Je̱mi̱s 5:16 - Tennet

¹⁶ I̱yo̱ko̱ zin, uturtta mu̱nye̱n cuggo̱k gonoggu kar alayek e̱le̱tti̱ cuggo̱k Ta̱mu̱ta̱dde̱n kar ubunntta. Okkomi lawinet ci e̱e̱t ci abunna, kar bo̱do̱k ki̱li̱ngli̱ng oroot.

Je̱mi̱s 5:16 Iomraidhean Croise

Kananet 19:29

Baling i̱li̱b Ta̱mu̱ta̱dde̱n o̱ro̱gjo̱k ne̱k balik mu̱u̱ra̱ ke̱, a̱a̱da̱ zin enne zoz ci Aburahami, kar zin kanyaha Lot o̱ro̱gjo̱we̱ balik a̱li̱b enne ke̱, ngati abahe Loti.

Kananet 20:17

Alawek zin Aburahami Abimelech Ta̱mu̱ta̱dde̱n, kar enne kangaru nonno ki ngaa cinne, ki du̱cca̱k ciginnek nga̱a̱ye̱k kar atin nege kaanyait dooli bo̱do̱k,

Kananet 20:7

I̱yo̱ko̱ bodehe ngaa necu e̱e̱t cinne, eci enne een a̱ri̱to̱i̱t ci zoz cinanni, kar atin kalawei i̱nne̱t Ta̱mu̱ta̱dde̱n kar kaanyi ruget. Ma̱i̱je̱ ming iróng i̱nna̱ obodeke nonno ngaa cinne, abunna ming a̱gga̱ aditai atin i̱nna̱ doolinne.”

Kananet 32:28

Ize zin e̱e̱ti̱ neci ne, “Iróng zara cigunnek bo̱do̱k ngen een Ya̱ko̱bo̱, abarik anyik zar cigunnek kizeto Israil, eci i̱nna̱ ocodou ki Ta̱mu̱ta̱dde̱n ki bo̱do̱k ol, ommogu zin i̱nna̱ nogo do̱o̱k.”

Lu̱ge̱z 17:11

Ming okko Musesi odongek a̱zzi̱t Ta̱mu̱ta̱dde̱n, ommog olli Israilo ol ne̱ke̱ illawa, ma̱i̱je̱ ming okko Musesi alucane a̱zzi̱t cinne, ommogit zin olli Amalek olli Israilo illawa.

Lu̱ge̱z 9:33

Utungek zin Musesi alaan ci Masiro lo̱o̱c kar kuk orgato. Abanyek zin a̱zzi̱t Manyi ta̱mu̱-kenga; ibilet zin borowoci ki teltelen, ibil zin bo̱do̱k ta̱mu̱.

Ma̱te̱yo̱ 21:22

Ming elemnyyu niga, a̱a̱nyu̱ng atin Ta̱mu̱ta̱dde̱n kaal cik a̱jji̱na̱nu̱ niga lawinta.”

Ma̱te̱yo̱ 3:6

Baling uturtta nege mu̱nye̱n cigge̱k, kar enne ka̱gga̱me̱k nogo ba̱ti̱ti̱mo̱ moro ci Jordani.

Marko 1:5

I̱vi̱tta̱k zin ol cik lo̱o̱c ci een Ju̱de̱ya̱ ki Jerusalem do̱o̱k nonno. A̱jji̱n Ta̱mu̱ta̱dde̱n kalalek nogo ba̱ci̱nno̱k wagge̱k, kar zin Joni ka̱gga̱me̱k nogo ba̱ti̱ti̱mo̱ moro ci Jordani.

Lu̱ka̱ 9:6

A̱ka̱tte̱ zin to̱ni̱a̱ha̱ otozo o̱ro̱gjo̱we̱, uwahek ol kaviyak cik abunna Ta̱mu̱ta̱dde̱no̱, kar bo̱do̱k kangaruwet ol mo̱ri̱zo̱we̱ lo̱o̱cco̱k do̱o̱k.

Kaviyak wak Abunna Ta̱mu̱ta̱dde̱no̱ eher Joni 9:31

Ka̱gga̱ ri̱t naga niko iróng Ta̱mu̱ta̱dde̱n aziye zoz ci e̱e̱t ci mu̱nye̱nu̱. Aziye enne zoz ci e̱e̱t ci ala nonno kar bo̱do̱k ku̱tu̱gu̱ kaal cik orong Ta̱mu̱ta̱dde̱n nonno ku̱tu̱gu̱.

Buk wa To̱ni̱a̱u̱ 10:38

Aanyik Ta̱mu̱ta̱dde̱n Ye̱su̱ Vongiz ci A̱li̱le̱ ki komiz, ki gool ci a̱lu̱ce̱ enne lo̱o̱c ogon kaal cik abunna kar bo̱do̱k enne kangaru ol wak anyak kuulo cik lo̱rye̱nta̱k, eci Ta̱mu̱ta̱dde̱n aave ngatinne.

