̱ lo̱o̱c ki ngaa neci ming ngen abile nginati.

Buk wa To̱ni̱a̱u̱ 2:37

Ma baling iziyyet ol do̱o̱k zoz necu, o̱to̱ngo̱o̱ltte̱ lo̱o̱c, kar zin izektek Peturu ki to̱ni̱a̱k u̱gge̱ ne, “Gotonogget, kar zin ucca ku̱tu̱gu̱zza̱ nya?”

1 Ko̱ri̱nto̱ 14:24

Ma̱i̱je̱ ming i̱tto̱ e̱e̱ti̱ ci iróng a̱tu̱we̱ orgen ci ol wak a̱tu̱we̱ kar kizik zoz ci a̱du̱wa̱ ol ne̱ko̱, okko atin Ta̱mu̱ta̱dde̱n ogoni, elemi atin enne een ba̱ci̱ cinne kar ka̱gga̱ apahek atin Ta̱mu̱ta̱dde̱n nonno lo̱ki̱ko̱ zo̱ze̱ ci kaal balik aziye enne ke̱ do̱o̱k.

Ju̱da̱ 1:15

kar ki̱ki̱ya̱ kettedek ol do̱o̱k lo̱ki̱ko̱, ol wak iróng elemi zoz ci Ta̱mu̱ta̱dde̱no̱, ki ol wak ogon kaal go̱o̱le̱ ci iróng Ta̱mu̱ta̱dde̱no̱ orongi, kar bo̱do̱k ki ol wak ozoz gerzet zo̱ze̱ ci Ta̱mu̱ta̱dde̱no̱.”