Kaviyak wak Abunna Ta̱mu̱ta̱dde̱no̱ eher Joni 1:51 - Tennet

⁵¹ Emena Ye̱su̱ zoza kar kizek nonno bo̱do̱k ne, “Ka̱du̱wa̱kku̱ng zoz ci een de̱de̱, acinnu atin ta̱mu̱-keng ming o̱o̱ye̱, imma anjilonya wak Ta̱mu̱ta̱dde̱no̱ ottod ne̱ke̱ ovvo uggak i̱i̱na̱k Ngerrti E̱e̱to̱.”

Kaviyak wak Abunna Ta̱mu̱ta̱dde̱no̱ eher Joni 1:51 Iomraidhean Croise

Kananet 28:12

Onoze enne ngati acine gool ci anyak le̱ti̱te̱t aave lo̱o̱ta̱ ngatu, kar kuk rok ta̱mu̱-keng. Kar kicin anjilonya cik Ta̱mu̱ta̱dde̱no̱ ming ottod ne̱ke̱, ovvo uggak aluccai go̱o̱le̱ neci.

Ma̱te̱yo̱ 25:31

“Ming okko Ngerrti E̱e̱to̱ a̱kku̱ di̱ngdi̱ngo̱nte̱ cinne ki anjilonya cik Ta̱mu̱ta̱dde̱no̱ do̱o̱k, okko atin enne aave lecere wa alaanzetinu, di̱ngdi̱ngo̱nte̱ ci a̱kku̱ ta̱mu̱-kenga.

Ma̱te̱yo̱ 26:24

Eci Ngerrti E̱e̱to̱ a̱da̱i̱ atin ki bali ming u̱du̱ya̱i̱ zoz cinne Warage ci Ta̱mu̱ta̱dde̱no̱. O̱lle̱ bai atin cik e̱e̱t ci adawa Ngerrti E̱e̱to̱, agano weda ming iróng enne a̱rri̱ta̱i̱!”

Ma̱te̱yo̱ 3:16

A̱gga̱me̱k zin Joni Ye̱su̱ ba̱ti̱ti̱mo̱, baling okko Ye̱su̱ iyowa maame, oowe ta̱mu̱-kengi, icin zin Ye̱su̱ Vongiz ci Ta̱mu̱ta̱dde̱no̱ a̱kku̱nna̱k lo̱o̱c kiwagon lu̱be̱ ki̱ta̱k nonno iba.

Ma̱te̱yo̱ 4:11

Imma nginatu utungek lo̱rye̱nti̱ nonno lo̱o̱c kar anjilonya cik Ta̱mu̱ta̱dde̱no̱ ki̱vi̱ta̱ keeltta nonno.

Ma̱te̱yo̱ 8:20

O̱bo̱de̱k zin Ye̱su̱ nonno, a̱nne̱k ne, “Anyak i̱re̱e̱rwa̱na̱ lo̱o̱knya̱ cik aavtte, ovvo iballi anyak ce̱e̱zi̱ cik aavtte bu̱k. Ma̱i̱je̱ Ngerrti E̱e̱to̱ a̱kku̱ ta̱mu̱-kenga, iróng anyak nginti aave enne lo̱o̱ta̱ ngatu.”

Ma̱te̱yo̱ 9:6

Abunna abarik ming a̱gga̱yyu̱ anyak Ngerrti E̱e̱to̱ doiz ci okkomi lo̱o̱ta̱ ngatu ci alalneke enne ol mu̱nye̱n.” Imma zin zo̱ze̱ neci, a̱nne̱k zin Ye̱su̱ e̱e̱t ci nganynganyi zoona ko̱ ne, “Tinga je̱e̱na̱, lut kwe̱e̱n cunne bit ce̱e̱za̱.”

Marko 1:10

Baling okko Ye̱su̱ iyowa maame, edenya ta̱mu̱-keng ming o̱o̱ye̱, kar zin Vongizi ci A̱li̱le̱ kulucak nonno kiwagon lu̱be̱.

Marko 14:62

O̱bo̱de̱k zin Ye̱su̱ nonno, a̱nne̱k ne, “I̱i̱ny, Ke̱e̱ni̱, acinni atin Ngerrti E̱e̱to̱ ming aave a̱tte̱ ci a̱zzo̱ Ta̱mu̱ta̱dde̱no̱, kar atin ki̱ki̱ya̱ di̱i̱zo̱ca̱ ta̱mu̱-kenga.”

