Kaviyak wak Abunna Ta̱mu̱ta̱dde̱no̱ eher Joni 13:8 - Tennet

⁸ O̱bo̱de̱k bo̱do̱k Peturu nonno, a̱nne̱k ne, “A̱zze̱ to, iróng i̱nna̱ uunyi zo̱o̱ cigannik udut.” O̱bo̱de̱k zin Ye̱su̱ nonno izek ne, “Ming iróng anna kuunyi zo̱o̱ cigunnek, iróng i̱nna̱ e̱e̱ni̱ demezeyait cinanni.”

Kaviyak wak Abunna Ta̱mu̱ta̱dde̱no̱ eher Joni 13:8 Iomraidhean Croise

Kananet 42:38

Ma̱i̱je̱ Ya̱ko̱bo̱ ize ne, “Iróng ngeranni okko orkoryyu alucenu ki i̱ge̱ta̱; a̱da̱k ba̱li̱ye̱ gotoniya, ize nonno do̱ niko ci aruge. Ming i̱ki̱ya̱k nonno gi̱i̱ ci gerze go̱o̱le̱ necu ovvoyyu niga nonno ko̱, anyahakang matiz, ovvo atin adawekang niga annit ilomi.”

Ma̱te̱yo̱ 16:22

Ma̱i̱je̱ Peturu u̱tu̱gu̱r Ye̱su̱ abanyca kar zin kovocak nonno zoz, “Iróng een niko Manyi, iróng atin zoz necu a̱kku̱na̱ki̱n.”

Ma̱te̱yo̱ 21:29

“O̱bo̱de̱k zin ngerinne nonno azi ne, ‘Iróng anna kokko,’ imma bali vu̱rrta̱ i̱no̱n niko kar zin kuk manato.

Ma̱te̱yo̱ 26:33

Itinga Peturu, a̱nne̱k Ye̱su̱ ne, “Ming utungtei nuyaha i̱nne̱t do̱o̱k lo̱o̱c, iróng anna kungneki lo̱o̱c udut.”

Ma̱te̱yo̱ 26:35

Abariz Peturu dee, kar kize ne, “I̱llo̱i̱, iróng anna kungneki lo̱o̱c udut, ma wo̱ye̱ nu̱nu̱n ming ize daiz, ka̱da̱i̱ ki i̱nne̱t nga̱to̱de̱.” Kar zin bo̱do̱k nuyaha do̱o̱k kizeto niko bu̱k.

Kaviyak wak Abunna Ta̱mu̱ta̱dde̱no̱ eher Joni 13:6

Uk zin ngati Si̱mo̱ne̱ Peturu, i̱jji̱n zin nonno, a̱nne̱k ne, “Manyi, okko i̱nna̱ uunyi zo̱o̱ cigannik bu̱k?”

Kaviyak wak Abunna Ta̱mu̱ta̱dde̱no̱ eher Joni 13:9

Abariz zin bo̱do̱k Si̱mo̱ne̱ Peturu, ize ne, “Manyi, ma zin uunyi zo̱o̱ cigannik do̱, tuny oo ki azzin bu̱k.”

Kaviyak wak Abunna Ta̱mu̱ta̱dde̱no̱ eher Joni 3:5

O̱bo̱de̱k zin bo̱do̱k Ye̱su̱ nonno, a̱nne̱k ne, “Ka̱du̱wa̱ki̱ zoz de̱de̱, iróng e̱e̱ti̱ imma i̱i̱zo̱ ba̱a̱li̱ne̱t ci Ta̱mu̱ta̱dde̱no̱ ming ngen ki̱ti̱rra̱i̱ maame ki Vongiza.

Buk wa To̱ni̱a̱u̱ 22:16

Ere i̱yo̱ko̱ i̱nna̱ nyaa? Tinga je̱e̱na̱ gga̱m ba̱ti̱ti̱mo̱ kar Manyi kutunya mu̱nye̱n cigunnek, kar laa nonno.’

