Kaviyak wak Abunna Ta̱mu̱ta̱dde̱no̱ eher Joni 13:21 - Tennet

²¹ Baling u̱du̱wa̱ Ye̱su̱ zoz necu, icirit nonno zinin oroot kar zin kibborak nogo zoz neci, izek ne, “Ka̱du̱wa̱kku̱ng zoz wa een de̱de̱, okko atidic e̱e̱ti̱ imma ngatinno̱ng adawana annita.”

Kaviyak wak Abunna Ta̱mu̱ta̱dde̱no̱ eher Joni 13:21 Iomraidhean Croise

Ma̱te̱yo̱ 26:21

Imma bali da̱i̱nte̱, iizek zin Ye̱su̱ nogo ne, “Ka̱du̱wa̱ zoz ci een de̱de̱, anyak e̱e̱t imma ngatinno̱ng ci okko atin adawanan.”

Kaviyak wak Abunna Ta̱mu̱ta̱dde̱no̱ eher Joni 13:18

Izek zin Ye̱su̱ nogo ne, “Iróng zoz necu akati i̱ge̱t do̱o̱k, ka̱gga̱ ol balik katahala ke̱. Ogone zin zoz necu kar zoz bali e̱he̱rye̱ Warage ci Ta̱mu̱ta̱dde̱no̱ ke̱ kakat mo̱o̱le̱t, azi ne, ‘Adawana e̱e̱ti̱ ci kozola da̱i̱ne̱t bu̱k.’

Marko 14:18

Baling ngen nege adakce buurato, ize zin Ye̱su̱ ne, “Ka̱du̱wa̱kku̱ng anna zoz ci een de̱de̱, adawana atin e̱e̱ti̱ co̱de̱ ngatinno̱ng annita, e̱e̱t ci kadayina bu̱k.”

Kaviyak wak Abunna Ta̱mu̱ta̱dde̱no̱ eher Joni 12:27

Emena Ye̱su̱ zoza dee, kar bo̱do̱k kize ne, “I̱yo̱ko̱ u̱u̱c annit zinin oroot, kar ucca anna kize ne? ‘Baba eelawa annit i̱i̱ cu’? A̱zze̱ zin to, eci la̱du̱n anna ka̱kku̱ni̱ zo̱ze̱ ci i̱i̱ necu.

Kaviyak wak Abunna Ta̱mu̱ta̱dde̱no̱ eher Joni 11:33

Baling icin Ye̱su̱ nonno ming a̱lu̱, kar bo̱do̱k ol balik e̱e̱ggi̱n Ya̱u̱d orkora ki nonno ke̱ bo̱do̱k ming a̱lu̱, u̱u̱c nonno zinin oroot.

1 Jon 2:19

Engertta ol ne̱ke̱ e̱le̱tti̱ cigge̱k, iróng nege e̱e̱ggi̱n ol cigga̱c. Ming e̱e̱ggi̱n nege ol cigga̱c de̱de̱, aavtte weda ki agita. Abarik engerttai nege ngatinna, i̱llo̱i̱ rok e̱e̱t co̱de̱ ci kaavtte bu̱k.

Buk wa To̱ni̱a̱u̱ 17:16

Baling ngen Pa̱u̱lo̱ ere Silas ki Ti̱mo̱te̱yo̱ o̱rge̱ ci a̱ddi̱ki̱re̱ een Athens, a̱u̱ce̱ nonno zinin oroot, eci enne icin Athens ming anyak to̱do̱yyo̱k cik meelek ala ol.

Kaviyak wak Abunna Ta̱mu̱ta̱dde̱no̱ eher Joni 13:2

Baling anyaktta ol da̱i̱ne̱t cik adak ol yo̱mo̱na̱, i̱tto̱ da̱ lo̱rye̱nti̱ zinin ci Judas Iskariyot wa een ngerrti Si̱mo̱ne̱ ci atin okko adawa Ye̱su̱.

Kaviyak wak Abunna Ta̱mu̱ta̱dde̱no̱ eher Joni 11:38

U̱u̱c zin bo̱do̱k Ye̱su̱ zinin oroot kar zin kuk ngi̱lo̱ma̱, a̱ri̱ta̱ne̱k da̱ ol ngi̱lo̱m neci bee utug ku̱bu̱ng.

Kaviyak wak Abunna Ta̱mu̱ta̱dde̱no̱ eher Joni 11:35

U̱tu̱lu̱ zin Ye̱su̱.

Marko 3:5

Egelem Ye̱su̱ nogo mozinta, u̱u̱c nonno zinin oroot zo̱ze̱ ci gerze anyak nege zi̱nze̱tti̱nne̱ ko̱, kar zin kizek e̱e̱t neci ne, “Zolan a̱zzi̱t cunne.” Ozolan zin e̱e̱ti̱ neci a̱zzi̱t, ubunna zin nonno a̱zzi̱ti̱.

Ma̱te̱yo̱ 26:38

U̱du̱wa̱k zin nogo, azi ne, “Abbize annit zinin matiz kize daiz. A̱vvu̱t ngatu, kicinte naga do̱o̱k.”

Kaviyak wak Abunna Ta̱mu̱ta̱dde̱no̱ eher Joni 13:22

Egelemit zin nuyaha ciginnek e̱le̱tti̱, iróng a̱gga̱ ngene ucca ngatinne̱ng ci arruk enne ko̱.