Kaviyak wak Abunna Ta̱mu̱ta̱dde̱no̱ eher Joni 10:2 - Tennet

² Okko e̱e̱ti̱ ci iyok arana icima ottod ilanga, een enne tuwayoit.

Kaviyak wak Abunna Ta̱mu̱ta̱dde̱no̱ eher Joni 10:2 Iomraidhean Croise

Ma̱te̱yo̱ 15:11

Iróng da̱i̱ne̱t cik adak e̱e̱ti̱ ko̱, cik aanyik e̱e̱t kize gerza icima kize ngoronya, abarik zoz ci iyowa utuge ci e̱e̱to̱ ko̱ ci anyike e̱e̱t kize gerza icima kize ngoronya ngu̱me̱ ci Ta̱mu̱ta̱dde̱no̱.”

Kaviyak wak Abunna Ta̱mu̱ta̱dde̱no̱ eher Joni 10:14

Azi zin bo̱do̱k Ye̱su̱ ne, “Ke̱e̱ni̱ anna tuwayoit ci kabunna; ka̱gga̱ anna eeza cigannik veelek, ovvo eezena cigannik a̱gga̱ya̱ annit bu̱k.

Kaviyak wak Abunna Ta̱mu̱ta̱dde̱no̱ eher Joni 10:7

A̱nne̱k zin Ye̱su̱ bo̱do̱k nogo ne, “Ka̱du̱wa̱kku̱ng zoz ci een de̱de̱, ke̱e̱ni̱ anna aran ci iyowe eezena.

Kaviyak wak Abunna Ta̱mu̱ta̱dde̱no̱ eher Joni 10:9

Kogonni anna ki arani, ming iyok e̱e̱ti̱ go̱o̱le̱ cinanni, amuda ti̱ri̱ze̱ne̱t. I̱i̱zo̱ enne bo̱ngi̱t kar kiyowa kuk geen.

Buk wa To̱ni̱a̱u̱ 20:28

U̱zu̱tte̱ e̱le̱tti̱ ciggo̱k ki ol wak a̱a̱nyu̱ng Vongizi ci A̱li̱le̱, abunna ming aballu nogo. Izet tuwayok cik ke̱le̱ci̱a̱ ci Ta̱mu̱ta̱dde̱no̱, wak balik uuta Ye̱su̱ bi̱ye̱te̱ ciginnek ke̱.

1 Ti̱mo̱te̱yo̱ 4:14

Ma uungi arizet bali aanyi Ta̱mu̱ta̱dde̱n ke̱, bali amuda go̱o̱le̱ ci a̱du̱wa̱ki̱ a̱ri̱to̱i̱ti̱ ci zoz cinne, kar lo̱ddi̱ki̱re̱ cik Ce̱e̱z wa Ta̱mu̱ta̱dde̱no̱ kalayyei Ta̱mu̱ta̱dde̱n.

Ti̱to̱ 1:5

Kungneki ba̱li̱ye̱ lo̱o̱c ci een Crete, abunna ming edecak li̱ngli̱ngo̱n bali ngen anna kedecak ke̱, kar bo̱do̱k tahala nyakanganet o̱ro̱gjo̱we̱ ne̱ke̱ ki bali ming ka̱du̱wa̱ki̱ ke̱.

I̱bu̱ru̱ 13:20

Anyik bai Ta̱mu̱ta̱dde̱n ci gon a̱a̱nyu̱ng gano, go̱o̱le̱ ci bi̱ye̱ cik Ye̱su̱ ci een olom ci aave udut ko̱, bali obodai Manyi Ye̱su̱ daiza, Tuwayoit ci a̱ddi̱ki̱re̱ ommog veelek,

1 Peturu 2:25

Ogonnu niga ba̱li̱ye̱ ki a̱zza̱ wak ajali. Imma zin i̱yo̱ko̱ oboddau, i̱vi̱ta̱u̱ tuwayoit wa azunne ruget cunno̱ng.

1 Peturu 5:4

Kar ming okko Ki̱ri̱sto̱ alaani wa tuwayowu oboda, okko atin enne a̱a̱nyu̱ng alaanzet ci atin iróng ti̱ri̱ze̱ne̱t ki de̱ti̱ne̱t cinne aṯurneke.

O̱no̱zzo̱k 1:20

Icu zoz ci a̱lu̱gnye̱ zo̱ze̱ ci munyuny cik e̱e̱ggi̱n turgerem acinni i̱nna̱ a̱tte̱ cinanni a̱zzo̱ ko̱, ki kaal cik abilne tukulena ko̱: E̱e̱ggi̱n munyunya cik e̱e̱ggi̱n turgerem ko̱ anjilonya cik ke̱le̱ci̱a̱nya̱ cik een turgerem ko̱. Ovvo kaala cik e̱e̱ggi̱n turgerem abilne tukulena ko̱, e̱e̱ggi̱n ke̱le̱ci̱a̱nya̱ turgerem bu̱k.”