Kaviyak wak Abunna Ta̱mu̱ta̱dde̱no̱ eher Joni 15:2 - Tennet

² Aizek enne alawo wak iróng a̱a̱ri̱ o̱ya̱u̱ tu̱, imma alawo wak a̱a̱ri̱, a̱vi̱l kar ki̱bbi̱re̱to̱ ju̱rru̱m.

Kaviyak wak Abunna Ta̱mu̱ta̱dde̱no̱ eher Joni 15:2 Iomraidhean Croise

Ma̱te̱yo̱ 13:12

Imma zin ming anyak e̱e̱ti̱ imma kaal anyonik atin cik meelek. Ming iróng e̱e̱ti̱ anyak gi̱i̱ imma, abarik ne̱k anyak enne ke̱ a̱gga̱mnya̱i̱ atin ngatinne.

Ma̱te̱yo̱ 13:33

Oobek zin bo̱do̱k Ye̱su̱ nogo yabzinet imma ci azi ne, “Ogon ba̱a̱li̱ne̱t ci ta̱mu̱-kengo ki ngaa ci adima lata orocanek ki nyigit cik meertak. Ma̱i̱je̱ vu̱rrta̱ aabub kize a̱ppwa̱, kumukcar do̱o̱k, kibbit kuk tuwa.”

Ma̱te̱yo̱ 15:13

O̱bo̱de̱k zin enne nogo, “Okko atin Baba wa aave ta̱mu̱-kenga ko̱, aduca egeroi keen wak iriret ol uggak.

Ma̱te̱yo̱ 21:19

Baling icin enne keet ci een munec aave gool abanyca, uk zin enne orong kar kicin ming anyak muneci neci o̱ya̱u̱ u̱gge̱ cik a̱bbi̱re̱, abarik amuda een varany do̱. Kar zin enne kizek keet neci ne, “Ma ngen okoli bo̱do̱k o̱ya̱u̱ u̱gge̱ dee!” Ataman niko odok keet neci kak.

Ma̱te̱yo̱ 25:29

Eci e̱e̱ti̱ ci anyak gi̱i̱ imma, anyonik atin nonno cik meelek, kar atin enne kanyak cik meelek. Imma e̱e̱ti̱ ci iróng anyak gi̱i̱ imma, a̱gga̱mnya̱i̱ atin ci anyak enne cidici ko̱ bu̱k.

Ma̱te̱yo̱ 3:10

E̱re̱ye̱ melei egeroi ju̱rru̱m kar ketengedak keen cik iróng a̱bbi̱rna̱ o̱ya̱u̱ cik abunna, kar ku̱ju̱kto̱zi̱k gwo̱o̱.

Ma̱te̱yo̱ 3:12

Ogon enne ki e̱e̱ti̱ ci anyak uduc ci aanye labi kar kidima lotulany kutuz gwo̱o̱ye̱ ci iróng adite, kar kidima labi cik caalek ku̱du̱te̱k de̱he̱r.”

Ma̱te̱yo̱ 7:19

Imma zin keena wak iróng a̱bbi̱rna̱ o̱ya̱u̱ cik abunna, ettedak ol tu̱ kar kokolttek gwo̱o̱.

Marko 4:20

Ogon uggak ki i̱nyo̱mo̱na̱ wak arire lobonowa, aziye zoz, elemi zoz neci, kar ki̱bbi̱re̱to̱ labina lak moten i̱i̱yo̱, icima moten torkonom icima obet cik meelek kommogit i̱nyo̱mo̱ balik arire ke̱.”

Lu̱ka̱ 8:13

Imma i̱nyo̱mo̱na̱ ne̱k i̱i̱na̱k biyen ko̱, ogon nege ki ol wak a̱gga̱ma̱ zoz talninta ming ovvo nege aziye, ma̱i̱je̱ ngatu iróng nege anyak egero. A̱tu̱we̱ arrak nege do̱yo̱i̱t, imma i̱i̱te̱n ci amuda nege timaninet, utungtek zin zoz neci lo̱o̱c.

Kaviyak wak Abunna Ta̱mu̱ta̱dde̱no̱ eher Joni 15:1

“Kogonni anna ki keet wa een de̱de̱, kar Baba kize manyi keet.

Kaviyak wak Abunna Ta̱mu̱ta̱dde̱no̱ eher Joni 15:16

Iróng zin een i̱ge̱t cik ahalanang annita, annit abarik ci kahalannung i̱ge̱ta̱ kar zin ka̱a̱nyu̱ng li̱ngli̱ngo̱n ci ovvo a̱bbi̱rnu̱ kiwagon o̱ya̱u̱ cik ovvo abak udut. Kar zin Baba ka̱a̱nyu̱ng kaal cik wo̱ye̱ a̱jji̱nnu̱ niga zare cigannik.

