Je̱mi̱s 5:3 - Tennet

³ Egerzante o̱ro̱bi̱ya̱na̱ cuggo̱k cik een ziik cik ataltali ki dhahabi, okko atin zoz ci a̱mu̱ne̱ o̱ro̱bi̱ya̱na̱ ko̱ een cunno̱ng, adakkung atin zoz neci kiwagon gwa̱a̱. Adaztau niga kaal cik meelek i̱i̱nya̱we̱ cik okko looci aṯurneke.

Je̱mi̱s 5:3 Iomraidhean Croise

Kananet 31:48

Ize zin Labani ne, “E̱e̱ggi̱n biyena ciko bbacak ngatunne ki annita wazin necu.” Zoz zin ci akanonik ngin neci zara cik een Gilead ko̱ necu.

Kananet 31:52

E̱e̱ggi̱n biyena ne̱k alute ko̱ bbacait ci zoz necu, kar bee ci abile kize lolac ko̱ bo̱do̱k bbacait, iróng anna kettedi biyen ciko kuk o̱to̱ne̱ cunne kar ku̱tu̱gu̱ zoz ci gerze, kar bo̱do̱k i̱nna̱ iróng ettedi biyen ne̱ko̱ kar i̱jja̱ ki o̱to̱n cinanni kar tu̱gu̱ zoz ci gerze.

Kananet 49:1

Utu zin Ya̱ko̱bo̱ logoz ciginnek kar kizek nogo ne: I̱vi̱ta̱ u̱lu̱tte̱ ngatu kar anna ku̱du̱wa̱u̱ng kaal cik atin ovvo a̱vvu̱ i̱i̱nya̱we̱ cik atin ovvo a̱vvu̱ ko̱.

Buk wa To̱ni̱a̱u̱ 2:17

“‘Azi Ta̱mu̱ta̱dde̱n i̱i̱nya̱we̱ cik vu̱rrta̱k ne, ka̱du̱te̱k atin anna Vongiz cinanni ol do̱o̱k. A̱du̱wa̱k atin dooli cigunnek macik ki cik nga̱a̱ye̱k ol zoz cinanni. Ovvo atin logoz cigunnek acin kaal cik meelek o̱no̱zo̱we̱, kar bo̱do̱k ol wak macik ciggo̱k a̱ddi̱ki̱re̱ ko̱ kanyait o̱no̱zzo̱k.

Roma 2:5

Abarik odoi i̱nne̱t oo kak, iróng orongi bodak Ta̱mu̱ta̱dde̱n. U̱tu̱gu̱ zin i̱nna̱ zoz ci gerze, i̱ta̱k zin mozinet ci Ta̱mu̱ta̱dde̱no̱ oo cunne, okko atin enne ettedeki lo̱ki̱ko̱ ming uk looci uṯurehe.

2 Ti̱mo̱te̱yo̱ 2:17

Ogon dangonet cinne̱ng ki ngo̱do̱co̱ ci a̱bu̱kbu̱wa̱ne̱k uzun. Imma olle ne̱k anyaha gon dango ko̱, Hymenaeus ki Philetus,

2 Peturu 3:3

Arrak oowa, abunna ming a̱gga̱yyu̱ i̱i̱te̱n ci okko looci aṯurneke, a̱vvu̱ atin ol wak a̱da̱c ol, ovvo aranne ol cik a̱tu̱we̱, abarik nege i̱no̱n kaal cik gerzek irez zi̱nze̱tti̱ cigge̱k do̱ niko.

O̱no̱zzo̱k 17:16

Okko atin e̱le̱gi̱ti̱ ki o̱to̱ omoto cik icinnu i̱nna̱ ko̱, amarine atin nege ngaa ci een a̱li̱ya̱i̱t ko̱. Egerzan atin nege nonno, aara ru̱u̱ma̱ni̱ ka̱vvu̱ enne nga̱dhi̱ri̱r; adak atin nege ele cinne kar kutuzet nonno gwo̱o̱ya̱.

O̱no̱zzo̱k 20:15

Ming iróng zara cik e̱e̱t imma e̱he̱rye̱ buwe ci rugeto, u̱ju̱ko̱zi̱k enne kuk gwo̱o̱ye̱ ci apadpadi oroot ke̱.

O̱no̱zzo̱k 21:8

Ma̱i̱je̱ ol wak o̱ngo̱o̱le̱ ol ko̱, ki ol wak iróng a̱tu̱we̱, ki ol wak mu̱nye̱nu̱, ki ol wak amuny ol, ki ol wak e̱e̱ggi̱n a̱li̱ya̱k, ki ol wak irez agura, ki ol wak ala to̱do̱yyo̱k ki volongnyok, een gwa̱a̱ ci apadpadi oroot ko̱ cinne̱ng. Een necu daiz ci vu̱rrto̱.”