Kaviyak wak Abunna Ta̱mu̱ta̱dde̱no̱ eher Joni 11:3 - Tennet

³ Baling i̱tto̱nte̱k ngonoggi Lazaru Ye̱su̱ zoz izettek ne, “Manyi, omor goonu wa zinino oroot.”

Kaviyak wak Abunna Ta̱mu̱ta̱dde̱no̱ eher Joni 11:3 Iomraidhean Croise

Kananet 22:2

Izek zin Ta̱mu̱ta̱dde̱n nonno ne, “Dima ngerunne I̱sa̱ko̱ wa o̱de̱ ṯok irezi i̱nna̱ oroot ko̱, kar bit lo̱o̱ce̱ ci een Moriah. Bit pak nonno kize wawac ci i̱va̱dde̱ biyene ne̱ke̱ co̱de̱, kokko atin ka̱du̱wa̱ki̱ zoz neci.”

Lu̱ka̱ 7:13

Baling icin Manyi ngaa ci boye ko̱, i̱ta̱k zinin cinne nonno kar kize ne, “Ma a̱lu̱!”

Kaviyak wak Abunna Ta̱mu̱ta̱dde̱no̱ eher Joni 11:1

Omor da̱ e̱e̱ti̱ ci een zara Lazaru, a̱kku̱ enne o̱rge̱ ci een zara Bethany, abak ciko Ma̱ri̱ya̱ ki ngooni ci een Marta o̱rge̱ neci bu̱k. E̱e̱ggi̱n nege ngonoggi Lazaru. U̱vu̱d ba̱li̱ye̱ Ma̱ri̱ya̱ zo̱o̱ cik Manyi Ye̱su̱ maale ci ongooli laala, kar zin ki̱ti̱vi̱la̱ maal neci immane ciginnek.

Kaviyak wak Abunna Ta̱mu̱ta̱dde̱no̱ eher Joni 11:11

Baling u̱du̱wa̱ Ye̱su̱ zoz necu, kar zin ku̱du̱wa̱k nogo azi ne, “Adunge gotoneti ci een Lazaru, kokko zin anna nginati kar kuk ki̱ti̱ngka̱ nonno.”

Kaviyak wak Abunna Ta̱mu̱ta̱dde̱no̱ eher Joni 11:21

Izek zin Marta Ye̱su̱ ne, “Manyi, wo̱ye̱ da̱ ming a̱vvu̱ ngatu, iróng wo̱ye̱ da̱ gotona a̱da̱i̱.

Kaviyak wak Abunna Ta̱mu̱ta̱dde̱no̱ eher Joni 11:36

Izeto zin ol ne̱k e̱e̱ggi̱n Ya̱u̱d ko̱ ne, “Icinnet, irez Ye̱su̱ Lazaru oroot!”

Kaviyak wak Abunna Ta̱mu̱ta̱dde̱no̱ eher Joni 11:5

Irez Ye̱su̱ Lazaru ki ngonoggi Marta ki Ma̱ri̱ya̱.

Kaviyak wak Abunna Ta̱mu̱ta̱dde̱no̱ eher Joni 13:13

Kar zin bo̱do̱k kize ne, “Awuyyang a̱nne̱kka̱ng ne ‘De̱me̱zo̱i̱t’ ki ‘Manyi,’ ilemnyyu ming awuyyang niko ko̱.

Kaviyak wak Abunna Ta̱mu̱ta̱dde̱no̱ eher Joni 13:23

Aave da̱ nuyaiti co̱de̱ wagon irez Ye̱su̱ oroot ko̱ ojonun ki nonno.

2 Ti̱mo̱te̱yo̱ 4:20

Erahek e̱e̱ti̱ ci een zara Erastusi o̱rge̱ wa een Ko̱ri̱nto̱, kutungeya Trophimos orog wa een Miletus, omori.

O̱no̱zzo̱k 3:19

Ovvo ol cik kirezi anna kegerenyek kar ki̱ti̱lo̱ nogo. Izet zin ol cik a̱du̱wa̱nnu̱ zoz ci een de̱de̱, kar etteddo ki ba̱ci̱nno̱k zo̱o̱.