Je̱mi̱s 5:7 - Tennet

⁷ Gotonogga ki ngonogga tu̱we̱nta̱, inimet no̱ngi̱tto̱n baiza zee ki̱ki̱ya̱ Manyi. Icinnet ol wak e̱e̱vi̱ye̱ ming e̱re̱ye̱ ki̱bbi̱r ma̱na̱, anime ere ta̱mu̱ ci lomoto.

Je̱mi̱s 5:7 Iomraidhean Croise

Ma̱te̱yo̱ 16:27

Eci okko Ngerrti E̱e̱to̱ a̱kku̱ di̱ngdi̱ngo̱nte̱ ci Baatinne orkora ki anjilonya ciginnek, okko amuc ol do̱o̱k kaale cik u̱tu̱gu̱ e̱e̱ti̱.

Ma̱te̱yo̱ 16:28

Ka̱du̱wa̱kku̱ng zoz ci een de̱de̱, anyak ol u̱gge̱ cik kabile bu̱k ngatu ki i̱ge̱ta̱, iróng atin nege a̱da̱i̱ ming ngen kicinnet Ngerrti E̱e̱to̱ ming a̱kku̱ alaanzete cinne.”

Ma̱te̱yo̱ 24:27

Eci ming okko borowoci alanyit ta̱mu̱-kenga do̱o̱k, a̱kku̱nna̱k zin atin Ngerrti E̱e̱to̱ lo̱o̱c bu̱k niko ki lanyci ci borowoco.

Ma̱te̱yo̱ 24:44

E̱re̱yyo̱ zin bo̱do̱k niga ju̱rru̱m i̱i̱nya̱ do̱o̱k, eci Ngerrti E̱e̱to̱ a̱kku̱ atin i̱i̱te̱ne̱ ci iróng niga a̱gga̱yyu̱.”

Lu̱ka̱ 18:8

Ka̱du̱wa̱kku̱ng anna i̱ge̱ta̱, acin atin enne, orong lo̱ki̱ko̱ kettede ju̱rru̱m, kar bo̱do̱k ataman. Ma̱i̱je̱ ming okko Ngerrti E̱e̱to̱ a̱kku̱, okko atin enne amuda tu̱we̱ne̱t ming aave lo̱o̱ta̱ ngatu?”

Lu̱ka̱ 21:27

Imma i̱i̱te̱ne̱ neci ovvo atin nege acin Ngerrti E̱e̱to̱ a̱kku̱ di̱i̱za̱ ta̱mu̱-kenga komiza ki di̱ngdi̱ngo̱nte̱ ci a̱ddi̱ki̱re̱.

Lu̱ka̱ 8:15

Imma i̱nyo̱mo̱na̱ ne̱k i̱i̱na̱k nginti een to̱ri̱c ko̱, atubo ki ol cik aziye zoz ci Ta̱mu̱ta̱dde̱no̱ ju̱rru̱m kar bo̱do̱k kanyait zi̱nze̱tti̱ cik abunna, aziye zoz ci Ta̱mu̱ta̱dde̱no̱, a̱gga̱ zin, kar ngati a̱gga̱me̱ anyaha o̱ya̱u̱ cik abunna.

Kaviyak wak Abunna Ta̱mu̱ta̱dde̱no̱ eher Joni 21:22

O̱bo̱de̱k Ye̱su̱, Peturu, “Ming korongi nonno kurug zee koboda anna, nya ci a̱u̱ce̱ zinine cunne? Abunna ming anuyan.”

Kaviyak wak Abunna Ta̱mu̱ta̱dde̱no̱ eher Joni 21:23

Uzuca zoz gotonogget wak a̱tu̱we̱ azi ne iróng nuyaiti wa irez Ye̱su̱ ko̱ a̱da̱i̱. Ma̱i̱je̱ Ye̱su̱ ngen kize ne iróng enne a̱da̱i̱; azi abarik ne, “Ming korongi anna nonno kurug kobodak anna lo̱o̱c, nya ci gerze ngatinno̱ng?”

Roma 15:4

Eci kaala ne̱k e̱he̱rye̱ Warage ci Ta̱mu̱ta̱dde̱no̱ do̱o̱k ko̱, e̱he̱rye̱ kar kedemezet agit zoz wa een de̱de̱, kar naga go̱o̱le̱ ci kanime no̱ngi̱tto̱n ki zoz ci a̱du̱wa̱kke̱t zoz ci Ta̱mu̱ta̱dde̱no̱, kar atin kartik zi̱nze̱tti̱ zoz ci atin a̱kku̱ ke̱.

Roma 2:7

Aanyik atin enne baiz ci aave udut e̱e̱t wa anime no̱ngi̱tto̱n, ogon kaal cik abunna, kar atin enne ki̱tto̱ di̱ngdi̱ngo̱n ci Ta̱mu̱ta̱dde̱no̱, ki baiz ci aave udut.

