Kaviyak wak Abunna Ta̱mu̱ta̱dde̱no̱ eher Joni 1:10 - Tennet

¹⁰ I̱ki̱ya̱k Zoz neci lo̱o̱c ba̱li̱ye̱, eenycai looci ngatinne, ma̱i̱je̱ olli lo̱o̱tu̱ iróng a̱gga̱ nonno.

Kaviyak wak Abunna Ta̱mu̱ta̱dde̱no̱ eher Joni 1:10 Iomraidhean Croise

Kananet 16:13

Akatek zin Hagari Manyi wa ozozike nonno ke̱ kize zara “E̱e̱ni̱ i̱nna̱ Ta̱mu̱ta̱dde̱n ci acinnan.” Eci enne ize ne, “Kicina de̱de̱ Ta̱mu̱ta̱dde̱n wa acinnan.”

Kananet 17:1

Baling izeto Aburam e̱rki̱to̱wa̱ moten torkoc ki torkoc, i̱ye̱le̱k zin Manyi Ta̱mu̱ta̱dde̱n ele nonno kar zin kizek ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k, li̱ngli̱nge̱ zoz cinanni kar ize e̱e̱t ci iróng anyak mu̱nye̱n.

Kananet 18:33

Baling edeca Manyi zoz ki Aburaham, utungek zin enne nonno lo̱o̱c, kar zin Aburahami ki̱mi̱re̱ kuk ce̱e̱za̱.

Ma̱te̱yo̱ 11:27

“Aanya Baba komiz kaale do̱o̱k. I̱llo̱i̱ rok e̱e̱t co̱de̱ ci a̱gga̱ya̱n, Baba do̱ ci a̱gga̱ya̱ annita, kar bo̱do̱k i̱llo̱i̱ rok e̱e̱t co̱de̱ ci a̱gga̱ Baatanni, annit Ngerinne ki ol wak katahala anna ko̱ cik ka̱gga̱yya̱ Baba.

Kaviyak wak Abunna Ta̱mu̱ta̱dde̱no̱ eher Joni 1:11

A̱kku̱nna̱k enne lo̱o̱c neci een cinne ke̱, iróng zin ol waginnek elemi nonno.

Kaviyak wak Abunna Ta̱mu̱ta̱dde̱no̱ eher Joni 1:18

Ngen e̱e̱ti̱ imma kicin Ta̱mu̱ta̱dde̱n udut, Ngerinne wa zinino o̱de̱ ṯok een Ta̱mu̱ta̱dde̱n bu̱k ci aanyyet ka̱gga̱c Ta̱mu̱ta̱dde̱n Baatinne.

Kaviyak wak Abunna Ta̱mu̱ta̱dde̱no̱ eher Joni 1:3

Eteehenya Zoz kaal do̱o̱k, i̱llo̱i̱ gi̱i̱ imma ci eenycai ngati a̱zze̱ne̱ enne to.

Kaviyak wak Abunna Ta̱mu̱ta̱dde̱no̱ eher Joni 1:5

Alanyit vooriten neci mu̱hu̱ra̱to̱, iróng bu̱k mu̱hu̱ri̱ uule kidit nonno.

Kaviyak wak Abunna Ta̱mu̱ta̱dde̱no̱ eher Joni 17:25

“Baba wa abunna, ming iróng ol cik lo̱o̱tu̱ a̱gga̱yi̱ i̱nne̱t nu̱nu̱n, ka̱gga̱yi̱ anna, a̱gga̱ zin demezyaha cigannik niko ming i̱tto̱na̱na̱ i̱nna̱.

Kaviyak wak Abunna Ta̱mu̱ta̱dde̱no̱ eher Joni 5:17

Izek zin abarik Ye̱su̱ nogo ne, “Ma̱rri̱t Baba a̱li̱ngli̱ngi̱ rok i̱yo̱ko̱, ka̱li̱ngli̱ngi̱ zin anna bu̱k.”

Buk wa To̱ni̱a̱u̱ 14:17

Ma̱i̱je̱ nu̱nu̱n ming iróng niga a̱gga̱yyu̱ nonno; u̱tu̱gu̱ enne kaal cik abunna, a̱a̱nyu̱ng ta̱mu̱ ci i̱i̱na̱ ta̱mu̱-kenga ko̱, a̱a̱nyu̱ng da̱i̱ne̱t cik meelek, nonno bo̱do̱k ci a̱a̱nyu̱ng ataltto.”

1 Ko̱ri̱nto̱ 1:21

Eci genyizi ci Ta̱mu̱ta̱dde̱no̱ aave lo̱o̱ta̱ ngatu, iróng zin olli lo̱o̱tu̱ a̱gga̱ nonno genyize cinne̱ng. Atalne zin Ta̱mu̱ta̱dde̱n eci ol cik lo̱o̱tu̱ wak a̱tu̱we̱ u̱mu̱dda̱ ti̱ri̱ze̱ne̱t go̱o̱le̱ ci tarbali uwahek ol nogo kaviyak cik abunna. Abarik zin Ta̱mu̱ta̱dde̱n atahala ol wak a̱tu̱ kaviyak wak uwahek ol nogo ko̱ tarbalun.

1 Ko̱ri̱nto̱ 2:8

Iróng alaata cik bu̱u̱l cu lo̱o̱ta̱ ngatu ko̱ a̱gga̱ zoz neci. Ming a̱gga̱c weda, iróng weda nege ododike Manyi ci di̱ngdi̱ngo̱nto̱ ko̱ ta̱la̱ke̱c.

1 Ko̱ri̱nto̱ 8:6

ka̱gga̱ naga anyak Ta̱mu̱ta̱dde̱n wa een Be̱e̱ti̱nna̱ o̱de̱ ṯok niko. A̱vvu̱ kaala do̱o̱k ngatinne, kabak naga do̱o̱k zo̱ze̱ cinne; anyak Manyi Ye̱su̱ Ki̱ri̱sto̱ co̱de̱ ṯok niko, a̱vvu̱ kaala do̱o̱k ki ruget ci kabahe naga ko̱ do̱o̱k zo̱ze̱ cinne.

Kolosiya 1:16

Eci Ta̱mu̱ta̱dde̱n eenyca kaal do̱o̱k ngatinne, kaal cik aavtte ta̱mu̱-kenga ko̱ ki cik aavtte lo̱o̱ta̱, cik kacin naga eberene ki cik iróng kacin eberene, leceret cik alaatu icima doiz icima alaat icima alaanzet; eenycai kaala ne̱ko̱ do̱o̱k ngatinne kar bo̱do̱k kizeto ciginnek.

I̱bu̱ru̱ 11:3

Imma bo̱do̱k tu̱we̱nte̱ cinna, ka̱gga̱, idiman Ta̱mu̱ta̱dde̱n ta̱mu̱-keng ki lo̱o̱c zo̱ze̱ ci a̱du̱wa̱ enne utuga, adiman kaal ne̱ko̱ kaale cik iróng naga kacin eberene.

1 Jon 3:1

A̱ppwa̱ rezinet ci irezet Baba oroot, awuyet zin ol agit kizetta dooli cik Ta̱mu̱ta̱dde̱no̱, ke̱e̱ggi̱n naga dooli cik Ta̱mu̱ta̱dde̱no̱ de̱de̱. Kar zin zoz ci iróng olli lo̱o̱tu̱ a̱gga̱yye̱t ko̱ icu, iróng nege a̱gga̱ nonno.