Kaviyak wak Abunna Ta̱mu̱ta̱dde̱no̱ eher Joni 16:11 - Tennet

¹¹ I̱ye̱le̱k atin De̱me̱zo̱i̱ti̱ nogo zoz ci lo̱ki̱ko̱ ci etteddek Ta̱mu̱ta̱dde̱n alaan ci kuulou wa lo̱o̱c cu.

Kaviyak wak Abunna Ta̱mu̱ta̱dde̱no̱ eher Joni 16:11 Iomraidhean Croise

Kananet 3:15

I̱yo̱ko̱ zin karike atin anna marnonet i̱nne̱t ki ngaa zee ku̱ru̱m ci alawano, a̱ru̱ki̱ atin do̱le̱c ci ngaawo oo cunne kar i̱nna̱ tenged nonno gi̱nygi̱nye̱ni̱t.”

Ma̱te̱yo̱ 12:18

“Icu du̱ca̱i̱t cinanni wa bali katahala anna ke̱, wa o̱de̱ ṯok kirezi anna, katalne zo̱ze̱ cinne, karike atin anna Vongiz cinanni nonno, kar atin enne keela ol lo̱o̱co̱we̱ do̱o̱k kurubta lo̱ki̱ko̱ ci een de̱de̱.

Ma̱te̱yo̱ 12:36

Ka̱du̱wa̱kku̱ng, okko atin Ta̱mu̱ta̱dde̱n ettedik ol do̱o̱k lo̱ki̱ko̱ i̱i̱te̱ne̱ emani zo̱ze̱ ci u̱du̱wa̱ e̱e̱ti̱ gerzet ngati iróng a̱gga̱we̱.

Lu̱ka̱ 10:18

O̱bo̱de̱k zin Ye̱su̱ nogo, “Kicina anna Sitan ming a̱yu̱we̱ ta̱mu̱-kenga kar zin kabad kiwagon borowoci!

Kaviyak wak Abunna Ta̱mu̱ta̱dde̱no̱ eher Joni 12:31

I̱yo̱ko̱ ize i̱i̱ ci ettedine lo̱ki̱ko̱ ci olli lo̱o̱tu̱, kar atin lo̱rye̱nti̱ ci abal lo̱o̱c cu ko̱ kottowe.

Kaviyak wak Abunna Ta̱mu̱ta̱dde̱no̱ eher Joni 14:30

Iróng ngen kozozi u̱u̱mu̱c, i̱ki̱ya̱ ngerrti lo̱rye̱nto̱ wa een alaan ci lo̱o̱tu̱. Iróng anyak komiz ci ommogja annita,

Kaviyak wak Abunna Ta̱mu̱ta̱dde̱no̱ eher Joni 16:12

“Kanyai de̱mzi̱ne̱t cik meelek korongi ku̱du̱wa̱u̱ng, abarik bong wo̱ye̱ iróng ngen azunnu do̱o̱k.

Buk wa To̱ni̱a̱u̱ 10:42

A̱du̱wa̱kke̱t agit Ta̱mu̱ta̱dde̱n kar kuwakteya ol ju̱rru̱m zoz ci een Ye̱su̱ Alaan ci etted zoz ci ol cik a̱da̱i̱to̱ ki ol wak ngen aruge.

Buk wa To̱ni̱a̱u̱ 24:25

Ma baling ozoz Pa̱u̱lo̱ zoz ci obod ki bunnat, ki zoz ci anyahe ol urutoit baiza, ki lo̱ki̱ko̱ ci atin a̱kku̱, o̱to̱ngo̱o̱le̱ zin Ve̱li̱ce̱ lo̱o̱c kar zin kize ne, “Ke̱le̱zo̱wa̱ anna ki zoz cunne i̱yo̱ko̱! Okko wo̱ye̱ i̱nna̱ labak. Ming karuba anna i̱i̱te̱n, kawuyi wo̱ye̱ atin anna i̱nne̱t dee.”

Buk wa To̱ni̱a̱u̱ 26:18

kar oo ebere cigge̱k, tuhu nogo ngati mu̱hu̱ri̱ kicinnet nginti voori. Ooga nogo komize ci Sitano ki̱vi̱ta̱k Ta̱mu̱ta̱dde̱n, kar enne kalalek nogo mu̱nye̱n cigge̱k kar nege kidongte ki ol cik Ta̱mu̱ta̱dde̱no̱ a̱li̱le̱ zo̱ze̱ ci a̱tu̱ya̱ nege annita.’

Roma 16:20

A̱du̱l atin Ta̱mu̱ta̱dde̱n wa anyak gano ko̱ Sitan kar korocek nonno lo̱o̱c zone cigunnek. Anyik deten ci Manyitinna Ye̱su̱ ka̱vvu̱ ngatinno̱ng.