Lu̱ka̱ 2:13

Ataman niko i̱ye̱ltta̱i̱ koole ci a̱ppwe̱ a̱vvu̱ ta̱mu̱-kenga ki anjilo, innat Ta̱mu̱ta̱dde̱n azi ne,

Lu̱ka̱ 2:9

I̱ye̱le̱k zin anjilo ci Manyi nogo ele, kar di̱ngdi̱ngo̱ni̱ ci Manyi ki̱ye̱la̱i̱ ngatinne̱ng, kar nege ko̱to̱ngo̱o̱ltte̱ lo̱o̱c.

Lu̱ka̱ 22:43

I̱ye̱le̱k zin anjilo ci a̱kku̱ ta̱mu̱-kenga nonno ele kar kanyik nonno doiz.

Lu̱ka̱ 22:69

Ma̱i̱je̱ i̱yo̱ko̱ kuk, aave atin Ngerrti E̱e̱to̱ a̱tte̱ ci a̱zzo̱ Ta̱mu̱ta̱dde̱no̱ wa anyak komiz do̱o̱k.”

Lu̱ka̱ 24:4

Baling a̱ma̱li̱ltte̱ o̱o̱tti̱ cigge̱k zo̱ze̱ necu, i̱vi̱ta̱ zin ol cik e̱e̱ggi̱n rama aim ru̱u̱ma̱ni̱ cik voorik per ibilet abanyce cinne̱ng.

Lu̱ka̱ 3:21

Baling a̱gga̱mto̱zi̱k ol do̱o̱k ba̱ti̱ti̱mo̱, a̱gga̱mo̱zi̱k zin Ye̱su̱ bu̱k ba̱ti̱ti̱mo̱. Kar baling ngen enne alaye, oowe ta̱mu̱-kengi

Kaviyak wak Abunna Ta̱mu̱ta̱dde̱no̱ eher Joni 1:50

O̱bo̱de̱k zin Ye̱su̱ nonno, a̱nne̱k ne, “I̱yo̱ko̱ elemna i̱nna̱ eci ku̱du̱wa̱i̱n kazi ne kicini wanai ming aave muneca vu̱rrta̱. Acinni atin i̱nna̱ kaal cik meelek ommog ne̱ko̱.”

Kaviyak wak Abunna Ta̱mu̱ta̱dde̱no̱ eher Joni 10:1

A̱nne̱k zin Ye̱su̱ nogo ne, “Ka̱du̱wa̱kku̱ng zoz wa een de̱de̱, ming ottod e̱e̱ti̱ bo̱ngi̱t ci e̱e̱to̱ lo̱mu̱k iróng iyok arana, een e̱e̱ti̱ neci ogoryait.

Kaviyak wak Abunna Ta̱mu̱ta̱dde̱no̱ eher Joni 10:7

A̱nne̱k zin Ye̱su̱ bo̱do̱k nogo ne, “Ka̱du̱wa̱kku̱ng zoz ci een de̱de̱, ke̱e̱ni̱ anna aran ci iyowe eezena.

Kaviyak wak Abunna Ta̱mu̱ta̱dde̱no̱ eher Joni 13:16

Ka̱du̱wa̱kku̱ng zoz wa een de̱de̱, i̱llo̱i̱ du̱ca̱i̱t ci a̱ddi̱ki̱re̱ ngati e̱e̱t wa a̱li̱ngli̱ngngo̱ni̱k enne, iróng bo̱do̱k e̱e̱ti̱ wa een to̱ni̱a̱t ommog e̱e̱t wa i̱tto̱n nonno.

Kaviyak wak Abunna Ta̱mu̱ta̱dde̱no̱ eher Joni 13:38

O̱bo̱de̱k zin Ye̱su̱ nonno, “A̱da̱i̱ wo̱ye̱ atin i̱nna̱ de̱de̱ zo̱ze̱ cinanni? Ka̱du̱wa̱ki̱ zoz ci een de̱de̱, ming a̱jji̱nni̱ atin ol i̱nne̱ta̱ zoz cinanni amikzena atin i̱nna̱ annit lak i̱i̱yo̱ ming ngen tuulici korok!”

Kaviyak wak Abunna Ta̱mu̱ta̱dde̱no̱ eher Joni 14:12

Ka̱du̱wa̱kku̱ng zoz wa een de̱de̱, ming a̱tu̱ya̱ e̱e̱ti̱ imma annita, ogon atin enne bu̱k kaal cik kogonni anna ko̱. Ogon atin enne kaal cik a̱ddi̱ki̱re̱ kommog ne̱ko̱, ma̱rri̱t anna kokko ngati Baba.

