Kaviyak wak Abunna Ta̱mu̱ta̱dde̱no̱ eher Joni 10:12 - Tennet

¹² Iróng e̱e̱ti̱ ci uwaye bo̱ngi̱te̱ ci e̱e̱to̱ een manyi bo̱ngi̱t. Ming icin enne maa ci a̱kku̱nna̱k eeza, abarik a̱vi̱r kutungek eeza lo̱o̱c, kar zin maa ki̱li̱bo̱zi̱k eeza kazzan.

Kaviyak wak Abunna Ta̱mu̱ta̱dde̱no̱ eher Joni 10:12 Iomraidhean Croise

Ma̱te̱yo̱ 10:16

“Ki̱tto̱nnu̱ng anna i̱ge̱t kiwagon a̱zza̱ cik ajalik ol zari orgene ci u̱du̱ma̱nnu̱. Abunna ming egenyyu kiwagon uwat, abunna bo̱do̱k ming e̱e̱ggi̱nnu̱ gunune kiwagon lu̱be̱nya̱.

Ma̱te̱yo̱ 7:15

“Igenyit zo̱ze̱ ci a̱ri̱tto̱k wak een volongnyok. A̱vvu̱na̱kku̱ng nege gunune ogon ki i̱yo̱ko̱ a̱zza̱ ko̱, imma zi̱nze̱tti̱ ogon ki i̱yo̱ko̱ u̱du̱ma̱na̱ ko̱.

Kaviyak wak Abunna Ta̱mu̱ta̱dde̱no̱ eher Joni 10:13

A̱vi̱r e̱e̱ti̱ neci ma̱rri̱t enne ming iróng een tuwayoit, iróng enne een manyi eeza ne̱ke̱.”

Kaviyak wak Abunna Ta̱mu̱ta̱dde̱no̱ eher Joni 10:2

Okko e̱e̱ti̱ ci iyok arana icima ottod ilanga, een enne tuwayoit.

Kaviyak wak Abunna Ta̱mu̱ta̱dde̱no̱ eher Joni 10:3

Oowek e̱e̱ti̱ ci ebekce bo̱ngi̱ta̱ tuwayoit eeza, kar zin eezena kiziyet muluk cinne ming awe. Awu enne eeza ciginnek zare, bak aziye, a̱vvu̱na̱k nonno kar zin gon kuuwe geen.

Buk wa To̱ni̱a̱u̱ 20:29

Ka̱gga̱ anna niko ming kutungeung anna i̱ge̱t lo̱o̱c, anyak atin ol cik gerzek ogon kiwagon gu̱zu̱le̱ ovvo atin ottok ol cik ke̱le̱ci̱e̱ ci Ta̱mu̱ta̱dde̱no̱.

1 Ti̱mo̱te̱yo̱ 3:3

Gerza ming een e̱e̱t ci een bba̱kco̱i̱t, gerza ming avaraci gaganiko. Abunna abarik ming een e̱e̱t ci gununi. Kar zin iróng irez o̱ro̱bi̱ya̱.

1 Ti̱mo̱te̱yo̱ 3:8

Abunna zin bo̱do̱k ol wak een kuye Ce̱e̱ze̱ wa Ta̱mu̱ta̱dde̱no̱ ming e̱e̱ggi̱n ol cik abak baiz ci a̱zi̱ze̱. Gerza ming etted ebere, icima a̱bu̱re̱ merta. Gerza ming a̱bu̱re̱ o̱ro̱bi̱ya̱i̱.

2 Ti̱mo̱te̱yo̱ 4:10

ma̱rri̱t e̱e̱ti̱ ci een zara Demasi irez kaal cik lo̱o̱tu̱, utungeya lo̱o̱c, kar ki̱mi̱re̱ kuk o̱rge̱ ci een Te̱se̱lo̱ni̱ka̱. Okko Cresceni lo̱o̱ce̱ ci een zara Ga̱la̱ti̱a̱, ma̱i̱je̱ Ti̱to̱ okko lo̱o̱ce̱ ci een zara Dalamatiya.

Ti̱to̱ 1:7

Abunna ming abak baiz ci emede eci enne een tuwayoit ci Ta̱mu̱ta̱dde̱no̱. Gerza ming idica zinin, gerza ming een bba̱kco̱i̱t, gerza ming een e̱e̱t ci jo̱o̱re̱ttu̱, gerza ming anyak zinin ci a̱ppwe̱ o̱ro̱bi̱ya̱i̱.

1 Peturu 5:2

Ki i̱yo̱ko̱ tuwayoiti ko̱, u̱zu̱tte̱ ol cik Ta̱mu̱ta̱dde̱no̱ a̱a̱nyu̱ng enne ko̱, abunna ming azunnu nogo. U̱tu̱gu̱z li̱ngli̱ngo̱n necu zi̱nze̱tti̱nne̱ cik alali ki ming orong Ta̱mu̱ta̱dde̱n. U̱zu̱tte̱ nogo ci iróng een zoz ci orongnyu o̱ro̱bi̱ya̱, abarik aanycik kize li̱ngli̱ngo̱n ci a̱kku̱ zi̱nze̱tti̱nne̱ ciggo̱k.

2 Peturu 2:3

Anyak atin ol ne̱ke̱ zi̱nze̱tti̱ cik a̱ppi̱nte̱k kaale, ozoziku̱ng u̱tu̱ge̱tti̱ne̱ cik emede. Ettedik Ta̱mu̱ta̱dde̱n nogo lo̱ki̱ko̱ zo̱ze̱ necu, iróng zin enne adunge.