Kaviyak wak Abunna Ta̱mu̱ta̱dde̱no̱ eher Joni 13:5 - Tennet

⁵ Bali vu̱rrta̱, u̱ddu̱te̱k zin enne maam u̱gge̱ illac kar zin kutuny nuyak waginnek zo̱o̱, kar zin ku̱vu̱cvu̱ca̱n maam zoone cigge̱k kodoit ru̱u̱me̱ wanai a̱lu̱ce̱k enne barak ke̱.

Kaviyak wak Abunna Ta̱mu̱ta̱dde̱no̱ eher Joni 13:5 Iomraidhean Croise

Kananet 18:4

Inya kanyaha maam u̱gge̱ cik uudentak kar ocokte e̱le̱tti̱ kar i̱ye̱be̱zi̱t arrak do̱yo̱i̱t keete cu.

Kananet 19:2

Izek zin enne nogo ne, “Alaat wagannik, i̱vi̱ta̱ arrak ce̱e̱z ci du̱ca̱i̱t cunno̱ng. Abunna ovvo u̱u̱nyyu̱ zo̱o̱ cuggo̱k kar a̱ta̱gu̱z nginati kar zin nge̱rre̱t oot gool cunno̱ng.” O̱bo̱dde̱k zin nege nonno a̱nne̱k ne, “Iróng een niko, kooginna atidic naga buurato ngatu.”

Kananet 43:24

Uwe zin du̱ca̱i̱ti̱ neci nogo ca̱a̱to̱, kar kaanyik nogo maam kutunyet zo̱o̱ cigge̱k kar kaanyik bo̱do̱k arte zi̱gi̱re̱ cigge̱k.

Lu̱ka̱ 7:38

ibil zin enne bo̱i̱ce̱ cinne zone ciginnek, akate zin enne uculahan zo̱o̱ cik Ye̱su̱ ti̱la̱lo̱i̱ ciginnek. Kar zin enne ki̱ti̱vi̱l imane ciginnek, kar kucucu zo̱o̱ ciginnek kar ku̱du̱te̱k maal.

Lu̱ka̱ 7:44

Kar zin enne kutuhuwe kicin ngaa neci kar kizek Si̱mo̱ne̱ ne, “Acinni i̱nna̱ ngaa cu? Ki̱ki̱ya̱ anna rok ce̱e̱z cunne, ngen i̱nna̱ inya annit maam cik kunyene anna zo̱o̱ cigannik, abarik enne uculahan zo̱o̱ cigannik ti̱la̱lo̱i̱ kar ki̱ti̱vi̱l zo̱o̱ cigannik imane ciginnek.

Kaviyak wak Abunna Ta̱mu̱ta̱dde̱no̱ eher Joni 13:10

Izek zin Ye̱su̱ nonno ne, “Ming arane e̱e̱ti̱ ubunna nonno ele, orong kutunyce zoona do̱. A̱zi̱ze̱ ele cinne do̱o̱k, a̱zi̱ze̱ e̱le̱tti̱ cuggo̱k, anyak orgene cunno̱ng e̱e̱t ci iróng ele cinne a̱zi̱ze̱.”

Kaviyak wak Abunna Ta̱mu̱ta̱dde̱no̱ eher Joni 13:6

Uk zin ngati Si̱mo̱ne̱ Peturu, i̱jji̱n zin nonno, a̱nne̱k ne, “Manyi, okko i̱nna̱ uunyi zo̱o̱ cigannik bu̱k?”

Kaviyak wak Abunna Ta̱mu̱ta̱dde̱no̱ eher Joni 13:8

O̱bo̱de̱k bo̱do̱k Peturu nonno, a̱nne̱k ne, “A̱zze̱ to, iróng i̱nna̱ uunyi zo̱o̱ cigannik udut.” O̱bo̱de̱k zin Ye̱su̱ nonno izek ne, “Ming iróng anna kuunyi zo̱o̱ cigunnek, iróng i̱nna̱ e̱e̱ni̱ demezeyait cinanni.”

Kaviyak wak Abunna Ta̱mu̱ta̱dde̱no̱ eher Joni 19:34

Akat zin aciiroci co̱de̱ Ye̱su̱ onyit illawa, kar zin ele cinne ketera bi̱ye̱ ki maam.

