Je̱mi̱s 5:17 - Tennet

¹⁷ Een bali a̱ri̱to̱i̱ti̱ ci een E̱li̱ja̱ e̱e̱t ci diiri ki i̱yo̱ko̱ naga niko. Ala da̱ enne Ta̱mu̱ta̱dde̱n ba̱li̱ye̱ gerza ming aṯile ta̱mu̱, iróng zin ba̱li̱ye̱ ta̱mu̱ aṯile e̱rki̱nya̱ i̱i̱yo̱ ki nyelowi torkonom.

Je̱mi̱s 5:17 Iomraidhean Croise

Lu̱ka̱ 4:25

Ka̱du̱wa̱kku̱ng i̱ge̱t zoz ci een de̱de̱, anyak ba̱li̱ye̱ lo̱o̱ce̱ ci Israilo e̱rki̱te̱ bali ngen E̱li̱ja̱ aruge ke̱ ngaai cik boyek meelek giir, baling unyuge ta̱mu̱-kengi e̱rki̱nya̱ i̱i̱yo̱ ki nyelowi torkonom, anyak da̱ looci magiz ci a̱ddi̱ki̱re̱ oroot.

Buk wa To̱ni̱a̱u̱ 10:26

A̱gga̱m zin Peturu nonno azzin, kar kizek ne “Tinga je̱e̱na̱, ke̱e̱ni̱ anna e̱e̱t ci diiri!”

Buk wa To̱ni̱a̱u̱ 14:15

“Gotonogget! Ma ogonnu kaal ne̱ko̱. Ke̱e̱ggi̱nna̱ naga ol cik diirik ki i̱yo̱ko̱ niga ko̱. Kanyahakung kaviyak cik abunna, kar utungtek kaal cik gerzek ko̱ lo̱o̱c, u̱tu̱gu̱z kaal cik abunna Ta̱mu̱ta̱dde̱no̱, wa bali eenyca ta̱mu̱-keng ki lo̱o̱c, eenyca nyatapar ci a̱ddi̱ki̱re̱ ki kaal cik aavtte ecito do̱o̱k.

Roma 11:2

Ngen zin Ta̱mu̱ta̱dde̱n kutubur ol ciginnek balik atahala enne ke̱. A̱gga̱yyu̱ niga zoz ci eher a̱ri̱to̱i̱ti̱ ci Waraga ci Ta̱mu̱ta̱dde̱no̱ wa een zara E̱li̱ja̱ ngati a̱jji̱nne̱ Ta̱mu̱ta̱dde̱n zo̱ze̱ ci olli Israilo, a̱nne̱k ne,

O̱no̱zzo̱k 11:6

Aanyik Ta̱mu̱ta̱dde̱n nogo komiz ci anyuge nege ta̱mu̱-keng kar ta̱mu̱ iróng aṯile i̱i̱te̱ne̱ ci uwahek nege ol zoz ci Ta̱mu̱ta̱dde̱no̱; anyak bo̱do̱k nege doiz ci uhu maam kizeto bi̱ye̱, kar kanyaktak lo̱o̱c zerenin cik aavtte do̱ do̱ ming orong nege.