1 Ko̱ri̱nto̱ 1:7

I̱yo̱ko̱ zin, i̱llo̱i̱ ma̱yu̱we̱ne̱t imma ci iróng niga anyakku ngati e̱re̱yyu̱ niga de̱de̱ Manyi Ye̱su̱ Ki̱ri̱sto̱ kar kobodak lo̱o̱c.

Ga̱la̱ti̱a̱ 5:5

Imma tu̱we̱nta̱, kerewina naga talninta go̱o̱le̱ ci Vongiz ci A̱li̱le̱, bunnate ci karike naga zi̱nze̱tti̱ ko̱.

Ga̱la̱ti̱a̱ 6:9

Ma arnannu ngati ogonnu zoz ci abunna. Ming emenannu li̱ngli̱ngo̱ne̱ ci Ta̱mu̱ta̱dde̱no̱, amuccu̱ng atin Ta̱mu̱ta̱dde̱n i̱i̱te̱ne̱ ci a̱gga̱ enne.

Kolosiya 1:11

Kalayya nonno bu̱k abunna ming a̱a̱nyu̱ng doiz ci a̱kku̱ di̱ngdi̱ngo̱nte̱ cinne kar atin niga anyait zi̱nze̱tti̱ cik alali animnyu no̱ngi̱tto̱n, kar bo̱do̱k abait baiz talninta.

1 Te̱se̱lo̱ni̱ka̱ 1:3

Ka̱a̱da̱nnu̱ng gon lawinte ci kalayya Ta̱mu̱ta̱dde̱n Be̱e̱ti̱nna̱ zo̱ze̱ ci li̱ngli̱ngo̱n wa ogonnu niga ko̱ ngati a̱tu̱yyu̱ nonno, kar inimet no̱ngi̱tto̱n ngati arikku zi̱nze̱tti̱ Manyitinna Ye̱su̱ Ki̱ri̱sto̱.

1 Te̱se̱lo̱ni̱ka̱ 2:19

Eci nya ci karike naga zi̱nze̱tti̱, ki talninet cinna, icima luluk ci alaanzetu ci atin kovvo naga ka̱di̱ngdi̱nga̱ne̱ Manyitinna Ye̱su̱ ming okko enne a̱kku̱? Iróng een i̱nne̱ta̱?

1 Te̱se̱lo̱ni̱ka̱ 3:13

Ma̱i̱je̱ go̱o̱le̱ neci a̱a̱nyu̱ng Ta̱mu̱ta̱dde̱n elemit ol ko̱, a̱a̱nyu̱ng atin okkomit tu̱we̱nta̱ bu̱k, kar izet ol cik i̱llo̱i̱ rok ba̱ci̱nno̱k ngu̱me̱ ci Ta̱mu̱ta̱dde̱n Be̱e̱ti̱nna̱, ming okko Ye̱su̱ Manyi oboda, orkora atin ki ollinne wak a̱li̱le̱ do̱o̱k.

I̱bu̱ru̱ 6:15

Erewo zin Aburahami zee kakat zoz bali u̱du̱wa̱ Ta̱mu̱ta̱dde̱n ke̱ mo̱o̱le̱t.

Je̱mi̱s 4:11

Gotonogga ki ngonogga tu̱we̱nta̱, ma ozozu gonoggu gerzet. Ming ozoz e̱e̱ti̱ imma gooni gerzet icima apahek nonno lo̱ki̱ko̱, abarik ozoz enne gerzet zo̱ze̱ ci lo̱ti̱nno̱k kar kapahek lo̱ki̱ko̱. Ming apahek i̱nna̱ lo̱ki̱ko̱ lo̱ti̱nno̱k, iróng i̱nna̱ azunne nogo, abarik i̱nna̱ odongi ele ngati lo̱ti̱nno̱k ne̱ke̱.

Je̱mi̱s 5:10

Gotonogga ki ngonogga tu̱we̱nta̱, kar abunna ming a̱gga̱yyu̱ niimenet no̱ngi̱tto̱n, i̱no̱ni̱t baiz ci a̱ri̱tto̱k balik apirna ozoz zare cik Manyi.

Je̱mi̱s 5:3

Egerzante o̱ro̱bi̱ya̱na̱ cuggo̱k cik een ziik cik ataltali ki dhahabi, okko atin zoz ci a̱mu̱ne̱ o̱ro̱bi̱ya̱na̱ ko̱ een cunno̱ng, adakkung atin zoz neci kiwagon gwa̱a̱. Adaztau niga kaal cik meelek i̱i̱nya̱we̱ cik okko looci aṯurneke.

2 Peturu 3:4

Azi atin nege ne, “Baling u̱du̱wa̱ Manyi cunno̱ng azi ne ka̱kku̱ni̱, a̱kku̱ atinga? A̱da̱i̱to̱ ji̱ji̱ti̱gga̱c, ngane kaala ogon ki bali eenycane Ta̱mu̱ta̱dde̱n lo̱o̱c ke̱, i̱llo̱i̱ gi̱i̱ imma ci een jor.”