Kaviyak wak Abunna Ta̱mu̱ta̱dde̱no̱ eher Joni 1:12 - Tennet

¹² Ma̱i̱je̱ ol do̱o̱k wak elemtta nonno, ki wak a̱tu̱ zoz cinne, aanyik enne nogo do̱o̱k gool ci ovvo nege e̱e̱ggi̱nne̱ dooli cik Ta̱mu̱ta̱dde̱no̱.

Kaviyak wak Abunna Ta̱mu̱ta̱dde̱no̱ eher Joni 1:12 Iomraidhean Croise

Ma̱te̱yo̱ 10:40

“Abarik ming awekung e̱e̱ti̱ imma da̱i̱ne̱t, aweka annit bu̱k. Ma e̱e̱ti̱ ci ivatana annita, ivata enne e̱e̱t ci bali i̱tto̱na̱na̱ annit ke̱ bu̱k.

Ma̱te̱yo̱ 12:21

Ovvo atin ol lo̱o̱co̱we̱ do̱o̱k arike zar ciginnek zi̱nze̱tti̱ cigge̱k.”

Ma̱te̱yo̱ 18:5

Ming ivata e̱e̱ti̱ imma do̱le̱c cidici ki i̱yo̱ko̱ icu ko̱, ivatana enne annita bu̱k.

Kaviyak wak Abunna Ta̱mu̱ta̱dde̱no̱ eher Joni 1:11

A̱kku̱nna̱k enne lo̱o̱c neci een cinne ke̱, iróng zin ol waginnek elemi nonno.

Kaviyak wak Abunna Ta̱mu̱ta̱dde̱no̱ eher Joni 1:7

A̱kku̱ enne kar ki̱ki̱ya̱ kibbac zoz ci vooriten neci, kar ucca ol do̱o̱k kelemit Zoz ci Ta̱mu̱ta̱dde̱no̱ zo̱ze̱ cinne.

Kaviyak wak Abunna Ta̱mu̱ta̱dde̱no̱ eher Joni 11:52

Iróng een zu̱we̱ ci Ya̱u̱do̱ do̱, abarik ki dooli cik Ta̱mu̱ta̱dde̱no̱ azanonnik lo̱o̱cco̱k do̱o̱k, kar kanyahak nogo nginto̱de̱ kize orog co̱de̱.

Kaviyak wak Abunna Ta̱mu̱ta̱dde̱no̱ eher Joni 2:23

Ma baling ngen Ye̱su̱ aave Jerusalema ke̱, ngati adahe I̱i̱te̱n wa Va̱rda̱ngi̱nto̱, icinnet ol cik meelek kaal cik a̱vu̱la̱ ogon Ye̱su̱, kar zin ol ne̱ke̱ ku̱tu̱we̱t nonno.

Kaviyak wak Abunna Ta̱mu̱ta̱dde̱no̱ eher Joni 20:31

Ma̱i̱je̱ zin kaala ne̱ko̱ e̱he̱rye̱ kar niga anyait tu̱we̱ne̱t ngati Ye̱su̱ wa een Ki̱ri̱sto̱ nenen bali atahalai, Ngerrti Ta̱mu̱ta̱dde̱no̱, kar ming a̱tu̱yyu̱ niga nonno, arubannu ruget.

Kaviyak wak Abunna Ta̱mu̱ta̱dde̱no̱ eher Joni 3:18

Ming a̱tu̱ e̱e̱ti̱ nonno, iróng enne etted lo̱ki̱ko̱ cinne gerzet, ma̱i̱je̱ ming anyak e̱e̱t ci iróng a̱tu̱ nonno, ettede lo̱ki̱ko̱ cinne la̱du̱n, ma̱rri̱t enne iróng a̱tu̱ zoz ci Ngerrti Ta̱mu̱ta̱dde̱no̱ wa o̱de̱ ṯok.

Buk wa To̱ni̱a̱u̱ 3:16

Kar tu̱we̱nte̱ ci zar cik Ye̱su̱, okko zin e̱e̱ti̱ ci acinnu niga ko̱ kar bo̱do̱k a̱gga̱c ko̱ kubunna kokkom ele kak. Tu̱we̱ne̱t zin wa ka̱tu̱yya̱ Ye̱su̱ nenen ci aanyik e̱e̱t necu kubunna ngati acinnu niga do̱o̱k ko̱ nenen.