Kaviyak wak Abunna Ta̱mu̱ta̱dde̱no̱ eher Joni 16:20

Ku̱du̱wa̱u̱ng anna i̱ge̱t zoz ci een de̱de̱, a̱lu̱yyu̱ atin niga kar bo̱do̱k atalit, imma olli lo̱o̱tu̱ atalne. Abalaccu atin niga oroot, abarik atin balaci cunno̱ng ukce kize talninet.

Kaviyak wak Abunna Ta̱mu̱ta̱dde̱no̱ eher Joni 16:23

“Ku̱du̱wa̱u̱ng anna i̱ge̱t zoz ci een de̱de̱, i̱i̱te̱ne̱ neci a̱zze̱ e̱e̱ti̱ imma ci a̱jji̱nna̱ annit gi̱i̱ imma to. A̱a̱nyu̱ng atin Baba i̱ge̱t gi̱i̱ imma ci a̱jji̱nnu̱ niga zare cigannik.

Kaviyak wak Abunna Ta̱mu̱ta̱dde̱no̱ eher Joni 21:18

Ka̱du̱wa̱ki̱ anna i̱nne̱t zoz ci een de̱de̱: Baling ngen e̱e̱ni̱ i̱nna̱ idica, aburcek i̱nna̱ ele ru̱u̱m kar bit ngati orongi i̱nna̱. Imma i̱yo̱ko̱ ming ize ma̱ti̱yo̱c, a̱gga̱m ol azzin cigunnek. Aburceki e̱e̱ti̱ imma i̱nne̱t ru̱u̱ma̱ni̱, kar zin kuwuyi ngati iróng i̱nna̱ orongi bite.”

Kaviyak wak Abunna Ta̱mu̱ta̱dde̱no̱ eher Joni 3:3

O̱bo̱de̱k Ye̱su̱ nonno a̱nne̱k ne, “Ka̱du̱wa̱ki̱ zoz ci een de̱de̱, iróng e̱e̱ti̱ imma acin ba̱a̱li̱ne̱t ci Ta̱mu̱ta̱dde̱no̱ abale ol ming ngen e̱e̱ti̱ ki̱ti̱rra̱i̱ bo̱do̱k lak rama.”

Kaviyak wak Abunna Ta̱mu̱ta̱dde̱no̱ eher Joni 3:5

O̱bo̱de̱k zin bo̱do̱k Ye̱su̱ nonno, a̱nne̱k ne, “Ka̱du̱wa̱ki̱ zoz de̱de̱, iróng e̱e̱ti̱ imma i̱i̱zo̱ ba̱a̱li̱ne̱t ci Ta̱mu̱ta̱dde̱no̱ ming ngen ki̱ti̱rra̱i̱ maame ki Vongiza.

Kaviyak wak Abunna Ta̱mu̱ta̱dde̱no̱ eher Joni 5:19

O̱bo̱de̱k zin Ye̱su̱ nogo, a̱nne̱k ne, “Ka̱du̱wa̱kku̱ng zoz ci een de̱de̱, iróng Ngerinne ogon gi̱i̱ imma do̱, ogon gi̱i̱ ci icin enne ogon Baatinne, eci gi̱i̱ ci ogon enne, ogon Ngerinne bu̱k.

Kaviyak wak Abunna Ta̱mu̱ta̱dde̱no̱ eher Joni 5:27

Aanyik zin Ngerinne komiz ci ettede lo̱ki̱ko̱ ci ollu eci enne een Ngerrti E̱e̱to̱.

Kaviyak wak Abunna Ta̱mu̱ta̱dde̱no̱ eher Joni 6:26

O̱bo̱de̱k zin Ye̱su̱ nogo, a̱nne̱k ne, “Ka̱du̱wa̱kku̱ng zoz wa een de̱de̱, iróng niga orongnyang ma̱rri̱t ming ku̱tu̱gu̱ anna kaal cik a̱vu̱la̱. Orongnyang, eci niga adakttu da̱i̱ne̱t atanyarttu.

Kaviyak wak Abunna Ta̱mu̱ta̱dde̱no̱ eher Joni 6:32

Izek zin Ye̱su̱ nogo ne, “Ka̱du̱wa̱kku̱ng zoz ci een de̱de̱. Iróng ba̱li̱ye̱ een Muses ci a̱a̱nyu̱ng da̱i̱ne̱t cik a̱vvu̱ ta̱mu̱-kenga, Baatanni ci a̱a̱nyu̱ng da̱i̱ne̱t wak een de̱de̱ a̱vvu̱ ta̱mu̱-kenga.

Kaviyak wak Abunna Ta̱mu̱ta̱dde̱no̱ eher Joni 6:47

Ka̱du̱wa̱kku̱ng zin zoz ci een de̱de̱, ming a̱tu̱we̱ e̱e̱ti̱, anyak ruget wa aave udut.