Buk wa To̱ni̱a̱u̱ 19:18

Imma ol balik u̱tu̱we̱t zoz ci Ta̱mu̱ta̱dde̱no̱ i̱yo̱ko̱ ke̱, i̱vi̱ta̱ uturtta mu̱nye̱n cigge̱k kicinnet ebere cik ollu.

Buk wa To̱ni̱a̱u̱ 8:24

O̱bo̱de̱k Si̱mo̱ne̱ nonno, “Alayeang Manyi annit kar abunna zoz ci a̱du̱wa̱nnu̱ niga ko̱ iróng atin i̱nna̱ka̱n.”

Roma 3:10

Azi Waraga ci Ta̱mu̱ta̱dde̱no̱ ne, “I̱llo̱i̱ rok e̱e̱t co̱de̱ ṯok ci abunna ngu̱me̱ ci Ta̱mu̱ta̱dde̱no̱;

Roma 5:19

Iróng ba̱li̱ye̱ Adami ngen azunne zoz ci Ta̱mu̱ta̱dde̱no̱ kar kanyahak ol do̱o̱k mu̱nye̱n. Imma Ye̱su̱ uzute zoz ci Ta̱mu̱ta̱dde̱no̱, anyahak ol zoz ci abunna, kar Ta̱mu̱ta̱dde̱n kelema ol do̱o̱k.

Kolosiya 1:9

Imma zin zo̱ze̱ necu, baling kizikta zoz cunno̱ng, ngen naga kibilizta lawinet Ta̱mu̱ta̱dde̱n zo̱ze̱ cunno̱ng kar ka̱a̱nyu̱ng genyiz ci Vongizo ki gga̱wa̱ne̱t zoz.

1 Te̱se̱lo̱ni̱ka̱ 5:17

alac Ta̱mu̱ta̱dde̱n odohize,

1 Te̱se̱lo̱ni̱ka̱ 5:23

Kala Ta̱mu̱ta̱dde̱n manyi gano ka̱a̱nyu̱ng abait labak, kidimanung izet caale udut. Ka̱a̱nyu̱ng baiz ki vongiz cunno̱ng do̱o̱k ki̱zze̱c ba̱ci̱no̱wa̱ zee kobodak Manyitinna Ye̱su̱ Ki̱ri̱sto̱ lo̱o̱c.

1 Te̱se̱lo̱ni̱ka̱ 5:25

Gotonogget tu̱we̱nta̱, alayettu Ta̱mu̱ta̱dde̱n.

I̱bu̱ru̱ 11:4

Umuc ba̱li̱ye̱ e̱e̱ti̱ ci een Abel tu̱we̱nta̱ Ta̱mu̱ta̱dde̱n gi̱i̱ye̱ ci ommog ci gotononi Kain. Kar bo̱do̱k tu̱we̱nta̱, icin Ta̱mu̱ta̱dde̱n nonno kize e̱e̱t ci abunna. Ozoz Ta̱mu̱ta̱dde̱n ju̱rru̱m gi̱i̱ye̱ ci amuce enne nonno. Kar bo̱do̱k baling a̱da̱k Abeli nu̱nu̱n, ngen Ta̱mu̱ta̱dde̱n ozozikket zo̱ze̱ ci tu̱we̱ne̱t cinne.

I̱bu̱ru̱ 11:7

Imma bo̱do̱k tu̱we̱nte̱ ci e̱e̱t ci een zara Nowa, izik zoz bali i̱lo̱ti̱ke̱ Ta̱mu̱ta̱dde̱n ke̱ kar kuk ku̱tu̱gu̱ gi̱i̱ ci iróng enne acin bu̱k. Idiman zin i̱bo̱ ci a̱ddi̱ki̱re̱ kar ki̱ti̱ri̱z ol ciginnek. Utuburek zin Nowa olli lo̱o̱tu̱ nong, aanyik zin Ta̱mu̱ta̱dde̱n nonno kubunna eci enne anyak tu̱we̱ne̱t.

I̱bu̱ru̱ 12:13

Anyik tu̱we̱ne̱t cunno̱ng kibil ṯop, kar ol wak iróng a̱tu̱we̱ oroot abakku bu̱k ci iróng a̱mi̱re̱ ki vu̱rru̱t tu̱we̱nta̱, abarik eela baizi cunno̱ng nogo kokkomit tu̱we̱nta̱ ne kak.

I̱bu̱ru̱ 13:18

Alayettu Ta̱mu̱ta̱dde̱n. Iróng naga ko̱ngo̱o̱le̱ gi̱i̱ imma, korongnyya odohize kabakta baiz ci abunna.

1 Peturu 2:24

Atala Ye̱su̱ mu̱nye̱n cigga̱c. Odode ba̱li̱ye̱ enne keete wa een ta̱la̱ke̱c kar naga abunna ming kunnek mu̱nye̱n lo̱o̱c kar ka̱vvu̱t baize ci abunna. I̱di̱lle̱t enne agit ngodocete wak balik a̱ru̱we̱ ol nonno ke̱.

1 Jon 3:22

kar kurubta kaal do̱o̱k cik ka̱jji̱n naga ngatinne, eci naga kazunne lo̱ti̱nno̱k ciginnek kar ku̱tu̱gu̱z kaal cik orong enne.