Buk wa To̱ni̱a̱u̱ 22:16

Ere i̱yo̱ko̱ i̱nna̱ nyaa? Tinga je̱e̱na̱ gga̱m ba̱ti̱ti̱mo̱ kar Manyi kutunya mu̱nye̱n cigunnek, kar laa nonno.’

1 Ko̱ri̱nto̱ 6:11

I̱yo̱ko̱ orgene cunno̱ng ngatu, anyak ol u̱gge̱ ba̱li̱ye̱ cik ogon kaal ne̱ko̱. Uburuca zin abarik Manyitinna Ye̱su̱ Ki̱ri̱sto̱ ki Vongiz ci Ta̱mu̱ta̱dde̱no̱ mu̱nye̱n cuggo̱k, kar ka̱a̱nyu̱ng izet dooli cik a̱li̱le̱ Ta̱mu̱ta̱dde̱no̱.

Evesos 5:26

Ogon enne zoz necu abunna nege ovvo e̱e̱ggi̱n ol cik abunna doize ci zoz cinne, idiman zin enne nogo kizeto ol cik a̱li̱le̱ ngati unye nogo maame.

1 Ti̱mo̱te̱yo̱ 5:10

Anyik bo̱do̱k ol ku̱du̱kta̱ bunnat cinne, ki zoz ci azi ne, azunne ba̱li̱ye̱ dooli ju̱rru̱m, i̱i̱rke̱, a̱gga̱m e̱re̱nno̱k wak a̱tu̱we̱ ju̱rru̱m, kar gon keela bo̱yyo̱k.

I̱bu̱ru̱ 10:22

abunna zin naga ka̱vvu̱nna̱k Ta̱mu̱ta̱dde̱n zi̱nze̱tti̱nne̱ cik abunna kar kartik nonno zi̱nze̱tti̱ ki tu̱we̱ne̱t ci okkomi kak. Utunyca bi̱ye̱ta̱ cik Ye̱su̱ ngati a̱da̱kne̱ keete ci een ta̱la̱ke̱c ko̱ mu̱nye̱n, iróng ngen ko̱ngo̱o̱le̱ gi̱i̱ imma. Utunyyce e̱le̱tti̱ cigga̱c ko̱ maame cik caalek ne paz ngati ka̱gga̱me̱ ba̱ti̱ti̱mo̱.

1 Jon 1:7

Ma̱i̱je̱ ming kabak naga vooritena ki i̱yo̱ko̱ Ta̱mu̱ta̱dde̱n ming abak ko̱, kabak wo̱ye̱ naga baiz co̱de̱, kar bi̱ye̱ta̱ cik Ngerinne Ye̱su̱ Ki̱ri̱sto̱ ki̱ti̱vi̱la̱ mu̱nye̱n cigga̱c do̱o̱k.

1 Jon 5:6

A̱kku̱ Ye̱su̱ Ki̱ri̱sto̱ maame ki bi̱ye̱te̱. Iróng enne a̱kku̱ maame do̱, abarik a̱kku̱ maame ki bi̱ye̱te̱. Okko Vongizi ibbac zoz neci ming een de̱de̱, eci Vongizi i̱ye̱la̱ zoz ci een de̱de̱.

O̱no̱zzo̱k 1:5

kar bo̱do̱k ngati Ye̱su̱ Ki̱ri̱sto̱ kize bbacait wa abunna, wa een a̱bu̱ ci ingazi daiza oowa, kar bo̱do̱k kize Alaan ci alaat cik lo̱o̱tu̱ do̱o̱k. Irezet Ye̱su̱ Ki̱ri̱sto̱ kar zin kaara mu̱nye̱n cigga̱c bi̱ye̱te̱ ciginnek,

O̱no̱zzo̱k 7:14

Kabariza zin anna, “Ddi̱ki̱ryo̱i̱t, a̱gga̱ i̱nna̱.” Kar enne kize ne, “E̱e̱ggi̱n zin nege ol balik a̱vvu̱ piryanzete ci a̱ppwe̱ oroot; utunyyet nege ru̱u̱ma̱ni̱ cigge̱k kar kizeto voore bi̱ye̱te̱ cik Nyoono.