Je̱mi̱s 5:9 - Tennet

⁹ Ma ozozu e̱le̱tti̱, ettedekkung atin Ta̱mu̱ta̱dde̱n i̱ge̱t lo̱ki̱ko̱. E̱re̱ye̱ lo̱ki̱ko̱ cunno̱ng tatuga.

Je̱mi̱s 5:9 Iomraidhean Croise

Kananet 4:7

Ma wo̱ye̱ ette ming tu̱gu̱ gi̱i̱ ci abunna, atali wo̱ye̱ ette i̱nna̱ bu̱k zee tararu. Ming iróng i̱nna̱ ogoni gi̱i̱ ci abunna, abile mu̱nye̱na̱ tatuge cunne; orong kiditain, abarik abunna ming iróng i̱nna̱ anyike gool.”

Ma̱te̱yo̱ 24:33

Ming icinntu kaal cik ozozi anna ko̱ i̱ye̱ltta̱i̱, a̱gga̱c niko ize ojon oroot i̱i̱te̱ni̱ ci kar ki̱ki̱ya̱i̱ Ngerrti E̱e̱to̱.

Marko 13:29

Ming icinntu niga kaal ne̱ko̱ ming ogone, a̱gga̱yyu̱ nya ci ize ojon, kar kakate zoz ci aṯurneke looci.

Marko 6:19

Aarik zin ngaa ci een Herodias Jon zinin kar korong abunna ming a̱ru̱we̱ Jon ka̱da̱k. Iróng zin enne amuda gool ci a̱ru̱we̱,

1 Ko̱ri̱nto̱ 10:11

Imma kaala ne̱k ogononik nogo ko̱ do̱o̱k ogone kar kedemez ol u̱gge̱ abunna iróng ogon kaal cik gerzek ki bali ne̱ke̱. E̱he̱rye̱ kaala ne̱ko̱ kar ki̱ye̱lto̱zi̱k agit ki i̱yo̱ko̱, eci kabak naga wazine ci okko looci aṯurneke.

1 Ko̱ri̱nto̱ 4:5

Iróng abunna ming apahekku niga ol ba̱ci̱nno̱k, aanycik nogo kerec i̱i̱te̱n wa ettede ol lo̱ki̱ko̱; e̱re̱yyo̱ ki̱ki̱ya̱ Manyi. Imma i̱i̱te̱ne̱ ci okko Manyi obodane, i̱ye̱la̱ atin enne kaal cik a̱lu̱gnye̱ ki̱ye̱lta̱i̱ ngati voori veelek, kar ki̱ti̱ri̱wa̱ kaal cik aavtte zi̱nze̱tti̱nne̱ cik ol cik diirik. I̱i̱te̱n neci okko Ta̱mu̱ta̱dde̱n irez e̱e̱t go̱o̱le̱ ci abahe enne.

2 Ko̱ri̱nto̱ 9:7

Abunna zin e̱e̱ti̱ ci a̱tu̱we̱ ming a̱ru̱k o̱ro̱bi̱ya̱ cik eelanne enne ol u̱gge̱ cik a̱tu̱we̱ zinine ci alali, iróng e̱e̱ti̱ imma adangeki ibawa. Atali Ta̱mu̱ta̱dde̱n e̱e̱t ci aanyik ol kaal zinine ci alali.

Ga̱la̱ti̱a̱ 5:14

Ming karum lo̱ti̱nno̱k do̱o̱k nga̱to̱de̱, azi ne, “Irez e̱e̱t ci locariyo ki i̱yo̱ko̱ ming irezi i̱nna̱ ele cunne ko̱.”

Ga̱la̱ti̱a̱ 5:26

Gerza ming kodong e̱le̱tti̱, icima kanyike e̱e̱t imma kutubur nong. Gerza ming kanyak meder kaale cik ollu.

Je̱mi̱s 4:11

Gotonogga ki ngonogga tu̱we̱nta̱, ma ozozu gonoggu gerzet. Ming ozoz e̱e̱ti̱ imma gooni gerzet icima apahek nonno lo̱ki̱ko̱, abarik ozoz enne gerzet zo̱ze̱ ci lo̱ti̱nno̱k kar kapahek lo̱ki̱ko̱. Ming apahek i̱nna̱ lo̱ki̱ko̱ lo̱ti̱nno̱k, iróng i̱nna̱ azunne nogo, abarik i̱nna̱ odongi ele ngati lo̱ti̱nno̱k ne̱ke̱.

Je̱mi̱s 4:12

Anyak e̱e̱t co̱de̱ ṯok, Ta̱mu̱ta̱dde̱n ci aanyik ol lo̱ti̱nno̱k kar ketted lo̱ki̱ko̱, nonno do̱ ci uule ki̱ti̱ri̱z kar kidita ol do̱o̱k. Abarik, e̱e̱ni̱ i̱nna̱ ngene kar ettedik e̱e̱t ci diiri lo̱ki̱ko̱ ko̱?

Je̱mi̱s 5:10

Gotonogga ki ngonogga tu̱we̱nta̱, kar abunna ming a̱gga̱yyu̱ niimenet no̱ngi̱tto̱n, i̱no̱ni̱t baiz ci a̱ri̱tto̱k balik apirna ozoz zare cik Manyi.

Je̱mi̱s 5:7

Gotonogga ki ngonogga tu̱we̱nta̱, inimet no̱ngi̱tto̱n baiza zee ki̱ki̱ya̱ Manyi. Icinnet ol wak e̱e̱vi̱ye̱ ming e̱re̱ye̱ ki̱bbi̱r ma̱na̱, anime ere ta̱mu̱ ci lomoto.

1 Peturu 4:5

Abarik zin nege ovvo atin abarizek Ta̱mu̱ta̱dde̱n wa apahek ol wak aruge ki ol wak a̱da̱i̱to̱ lo̱ki̱ko̱.

1 Peturu 4:9

Aanycik ol ki̱vi̱ta̱k ce̱e̱zi̱ ciggo̱k ki̱zzi̱ rok zoz imma ci anyakku zi̱nze̱tti̱nne̱ to.

O̱no̱zzo̱k 3:20

Annit icu kabili tatuga ko̱ kar koṯokṯowan tatug. Ming anyak e̱e̱t imma ci aziye muluk cinanni kar koo tatug, ka̱kku̱ni̱ atin anna kar ki̱ki̱ya̱ kadaktowa ki nonno, okko enne adakce ki annit nga̱to̱de̱.