1 Ko̱ri̱nto̱ 6:11

I̱yo̱ko̱ orgene cunno̱ng ngatu, anyak ol u̱gge̱ ba̱li̱ye̱ cik ogon kaal ne̱ko̱. Uburuca zin abarik Manyitinna Ye̱su̱ Ki̱ri̱sto̱ ki Vongiz ci Ta̱mu̱ta̱dde̱no̱ mu̱nye̱n cuggo̱k, kar ka̱a̱nyu̱ng izet dooli cik a̱li̱le̱ Ta̱mu̱ta̱dde̱no̱.

Evesos 5:26

Ogon enne zoz necu abunna nege ovvo e̱e̱ggi̱n ol cik abunna doize ci zoz cinne, idiman zin enne nogo kizeto ol cik a̱li̱le̱ ngati unye nogo maame.

Kolosiya 2:18

Ma anyikku e̱e̱t imma ci ozoz volonga a̱ru̱k talaben ngati alawe anjilonya kar ka̱a̱nyu̱ng i̱ge̱t imiret zo̱ze̱ ci Ki̱ri̱sto̱. Imma e̱e̱ti̱ ci ogon niko oob ke̱ngti̱ cik zo̱zzo̱k ne̱k icin enne ko̱ oroot, kar kodong ele, kar kozoz darace.

Kolosiya 2:23

Ogon lo̱ti̱nno̱wa̱ ne̱ko̱ ki ci anyak genyiz, go̱o̱le̱ ci ommogek nege ol ki̱di̱ngdi̱nga̱ni̱t, ki ci a̱ru̱we̱ nege talaben azi ne ke̱e̱ggi̱nna̱ gunune, ki gool ci adimane nege e̱le̱tti̱ cigge̱k gerzet. Abarik i̱llo̱i̱ gi̱i̱ imma ci abunna kar kalamte zoz ci gerze amin zinin ci e̱e̱to̱.

Ti̱to̱ 3:5

I̱ti̱ri̱zze̱t enne agita zo̱ze̱ ci bunnat cinne, iróng een kaale cik abunna ku̱tu̱gu̱zzo̱ naga. Utunya Ta̱mu̱ta̱dde̱n mu̱nye̱n cigga̱c komize ci Vongiz ci A̱li̱le̱. Aanyet enne agit kurubta ti̱ra̱ne̱t ci een jor ki baiz ci ngen akane jor.

I̱bu̱ru̱ 10:22

abunna zin naga ka̱vvu̱nna̱k Ta̱mu̱ta̱dde̱n zi̱nze̱tti̱nne̱ cik abunna kar kartik nonno zi̱nze̱tti̱ ki tu̱we̱ne̱t ci okkomi kak. Utunyca bi̱ye̱ta̱ cik Ye̱su̱ ngati a̱da̱kne̱ keete ci een ta̱la̱ke̱c ko̱ mu̱nye̱n, iróng ngen ko̱ngo̱o̱le̱ gi̱i̱ imma. Utunyyce e̱le̱tti̱ cigga̱c ko̱ maame cik caalek ne paz ngati ka̱gga̱me̱ ba̱ti̱ti̱mo̱.

O̱no̱zzo̱k 1:5

kar bo̱do̱k ngati Ye̱su̱ Ki̱ri̱sto̱ kize bbacait wa abunna, wa een a̱bu̱ ci ingazi daiza oowa, kar bo̱do̱k kize Alaan ci alaat cik lo̱o̱tu̱ do̱o̱k. Irezet Ye̱su̱ Ki̱ri̱sto̱ kar zin kaara mu̱nye̱n cigga̱c bi̱ye̱te̱ ciginnek,

O̱no̱zzo̱k 7:14

Kabariza zin anna, “Ddi̱ki̱ryo̱i̱t, a̱gga̱ i̱nna̱.” Kar enne kize ne, “E̱e̱ggi̱n zin nege ol balik a̱vvu̱ piryanzete ci a̱ppwe̱ oroot; utunyyet nege ru̱u̱ma̱ni̱ cigge̱k kar kizeto voore bi̱ye̱te̱ cik Nyoono.