Kaviyak wak Abunna Ta̱mu̱ta̱dde̱no̱ eher Joni 10:10 - Tennet

¹⁰ A̱kku̱ gon la̱du̱n ogoryaiti ogor ki ru̱we̱ne̱t e̱e̱t ka̱da̱k kar bo̱do̱k kegerzan lo̱o̱c. Imma anna ka̱kku̱ni̱ ko̱ kanyahakung ruget wa aave udut, abunna ming anyakku ruget do̱o̱k.”

Kaviyak wak Abunna Ta̱mu̱ta̱dde̱no̱ eher Joni 10:10 Iomraidhean Croise

Ma̱te̱yo̱ 18:10

“Ma zin ibbezzu do̱le̱c co̱de̱ ṯok doolinne ne̱ko̱. Ka̱du̱wa̱kku̱ng eci anjilonya cigge̱k acin ngu̱m ci Baatanni odohize wa aave ta̱mu̱-kenga.

Ma̱te̱yo̱ 20:28

Imma Ngerrti E̱e̱to̱ iróng a̱kku̱ ki̱vi̱ta̱ ol ki̱li̱ngli̱ngte̱k nonno, abarik, a̱kku̱ ki̱ki̱ya̱ ki̱li̱ngli̱nge̱k ol, kar kaanyik baiz cinne kize wawac ci ol cik meelek.”

Ma̱te̱yo̱ 21:13

A̱nne̱k zin Ye̱su̱ nogo ne, “E̱he̱rye̱ Warage ci Ta̱mu̱ta̱dde̱no̱ azi ne, ‘Awu atin ol Ce̱e̱z cinanni kize Ce̱e̱z wa Lawinto,’ abarik niga anyikku kize ‘nyaperit ci a̱lu̱ngnye̱ne̱ ogoryaha.’”

Ma̱te̱yo̱ 23:13

“O̱lle̱ ciggo̱k ol wak een de̱me̱zzo̱k wak lo̱ti̱nno̱k wak Musesi ki olli Varacis ko̱, niga ol cik a̱ru̱kku̱ talaben! Unygtu niga ba̱a̱li̱ne̱t ci ta̱mu̱-kengo ngati acine ol cik diirik. Iróng atin niga bu̱k e̱le̱tti̱ne̱ cuggo̱k i̱zzo̱yu̱, icima anyikku ol ne̱k orong ki̱tto̱zo̱ ko̱.

Marko 11:17

Baling okko enne edemez nogo, a̱nne̱k ne, “Iróng e̱he̱rye̱: “‘Awu atin ol Ce̱e̱z cinanni kize Ce̱e̱z wa Lawinto olli lo̱o̱tu̱ do̱o̱k.’ Abarik niga anyikku kize ‘nyaperit ci a̱lu̱ngnye̱ ogoryaha.’”

Lu̱ka̱ 19:10

Eci Ngerrti E̱e̱to̱ a̱kku̱ ki̱ki̱ya̱ koronga kar ki̱ti̱ri̱z ol balik i̱ti̱yye̱t tu̱.”

Kaviyak wak Abunna Ta̱mu̱ta̱dde̱no̱ eher Joni 10:1

A̱nne̱k zin Ye̱su̱ nogo ne, “Ka̱du̱wa̱kku̱ng zoz wa een de̱de̱, ming ottod e̱e̱ti̱ bo̱ngi̱t ci e̱e̱to̱ lo̱mu̱k iróng iyok arana, een e̱e̱ti̱ neci ogoryait.

Kaviyak wak Abunna Ta̱mu̱ta̱dde̱no̱ eher Joni 10:11

Emena Ye̱su̱ zoza dee kar zin kize ne, “Ke̱e̱ni̱ anna tuwayoit wa kabunna. A̱da̱i̱ tuwayoiti ci abunna zo̱ze̱ ci eeza ciginnek.

