Kaviyak wak Abunna Ta̱mu̱ta̱dde̱no̱ eher Joni 10:1 - Tennet

¹ A̱nne̱k zin Ye̱su̱ nogo ne, “Ka̱du̱wa̱kku̱ng zoz wa een de̱de̱, ming ottod e̱e̱ti̱ bo̱ngi̱t ci e̱e̱to̱ lo̱mu̱k iróng iyok arana, een e̱e̱ti̱ neci ogoryait.

Kaviyak wak Abunna Ta̱mu̱ta̱dde̱no̱ eher Joni 10:1 Iomraidhean Croise

Ma̱te̱yo̱ 7:15

“Igenyit zo̱ze̱ ci a̱ri̱tto̱k wak een volongnyok. A̱vvu̱na̱kku̱ng nege gunune ogon ki i̱yo̱ko̱ a̱zza̱ ko̱, imma zi̱nze̱tti̱ ogon ki i̱yo̱ko̱ u̱du̱ma̱na̱ ko̱.

Kaviyak wak Abunna Ta̱mu̱ta̱dde̱no̱ eher Joni 10:7

A̱nne̱k zin Ye̱su̱ bo̱do̱k nogo ne, “Ka̱du̱wa̱kku̱ng zoz ci een de̱de̱, ke̱e̱ni̱ anna aran ci iyowe eezena.

Kaviyak wak Abunna Ta̱mu̱ta̱dde̱no̱ eher Joni 3:3

O̱bo̱de̱k Ye̱su̱ nonno a̱nne̱k ne, “Ka̱du̱wa̱ki̱ zoz ci een de̱de̱, iróng e̱e̱ti̱ imma acin ba̱a̱li̱ne̱t ci Ta̱mu̱ta̱dde̱no̱ abale ol ming ngen e̱e̱ti̱ ki̱ti̱rra̱i̱ bo̱do̱k lak rama.”

Roma 10:15

Uwahek wo̱ye̱ e̱e̱ti̱ imma nogo kaviyak cik abunna ko̱ ming ngen Ta̱mu̱ta̱dde̱n kodola ki̱tto̱n e̱e̱t neci? E̱he̱rye̱ waraga ci Ta̱mu̱ta̱dde̱no̱ azi ne “A̱zi̱ze̱ zoona cik ol wak anyahak ol kaviyak cik abunna.”

Roma 16:18

Iróng ol ne̱k ogon niko ko̱ a̱li̱ngli̱nge̱k Manyitinna Ki̱ri̱sto̱, abarik a̱li̱ngli̱ng gi̱i̱ ci orong zi̱nze̱tti̱ cigge̱k. A̱lu̱t ol zo̱ze̱ ci a̱ru̱we̱ nege muluk lo̱o̱c kar ku̱lu̱te̱t ol wak iróng a̱gga̱ zoz.

Ti̱to̱ 1:11

Ma anyike nyakanganet cik volongak ko̱ ke̱de̱me̱zi̱t ol cik Ta̱mu̱ta̱dde̱no̱, eci de̱mzi̱nte̱ neci egerzanit ol cik meelek oroot, iróng ngen elemi zoz ci een de̱de̱. Orong demezyaha cik ogon niko o̱ro̱bi̱ya̱ cik ollu.

I̱bu̱ru̱ 5:4

I̱llo̱i̱ e̱e̱t imma ci wo̱ye̱ okkoye li̱ngli̱ngo̱n necu o̱o̱we̱ cinne, Ta̱mu̱ta̱dde̱n do̱ niko ci ahala e̱e̱t ki baling ahala enne e̱e̱t ci een zara Aaron kize alaan ci a̱ddi̱ki̱re̱ wawaco Ce̱e̱ze̱ wa Ta̱mu̱ta̱dde̱no̱.

1 Peturu 1:10

Imma zo̱ze̱ ci ti̱ri̱ze̱ne̱t necu, ozozit a̱ri̱tto̱wa̱ uggak zoz ci de̱ti̱ne̱t ci atin anyonikkung, orong zi̱nze̱tti̱ ecito idic.

2 Peturu 2:1

Anyak ba̱li̱ye̱ a̱ri̱tto̱k cik volongak orgene ci olli Israilo. A̱vvu̱na̱kku̱ng atin bo̱do̱k de̱me̱zzo̱wa̱ wak volongak kar ku̱du̱ktta̱u̱ng zoz ci volongo. Edemezek atin nege ol de̱mzi̱ne̱t ci gerze lo̱mu̱k. Iróng de̱me̱zzo̱wa̱ ne̱ko̱ elemi zoz ci Manyi wa a̱ti̱ri̱z nogo mu̱nye̱ne̱, egerzan atin zoz neci e̱le̱tti̱ cigge̱k.

2 Peturu 2:3

Anyak atin ol ne̱ke̱ zi̱nze̱tti̱ cik a̱ppi̱nte̱k kaale, ozoziku̱ng u̱tu̱ge̱tti̱ne̱ cik emede. Ettedik Ta̱mu̱ta̱dde̱n nogo lo̱ki̱ko̱ zo̱ze̱ necu, iróng zin enne adunge.

1 Jon 4:1

Gotonogga ki ngonogga tu̱we̱nta̱, ma a̱tu̱yyu̱ zoz ci ol cik azi ne kanyaka Vongiz ci Ta̱mu̱ta̱dde̱no̱, abarik abunna ming atimanu vongizzok ming e̱e̱ggi̱n cik Ta̱mu̱ta̱dde̱no̱ de̱de̱, eci anyak a̱ri̱tto̱k cik meelek volongak i̱vi̱tta̱k lo̱o̱c cu.