Roma 8:14

Imma ol ne̱k aanyik Vongiz ci Ta̱mu̱ta̱dde̱no̱ kabal nogo ko̱, e̱e̱ggi̱n nege dooli cik Ta̱mu̱ta̱dde̱no̱.

Roma 8:16

A̱du̱wa̱kke̱t Vongizi ci Ta̱mu̱ta̱dde̱no̱ de̱de̱ ke̱e̱ggi̱n naga dooli cik Ta̱mu̱ta̱dde̱no̱.

Roma 8:19

Ma kaala cik eenyca Ta̱mu̱ta̱dde̱n lo̱o̱ta̱ ngatu ko̱ do̱o̱k, e̱re̱ye̱ talninta, orong nege i̱i̱te̱n ci atin okko Ta̱mu̱ta̱dde̱n i̱ye̱le̱k ciko ngene cik e̱e̱ggi̱n nege dooli ciginnek.

Ga̱la̱ti̱a̱ 3:26

Ke̱e̱ggi̱n naga do̱o̱k doolik Ta̱mu̱ta̱dde̱no̱ ngati ka̱tu̱we̱ Ye̱su̱ Ki̱ri̱sto̱.

Ga̱la̱ti̱a̱ 4:6

I̱yo̱ko̱ zin, eci naga ke̱e̱ggi̱n dooli cik Ta̱mu̱ta̱dde̱no̱, i̱tto̱na̱ zin enne Vongiz wa Ngerinne ka̱vvu̱ zi̱nze̱tti̱nne̱ cigga̱c. Okko Vongizi neci aanyyet kutuwet Ta̱mu̱ta̱dde̱n kize, Be̱e̱ti̱nna̱.

Kolosiya 2:6

I̱yo̱ko̱ zin, ming elemttau niga Ye̱su̱ Ki̱ri̱sto̱ kize Manyi cunno̱ng, abunna zin ming abakku baize cinne.

2 Peturu 1:4

Imma zin go̱o̱le̱ necu aanyyet enne agit kaal cik abunna riilik oroot, balik u̱du̱wa̱ enne kar kaanyyet ke̱ do̱o̱k. Ma zin kaale ne̱ko̱ a̱a̱nyu̱ng e̱de̱yya̱ e̱le̱tti̱ kaale wak lo̱o̱tu̱ gerzek balik orong zi̱nze̱tti̱ cuggo̱k u̱tu̱gu̱z ke̱, kar zin i̱yo̱ko̱ niga ozolit bunnat ci Ta̱mu̱ta̱dde̱no̱.

1 Jon 3:1

A̱ppwa̱ rezinet ci irezet Baba oroot, awuyet zin ol agit kizetta dooli cik Ta̱mu̱ta̱dde̱no̱, ke̱e̱ggi̱n naga dooli cik Ta̱mu̱ta̱dde̱no̱ de̱de̱. Kar zin zoz ci iróng olli lo̱o̱tu̱ a̱gga̱yye̱t ko̱ icu, iróng nege a̱gga̱ nonno.

1 Jon 3:10

Een zin necu gool ci ka̱gga̱we̱ naga dooli cik Ta̱mu̱ta̱dde̱no̱ ki dooli cik lo̱rye̱nta̱k. Ming ogon e̱e̱ti̱ imma gi̱i̱ ci gerze, icima iróng irez gotoni, iróng enne een do̱le̱c ci Ta̱mu̱ta̱dde̱no̱.

1 Jon 3:2

Gonogga wak zinino, ke̱e̱ggi̱n naga de̱de̱ dooli cik Ta̱mu̱ta̱dde̱no̱, iróng naga ka̱gga̱ ogon e̱le̱tti̱ cigga̱c ku̱. Abarik ka̱gga̱ atin naga e̱le̱tti̱ cigga̱c kogon naga ki i̱yo̱ko̱ Ki̱ri̱sto̱ ko̱, ming okko enne obodak lo̱o̱c, eci kacin atin naga nonno de̱de̱.

1 Jon 3:23

Een zin necu ti̱lo̱wi̱ne̱t cinne: Abunna ka̱tu̱we̱ zare cik Ngerinne Ye̱su̱ Ki̱ri̱sto̱, kar kirezit e̱le̱tti̱ cigga̱c do̱o̱k ki bali u̱du̱wa̱e̱t enne agit ke̱.