Kaviyak wak Abunna Ta̱mu̱ta̱dde̱no̱ eher Joni 12:47

“Imma e̱e̱ti̱ ci izik zoz cinanni, kar iróng enne azunne, iróng anna kettedi lo̱ki̱ko̱ cinne. Iróng anna ka̱kku̱ni̱ lo̱o̱c ki̱ki̱ya̱ ketted lo̱ki̱ko̱ cinne̱ng, abarik ka̱kku̱ni̱ ki̱ki̱ya̱ keela ol lo̱o̱ta̱ ngatu.

Kaviyak wak Abunna Ta̱mu̱ta̱dde̱no̱ eher Joni 12:6

A̱du̱wa̱ Judasi zoz necu gaganiko, iróng enne edeconik ol wak amati, eci een enne ogoryait, nonno ci a̱gga̱m o̱bo̱n ci o̱ro̱bi̱ya̱u̱, kar gon keelai ele.

Kaviyak wak Abunna Ta̱mu̱ta̱dde̱no̱ eher Joni 3:17

Iróng Ta̱mu̱ta̱dde̱n i̱tto̱na̱k Ngerinne lo̱o̱c, kar ki̱ki̱ya̱ ketted lo̱ki̱ko̱ ci ollu, i̱tto̱na̱ abarik kar ki̱ki̱ya̱ kuruguz ol.

Kaviyak wak Abunna Ta̱mu̱ta̱dde̱no̱ eher Joni 5:40

Abarik niga aburnnu iróng a̱vvu̱na̱kka̱ng kar urubta ruget.”

Kaviyak wak Abunna Ta̱mu̱ta̱dde̱no̱ eher Joni 6:33

Eci da̱i̱ne̱t cik Ta̱mu̱ta̱dde̱no̱ een e̱e̱t ci a̱kku̱ ta̱mu̱-kenga, kar zin kanyik ol cik aavtte lo̱o̱ta̱ ko̱ ruget.”

Kaviyak wak Abunna Ta̱mu̱ta̱dde̱no̱ eher Joni 6:51

Ke̱e̱ni̱ anna da̱i̱ne̱t wa rugeto, kalucai ta̱mu̱-kenga. Ming adak e̱e̱ti̱ imma da̱i̱ne̱t ne̱ko̱, abak atin enne udut. Een da̱i̱ne̱t ciko ele cinanni, ci kanyike kize ruget ci olli lo̱o̱tu̱.”

Roma 2:21

Abarik edemezu niga ol u̱gge̱ ming ngen edemezit e̱le̱tti̱ cuggo̱k? Uwahekku ol a̱nnu̱ ne, ma ogorzinnu. Ma̱i̱je̱ ngatu e̱e̱ggi̱nnu̱ niga ogoryak.

1 Ti̱mo̱te̱yo̱ 1:15

Een zoz cu de̱de̱, orong kelemtta, i̱ki̱ya̱k Ye̱su̱ Ki̱ri̱sto̱ wa atahalai lo̱o̱c kar ki̱ki̱ya̱ ki̱ti̱ri̱z ol wak mu̱nye̱nu̱ ki bali ming ke̱e̱ni̱ anna e̱e̱t ci mu̱nye̱nu̱ kommogo ke̱.

I̱bu̱ru̱ 6:17

Azi Ta̱mu̱ta̱dde̱n ne, i̱tto̱ni̱k ele cinne, orong enne zoz wainne een de̱de̱ ko̱ kar ka̱gga̱c ol ju̱rru̱m, iróng atin enne uhu zoz neci, kar ol wak elemna nonno ka̱gga̱c een zoz cinne de̱de̱.

I̱bu̱ru̱ 7:25

Imma go̱o̱le̱ neci, anyak enne doiz ci a̱ti̱ri̱ze̱ ol wak elemi Ta̱mu̱ta̱dde̱n ngatinne, eci enne aruge udut, alawek nogo Ta̱mu̱ta̱dde̱n odohize.

2 Peturu 1:11

Kar zin go̱o̱le̱ necu, a̱gga̱ma̱nu̱ng atin Manyitinna Ti̱ri̱zo̱i̱t Ye̱su̱ Ki̱ri̱sto̱ talinte ci a̱ppwe̱ oroot ba̱a̱li̱nte̱ cinne aave udut.