Kaviyak wak Abunna Ta̱mu̱ta̱dde̱no̱ eher Joni 6:53

Izek zin Ye̱su̱ nogo ne, “Ka̱du̱wa̱kku̱ng anna zoz ci een de̱de̱, ming iróng niga adakku ele ci Ngerrti E̱e̱to̱ kar bo̱do̱k uudet bi̱ye̱ ciginnek, i̱llo̱i̱ ruget ngatinno̱ng udut.

Kaviyak wak Abunna Ta̱mu̱ta̱dde̱no̱ eher Joni 8:34

O̱bo̱de̱k zin Ye̱su̱ nogo, a̱nne̱k ne, “Ka̱du̱wa̱kku̱ng zoz wa een de̱de̱, ming ogon e̱e̱ti̱ mu̱nye̱n, een enne du̱ca̱i̱t ci mu̱nye̱nu̱.

Kaviyak wak Abunna Ta̱mu̱ta̱dde̱no̱ eher Joni 8:51

Ka̱du̱wa̱kku̱ng zoz wa een de̱de̱, ming azunne e̱e̱ti̱ zoz cinanni, iróng atin acin daiz udut.”

Kaviyak wak Abunna Ta̱mu̱ta̱dde̱no̱ eher Joni 8:58

A̱nne̱k Ye̱su̱ nogo ne, “Ka̱du̱wa̱kku̱ng zoz ci een de̱de̱, baling ngen Aburahami ki̱ti̱rra̱i̱, ka̱vvu̱ anna to la̱du̱n.”

Buk wa To̱ni̱a̱u̱ 10:11

Imma ngati adungne, acin ta̱mu̱-keng o̱no̱zo̱we̱ ming o̱o̱ye̱, kar gi̱i̱ ci ogon ki ru̱u̱m ci anyak ngeeto we̱c, aluccak lo̱o̱c.

Buk wa To̱ni̱a̱u̱ 7:56

Kar zin Stepheni ku̱du̱wa̱k nogo zoz ci icin enne, “Izikto da̱ ju̱rru̱m! Kicina ta̱mu̱-keng ming o̱o̱ye̱ kar zin Ngerrti E̱e̱to̱ abile a̱tte̱ ci a̱zzo̱ ngati Ta̱mu̱ta̱dde̱no̱.”

2 Te̱se̱lo̱ni̱ka̱ 1:7

A̱a̱nyu̱ng atin Ta̱mu̱ta̱dde̱n abait yahe niga ol ne̱k a̱gi̱ddu̱ng ol ko̱, ogonekket agit bu̱k ming okko Manyi Ye̱su̱ alucak lo̱o̱c ta̱mu̱-kenga ki anjilonya ciginnek.

2 Te̱se̱lo̱ni̱ka̱ 1:9

Edez atin Manyi nogo udut kar kanyik ka̱vvu̱to̱ reena alaanzete cinne.

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

I̱bu̱ru̱ 1:14

E̱e̱ggi̱n anjilonya cik Ta̱mu̱ta̱dde̱no̱ vongizzok cik i̱tto̱na̱ Ta̱mu̱ta̱dde̱n kar ki̱li̱ngli̱ngto̱zi̱k ol wak amuda ti̱ri̱ze̱ne̱t ci Ta̱mu̱ta̱dde̱no̱.

Ju̱da̱ 1:14

Imma e̱e̱ti̱ ci een zara Enok wa een do̱le̱c ci do̱le̱c ci Adami, u̱du̱wa̱ zoz ci ol ne̱ko̱: “Icinnet, a̱kku̱ Manyi ki ol ciginnek a̱li̱le̱ meelek giir,

O̱no̱zzo̱k 19:11

Kedenya anna ta̱mu̱-keng ming o̱o̱ye̱, kar zin anna kicin vartangec ci voori, imma E̱e̱ti̱ ci ottod vartangec ko̱ een e̱e̱t ci abunna kar kize de̱de̱. Etted enne lo̱ki̱ko̱ cinne ju̱rru̱m kar kuk illa.

O̱no̱zzo̱k 4:1

Kicina anna o̱no̱zo̱we̱ tatug ta̱mu̱-kenga ming o̱o̱ye̱. Kar mului ci kazi anna arrak oowa ozozikan oroi kiwagon ture ci abuwe, a̱nne̱ka̱ ne, “I̱jja̱ ta̱dde̱na̱ ngatu, kar anna ki̱ye̱le̱i̱ kaal cik atin ogone vu̱rrta̱.”