Roma 2:16

Ming okko atin Ta̱mu̱ta̱dde̱n ettedik ol lo̱ki̱ko̱, i̱tto̱na̱ atin enne Ye̱su̱ Ki̱ri̱sto̱ kettedik ol lo̱ki̱ko̱ kaale cik ogon nege lo̱mu̱k ki i̱yo̱ko̱ ming e̱he̱rye̱ warage cu ko̱.

1 Ko̱ri̱nto̱ 4:5

Iróng abunna ming apahekku niga ol ba̱ci̱nno̱k, aanycik nogo kerec i̱i̱te̱n wa ettede ol lo̱ki̱ko̱; e̱re̱yyo̱ ki̱ki̱ya̱ Manyi. Imma i̱i̱te̱ne̱ ci okko Manyi obodane, i̱ye̱la̱ atin enne kaal cik a̱lu̱gnye̱ ki̱ye̱lta̱i̱ ngati voori veelek, kar ki̱ti̱ri̱wa̱ kaal cik aavtte zi̱nze̱tti̱nne̱ cik ol cik diirik. I̱i̱te̱n neci okko Ta̱mu̱ta̱dde̱n irez e̱e̱t go̱o̱le̱ ci abahe enne.

2 Ko̱ri̱nto̱ 4:4

Okko lo̱rye̱nti̱ wa een manyi lo̱o̱c cu, eceba o̱o̱tti̱ cik ol wak iróng a̱tu̱we̱. Alam nogo gerza ming iróng a̱gga̱ vooriten ci kaviyak cik abunna ka̱di̱ngdi̱nga̱ne̱ naga Ki̱ri̱sto̱ ko̱. Ogon Ki̱ri̱sto̱ ki Ta̱mu̱ta̱dde̱n kaale do̱o̱k.

Evesos 2:2

Ogonnu kaal cik gerzek, annuyu olli lo̱o̱tu̱, irezzu lo̱rye̱ni̱t wa een alaan ci abal lo̱o̱c kaale do̱o̱k cik iróng nege irez Ta̱mu̱ta̱dde̱n.

Kolosiya 2:15

Ommog zin Ye̱su̱ ddi̱ki̱ryyo̱k ki alaat cik lo̱o̱tu̱, kar kaara ngatinne̱ng doiz ki di̱ngdi̱ngo̱n go̱o̱le̱ ci a̱da̱kne̱ enne ta̱la̱ke̱ca̱. Adak zin a̱li̱ya̱ni̱ nogo orgene ci ollu.

I̱bu̱ru̱ 2:14

Ke̱e̱ggi̱n naga ol cik diirik, een Ye̱su̱ bu̱k e̱e̱t ci diiri. Gool zin ci a̱kku̱na̱ke̱t Ye̱su̱ agit ko̱ necu, kar ki̱ki̱ya̱ ka̱da̱k kommog lo̱rye̱ni̱t ci anyak komiz ci daizo.

I̱bu̱ru̱ 6:2

ka̱gga̱ naga zoz ci a̱gga̱me̱ ol ba̱ti̱ti̱mo̱ ki azzin cik a̱ta̱dde̱k o̱o̱tti̱ cik ollu alawek Ta̱mu̱ta̱dde̱n ka̱mu̱yu̱k nogo, ki zoz ci ingane enne ol daiza, kar bo̱do̱k enne kettedek ol lo̱ki̱ko̱ ci aave udut.

I̱bu̱ru̱ 9:27

Izikto da̱ ju̱rru̱m, ogon zin zoz necu ki ming a̱da̱i̱ e̱e̱ti̱ ci diiri arrak, kar vu̱rrta̱ Ta̱mu̱ta̱dde̱n ketted lo̱ki̱ko̱ kaale wak gerzek u̱tu̱gu̱ enne.

2 Peturu 3:7

Abarik zin Ta̱mu̱ta̱dde̱n aanyik lo̱o̱c cu ki ta̱mu̱-keng ka̱vvu̱to̱ zee ki̱ki̱ya̱ i̱i̱te̱ni̱ ci okko enne ettede lo̱ki̱ko̱. Kar zin atin enne kakatek gwo̱o̱, kar kidita ol do̱o̱k wak iróng a̱tu̱ zoz cinne.

1 Jon 3:8

Imma e̱e̱ti̱ ci ogon mu̱nye̱n ko̱, een enne e̱e̱t ci lo̱rye̱nto̱, eci lo̱rye̱nti̱ u̱tu̱gu̱ mu̱nye̱n arrak oowa kanante ci lo̱o̱tu̱. A̱kku̱ zin Ngerrti Ta̱mu̱ta̱dde̱no̱ kar ki̱ki̱ya̱ kidita li̱ngli̱ngo̱n ci lo̱rye̱nto̱.

O̱no̱zzo̱k 1:7

Icinnet, orkora enne ki di̱i̱z, kar ebere do̱o̱k kicinnet atin nonno, acin rok ol balik akati nonno; anyak atin olli lo̱o̱tu̱ do̱o̱k u̱lu̱wa̱ zo̱ze̱ cinne. De̱de̱, ogone atin! Amen.