Je̱mi̱s 5:10 - Tennet

¹⁰ Gotonogga ki ngonogga tu̱we̱nta̱, kar abunna ming a̱gga̱yyu̱ niimenet no̱ngi̱tto̱n, i̱no̱ni̱t baiz ci a̱ri̱tto̱k balik apirna ozoz zare cik Manyi.

Je̱mi̱s 5:10 Iomraidhean Croise

Lu̱ka̱ 13:34

“Olli Jerusalemi, olli Jerusalemi, niga ol wak i̱di̱tta̱ a̱ri̱tto̱k cik zoz ci Ta̱mu̱ta̱dde̱no̱, kar kovoccit biyene ol wak i̱tto̱na̱kku̱ng Ta̱mu̱ta̱dde̱n i̱ge̱ta̱, korongi gon anna kuluta dooli ciggo̱k ngi̱nto̱de̱, ki ming alutak tuulici jooro ṯaaba ciginnek, abarik niga aburnnu!

Lu̱ka̱ 6:23

“Abunna ming atalninnu niga i̱i̱te̱ne̱ neci kar ingozit talninta, eci a̱ddi̱ki̱re̱ muci cunno̱ng ta̱mu̱-kenga. Eci bali be̱e̱ti̱gge̱k ogon a̱ri̱tto̱k niko bu̱k.

Buk wa To̱ni̱a̱u̱ 3:21

Irahek arrak atin ta̱mu̱-kenga zee ki̱vi̱ta̱ arrak atin kaala do̱o̱k kidimante kize jor ki bali ming u̱du̱wa̱ Ta̱mu̱ta̱dde̱n go̱o̱le̱ ci a̱ri̱tto̱k wak a̱li̱le̱ balik abak bali reena ke̱.

Buk wa To̱ni̱a̱u̱ 7:52

Anyak de̱de̱ da̱ a̱ri̱to̱i̱t ci ngen ji̱ji̱tu̱ggo̱k ki̱gi̱de̱t? U̱ru̱we̱t abarik nege a̱ri̱tto̱k wak a̱du̱wa̱ zoz ci a̱kku̱nne̱ E̱e̱ti̱ wa Abunna O̱de̱ ṯok. I̱yo̱ko̱ zin adayau niga nonno kar bo̱do̱k u̱ru̱we̱t nonno ka̱da̱k,

I̱bu̱ru̱ 13:7

A̱a̱dda̱ ddi̱ki̱ryyo̱k cuggo̱k balik edemezung zoz ci Ta̱mu̱ta̱dde̱no̱ ke̱. A̱a̱dda̱ baiz ci abahe nege, i̱ye̱zi̱t tu̱we̱ne̱t cinne̱ng.

Je̱mi̱s 4:11

Gotonogga ki ngonogga tu̱we̱nta̱, ma ozozu gonoggu gerzet. Ming ozoz e̱e̱ti̱ imma gooni gerzet icima apahek nonno lo̱ki̱ko̱, abarik ozoz enne gerzet zo̱ze̱ ci lo̱ti̱nno̱k kar kapahek lo̱ki̱ko̱. Ming apahek i̱nna̱ lo̱ki̱ko̱ lo̱ti̱nno̱k, iróng i̱nna̱ azunne nogo, abarik i̱nna̱ odongi ele ngati lo̱ti̱nno̱k ne̱ke̱.

Je̱mi̱s 5:13

Ming anyak e̱e̱t imma ngatinno̱ng no̱ngi̱tto̱n cik apirnane enne, anyik kala Ta̱mu̱ta̱dde̱n. Ming anyak e̱e̱t imma ngatinno̱ng ci atalne, anyik nonno keben lo̱ngnyo̱k cik innate Ta̱mu̱ta̱dde̱n.

Je̱mi̱s 5:7

Gotonogga ki ngonogga tu̱we̱nta̱, inimet no̱ngi̱tto̱n baiza zee ki̱ki̱ya̱ Manyi. Icinnet ol wak e̱e̱vi̱ye̱ ming e̱re̱ye̱ ki̱bbi̱r ma̱na̱, anime ere ta̱mu̱ ci lomoto.

Je̱mi̱s 5:9

Ma ozozu e̱le̱tti̱, ettedekkung atin Ta̱mu̱ta̱dde̱n i̱ge̱t lo̱ki̱ko̱. E̱re̱ye̱ lo̱ki̱ko̱ cunno̱ng tatuga.