Kaviyak wak Abunna Ta̱mu̱ta̱dde̱no̱ eher Joni 15:3

Ubunntau zin niga zo̱ze̱ bali ku̱du̱wa̱u̱ng anna ke̱.

Kaviyak wak Abunna Ta̱mu̱ta̱dde̱no̱ eher Joni 15:6

Ming iróng e̱e̱ti̱ imma arumonika annit, ogon enne ki alawoci ci u̱ju̱ko̱zi̱k tu̱ kar zin kodok. Idimttai alawo ne̱ko̱, u̱lu̱to̱zi̱k kar zin kutuzze gwo̱o̱ya̱.

Kaviyak wak Abunna Ta̱mu̱ta̱dde̱no̱ eher Joni 15:8

Abunna ming ogonnu ki alawo cik a̱bbi̱rna̱ o̱ya̱u̱ cik meelek, kar izet nuyak cigannik, kar zara cik Baba ki̱di̱ngdi̱nga̱nte̱.

Kaviyak wak Abunna Ta̱mu̱ta̱dde̱no̱ eher Joni 17:12

Baling ngen kaavtiya bu̱k, kebei ba̱li̱ye̱ nogo doize bali aanya ke̱. Ngen zin e̱e̱ti̱ imma ngatinne̱ng ki̱zzi̱, kize Judas do̱ bali u̱du̱ya̱i̱ kize gerza ci atin edez Ta̱mu̱ta̱dde̱n nonno, kar zoz cu kakat mo̱o̱le̱t Warage ci Ta̱mu̱ta̱dde̱no̱.

Roma 11:17

Ming u̱du̱lte̱ alawo uggak cik keet ci i̱ngi̱ro̱u̱, ogon olli Ya̱u̱do̱ ki alawo wak ettedonik tu̱. Ovvo zin alawo wak alize ko̱, aragiz gonoggi u̱tu̱gu̱zzo̱ nege ki ol wak iróng een Ya̱u̱d, i̱yo̱ko̱ zin, u̱mu̱dda̱ ma̱yu̱we̱ne̱t keete necu nege bu̱k,

Roma 11:22

Ka̱gga̱ zin naga anyak Ta̱mu̱ta̱dde̱n zinin ci alali, kar bo̱do̱k gon kutubur nong. Abure nong oroot ngati olli Ya̱u̱do̱ wak iróng a̱tu̱we̱, okko alalnek ol wak iróng een Ya̱u̱d wak a̱tu̱we̱. Ming iróng niga odolnannu tu̱we̱nta̱, aburnnung atin enne i̱ge̱t bu̱k.

Roma 8:28

Ka̱gga̱ bo̱do̱k naga ogon Ta̱mu̱ta̱dde̱n zoz ci abunna kaale cik i̱i̱na̱k ol wak irez nonno. E̱e̱ggi̱n ne̱ko̱ ol wak engera enne kizeto ol cik orong enne,

1 Ko̱ri̱nto̱ 13:1

Ming kanyai anna komiz ci kozoze u̱tu̱ge̱tti̱ne̱ cik ollu do̱o̱k ki cik anjilonyau bu̱k, imma ngatu i̱llo̱i̱ annit rezinet ci kireze ol, een zoz cinanni ko̱ du̱wa̱ du̱wa̱ gaganiko, i̱llo̱i̱ zoz ci een de̱de̱.

Ti̱to̱ 2:14

Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.

I̱bu̱ru̱ 12:15

Abunna ming eelannu kar urubta deten ci Ta̱mu̱ta̱dde̱no̱ niga do̱o̱k. Icinnet ju̱rru̱m, gerza ming oboda e̱e̱ti̱ ki vu̱rru̱t tu̱we̱nta̱ kar kize gerza bak a̱li̱b tu̱we̱ne̱t cunno̱ng, kar ol cik meelek kutungttek tu̱we̱ne̱t lo̱o̱c.

1 Jon 2:19

Engertta ol ne̱ke̱ e̱le̱tti̱ cigge̱k, iróng nege e̱e̱ggi̱n ol cigga̱c. Ming e̱e̱ggi̱n nege ol cigga̱c de̱de̱, aavtte weda ki agita. Abarik engerttai nege ngatinna, i̱llo̱i̱ rok e̱e̱t co̱de̱ ci kaavtte bu̱k.

O̱no̱zzo̱k 3:19

Ovvo ol cik kirezi anna kegerenyek kar ki̱ti̱lo̱ nogo. Izet zin ol cik a̱du̱wa̱nnu̱ zoz ci een de̱de̱, kar etteddo ki ba̱ci̱nno̱k zo̱o̱.