Je̱mi̱s 5:19 - Tennet

¹⁹ Gotonogga ki ngonogga tu̱we̱nta̱, ming anyak e̱e̱t ci i̱ti̱k tu̱ zo̱ze̱ ci een de̱de̱, anyik e̱e̱t imma kobodai nonno,

Je̱mi̱s 5:19 Iomraidhean Croise

Ma̱te̱yo̱ 18:15

“Ming abac gotoneti, imma mu̱nye̱nu̱ ngatunne, bit ngatinne lo̱mu̱k kar zin du̱wa̱k ba̱ci̱ neci. Ming elema gotoneti neci kar bo̱do̱k kize ne, lalean, a̱vvu̱t zin ki nonno labak.

Lu̱ka̱ 22:32

Ma̱i̱je̱ anna kalawei i̱nne̱t Ta̱mu̱ta̱dde̱n, Si̱mo̱ne̱, kar wo̱ye̱ tu̱we̱ne̱t cunne iróng a̱zze̱. Kar ming okko i̱nna̱ uukce, eela gotonoggu tu̱we̱nta̱ kokkomit kak.”

Ga̱la̱ti̱a̱ 6:1

Gotonogga ki ngonogga, ming i̱ta̱k e̱e̱ti̱ imma mu̱nye̱n, imma niga ol ne̱k okkomnu Vongize ci Ta̱mu̱ta̱dde̱no̱ ko̱, o̱zo̱zze̱k nonno idic kar enne kobodak orgen cunno̱ng. Ming okko e̱e̱ti̱ adiman zoz neci, zuute ele cunne, gerza ming i̱i̱na̱k i̱nna̱ bu̱k mu̱nye̱n.

1 Ti̱mo̱te̱yo̱ 6:10

Eci ming irez e̱e̱ti̱ kaal oroot, anyak no̱ngi̱tto̱n cik gerzek do̱o̱k. Abarik ol uggak utuburet tu̱we̱ne̱t zoz ci Ta̱mu̱ta̱dde̱no̱ aartik zi̱nze̱tti̱ kaal, kar kanyaktak e̱le̱tti̱ u̱u̱ce̱z.

1 Ti̱mo̱te̱yo̱ 6:21

wak gon ol uggak i̱ya̱kza̱ genyiz imma zin go̱o̱le̱ ci ogone nege niko a̱ma̱li̱ltte̱ nogo o̱o̱tti̱ zo̱ze̱ ci tu̱we̱ne̱t cinne̱ng, utungtek abarik tu̱we̱ne̱t zoz ci Ta̱mu̱ta̱dde̱no̱ lo̱o̱c. Kala Ta̱mu̱ta̱dde̱n ka̱a̱nyu̱ng eezet.

2 Ti̱mo̱te̱yo̱ 2:18

cik utunget abarik zoz wa Ta̱mu̱ta̱dde̱no̱ een de̱de̱, i̱ti̱ktte̱ ol tu̱, kar kegerezanit tu̱we̱ne̱t cinne̱ng ngati edemzeke ol zoz ci azi ne, itingazzo abarik ol wak a̱da̱i̱to̱ daiza.

I̱bu̱ru̱ 5:2

Owowo enne ki ol wak iróng a̱gga̱ gool ci baizo ju̱rru̱m eci enne bu̱k een e̱e̱t ci diiri.

Je̱mi̱s 1:16

Gotonogga ki ngonogga tu̱we̱nta̱, ma anyikku gi̱i̱ imma kalabaung baiza.

Je̱mi̱s 1:19

Gotonogga ki ngonogga tu̱we̱nta̱, iziyyet zoz cu ju̱rru̱m: Abunna gon e̱e̱ti̱ ming aziye zoz ataman, ma a̱li̱bo̱ni̱k zoz, ma adunya zinin ataman,

Je̱mi̱s 3:14

Ma̱i̱je̱ ming alugunyi i̱nna̱ meder ki rezinet ele cunne do̱ zinine cunne, ma odongi ele cunne zo̱ze̱ neci icima amikzene zoz ci een de̱de̱.

Je̱mi̱s 5:20

a̱a̱dda̱ zoz cu ju̱rru̱m: Ming eela e̱e̱ti̱ imma e̱e̱t ci mu̱nye̱nu̱ kutungek mu̱nye̱n lo̱o̱c, a̱ti̱ri̱z atin enne nonno daiza kar ku̱bu̱ng mu̱nye̱n cik meelek giir.

2 Peturu 3:17

Gotonogga ki ngonogga tu̱we̱nta̱, i̱yo̱ko̱ zin, eci niga a̱gga̱yyu̱ de̱mzi̱ne̱t ci ol wak e̱e̱ggi̱n volongnyok ko̱ la̱du̱n, abunna ming ebekku e̱le̱tti̱ ju̱rru̱m kar iróng nege alabanung i̱ge̱t kar urubta mu̱nye̱n cik ol wak abure Ta̱mu̱ta̱dde̱n bak kacin utuburtu tu̱we̱ne̱t cunno̱ng.

Ju̱da̱ 1:11

Ize nonga o̱lle̱ ngatinne̱ng, eci nege unuwet zoz ci Kaini, wa bali amuny gotoni ke̱. Ogon nege kaal cik gerzek ki i̱yo̱ko̱ bali e̱e̱ti̱ wa een zara Balaam ke̱, kar kurubtai nege o̱ro̱bi̱ya̱. Atubo bo̱do̱k nege ki e̱e̱t wa azi zar ne Korah bali aburnek Ta̱mu̱ta̱dde̱n nong ke̱, adita atin Ta̱mu̱ta̱dde̱n nogo ki baling a̱ru̱k Korah ke̱.