Kaviyak wak Abunna Ta̱mu̱ta̱dde̱no̱ eher Joni 1:16 - Tennet

¹⁶ Imma deten wa anyak enne a̱ppwe̱ ko̱, kamuda zin naga do̱o̱k ma̱yu̱we̱ne̱t ci a̱ppwe̱.

Kaviyak wak Abunna Ta̱mu̱ta̱dde̱no̱ eher Joni 1:16 Iomraidhean Croise

Ma̱te̱yo̱ 13:12

Imma zin ming anyak e̱e̱ti̱ imma kaal anyonik atin cik meelek. Ming iróng e̱e̱ti̱ anyak gi̱i̱ imma, abarik ne̱k anyak enne ke̱ a̱gga̱mnya̱i̱ atin ngatinne.

Ma̱te̱yo̱ 3:11

“Ka̱gga̱me̱kku̱ng anna i̱ge̱t ba̱ti̱ti̱mo̱ maame kar kize gool ci urtannu niga do̱o̱k mu̱nye̱n cuggo̱k. Ma̱i̱je̱ vu̱rrte̱ cinanni a̱kku̱ atin e̱e̱ti̱ ci ommogja annit oroot, iróng wo̱ye̱ anna ke̱e̱ni̱ du̱ca̱i̱t cinne ci kuuli kodong caava ciginnek. Okko atin enne a̱gga̱me̱k ol ba̱ti̱ti̱mo̱ Vongize ci A̱li̱le̱ ki gwo̱o̱.

Ma̱te̱yo̱ 3:14

Baling okko Joni acin nonno, utubur iróng ngen orong kar ka̱gga̱me̱k nonno ba̱ti̱ti̱mo̱, azi ne, “Korongi anna abunna ming a̱gga̱me̱ka̱ i̱nna̱ annit ba̱ti̱ti̱mo̱, abarik i̱nna̱ a̱kku̱nna̱ka̱ annita?”

Lu̱ka̱ 21:15

Eci ka̱a̱nyu̱ng atin anna i̱ge̱ta̱ zoz ki genyiz kar zin ol ne̱k amarinnung ko̱, iróng amuda gool ci aburne zoz cunno̱ng.

Kaviyak wak Abunna Ta̱mu̱ta̱dde̱no̱ eher Joni 3:34

Okko e̱e̱ti̱ wa i̱tto̱na̱ Ta̱mu̱ta̱dde̱n ko̱ ozoz zoz ci Ta̱mu̱ta̱dde̱no̱, eci enne aanyik Vongiz cinne do̱o̱k.

Roma 5:17

Abalet daizi ki i̱yo̱ko̱ alaani ko̱, eci Adami abaca. Iróng zin zoz necu atubo ki gi̱i̱ ci ogon Ye̱su̱ Ki̱ri̱sto̱. I̱i̱rke̱ Ta̱mu̱ta̱dde̱n ngatinna oroot, kar kaanyyet bunnat cinne ka̱vvu̱ baize cinna zo̱ze̱ ci e̱e̱t co̱de̱ ṯok, Ye̱su̱ Ki̱ri̱sto̱.

Roma 5:2

I̱ye̱le̱i̱t zin Ye̱su̱ Ki̱ri̱sto̱ agit wak ka̱tu̱ nonno ko̱ gool ci kar Ta̱mu̱ta̱dde̱n kelemaita eci enne anyak deten, ka̱tu̱ bo̱do̱k naga nonno. Katalninna karikka zi̱nze̱tti̱ i̱i̱te̱n ci okko Manyi odongnyet okkoyyet ta̱dde̱na̱, kar ka̱vvu̱t ki nonno udut ngati a̱di̱ngdi̱nga̱ne̱ ol nonno.

Roma 5:20

Aanyik Ta̱mu̱ta̱dde̱n Muses lo̱ti̱nno̱k, kar ki̱ye̱la̱ ba̱ci̱nno̱k cik ollu meelek, ming ovvo ba̱ci̱no̱wa̱ e̱e̱ggi̱n meele giir, okko zin deteni ci Ta̱mu̱ta̱dde̱no̱ okkomi kak, i̱ye̱la̱ bunnat cinne.

Roma 8:9

Imma niga ol ne̱k anyakku Vongiz ci Ta̱mu̱ta̱dde̱no̱ zi̱nze̱tti̱nne̱ ciggo̱k ko̱, iróng zin niga ngen aballu e̱le̱tti̱ kaale cik gerzek irez zi̱nze̱tti̱ cuggo̱k, iróng ucca bo̱do̱k annuyu kaal ne̱ke̱. Ovvo ol wak iróng anyak Vongiz ci A̱li̱le̱ iróng nege e̱e̱ggi̱n ol cik Ki̱ri̱sto̱.

Evesos 1:23

E̱e̱ggi̱n ol wak a̱tu̱we̱ ke̱le̱ci̱a̱ ko̱ ele ci Ki̱ri̱sto̱, abak enne ngatinne̱ng, aanyik enne nogo doiz cinne, nonno zin ci adiman kaal do̱o̱k kubunnta.

Evesos 3:19

Korongnyung abunna ming a̱gga̱yyu̱ rezinet ci Ki̱ri̱sto̱, ming nu̱nu̱n iróng ol cik diirik a̱gga̱ do̱o̱k zoz ci akati rezinet neci, ngen a̱gga̱yyu̱ niga rezinet neci ju̱rru̱m, kar zin atin Ta̱mu̱ta̱dde̱n ka̱a̱nyu̱ng u̱tu̱gu̱z ki i̱yo̱ko̱ enne ko̱.

Kolosiya 1:19

Eci Ta̱mu̱ta̱dde̱n atalne ming aave enne do̱o̱k ngati Ki̱ri̱sto̱,

Kolosiya 2:3

A̱lu̱gnye̱ zoz ci genyizo ki arizet do̱o̱k ngatinne.

1 Peturu 1:11

Aave Vongizi ci Ki̱ri̱sto̱ ngatinne̱ng, oobek nogo gool ci atin apirnane Ki̱ri̱sto̱ kar atin kaanyozik nonno nginti di̱ngdi̱nga̱nto̱ ci a̱ddi̱ki̱re̱ oroot.

1 Peturu 1:2

E̱e̱ggi̱n ne̱ko̱ ol balik atahaltai ngati odola Ta̱mu̱ta̱dde̱n Be̱e̱ti̱nna̱, ahalai li̱ngli̱ngo̱ne̱ ci Vongiz ci A̱li̱le̱, ngati o̱ngo̱o̱li̱nne̱ nege Ye̱su̱ Ki̱ri̱sto̱ ki bi̱ye̱ balik azaconik ol ke̱. Anyik deten ki gano ka̱vvu̱ ngatinno̱ng oroot.