Je̱mi̱s 4:6 - Tennet

⁶ Abarik enne aanyet agit deten ci a̱ppwe̱. Zoz zin ci ozoz Waraga ci Ta̱mu̱ta̱dde̱no̱ azi ne: “Adang Ta̱mu̱ta̱dde̱n e̱e̱t ci odong ele abarik aanyik deten e̱e̱t ci iróng odong ele.”

Je̱mi̱s 4:6 Iomraidhean Croise

Lu̱ge̱z 18:11

I̱yo̱ko̱, ka̱gga̱ a̱ddi̱ki̱re̱ Manyi kommog ta̱mu̱ta̱dde̱ne̱t do̱o̱k, eci u̱tu̱gu̱we̱k enne zoz neci ol balik aminye olli Israilo.”

Ma̱te̱yo̱ 13:12

Imma zin ming anyak e̱e̱ti̱ imma kaal anyonik atin cik meelek. Ming iróng e̱e̱ti̱ anyak gi̱i̱ imma, abarik ne̱k anyak enne ke̱ a̱gga̱mnya̱i̱ atin ngatinne.

Ma̱te̱yo̱ 23:12

Ming odong e̱e̱ti̱ ele cinne, obodane atin Ta̱mu̱ta̱dde̱n nonno, kar ming obodane e̱e̱ti̱ ele, odong atin Ta̱mu̱ta̱dde̱n nonno.

Lu̱ka̱ 1:52

A̱ju̱ke̱k enne lo̱o̱c alaat lecerite cigge̱k abarik enne odong ol wak gununik.

Lu̱ka̱ 14:11

Eci ngati e̱e̱t imma ci odong ele cinne okko atin obodane ele, okko e̱e̱ti̱ ci obodane ele okko atin odongnye.”

Lu̱ka̱ 18:14

“Ka̱du̱wa̱kku̱ng anna i̱ge̱ta̱ okko e̱e̱ti̱ cu ce̱e̱za̱ labak, alalek Ta̱mu̱ta̱dde̱n ba̱ci̱nno̱k ciginnek. Eci ming odong e̱e̱ti̱ imma ele cinne, okko atin enne een gunun, kar e̱e̱ti̱ ci gununi, okko atin enne odongnye.”

Je̱mi̱s 4:10

Ma odongnyu e̱le̱tti̱ ngati Manyi, kar atin enne kodongeung ta̱dde̱n.

1 Peturu 5:5

Niga dooli wak kidik, wak ngen ingannu, abunna ming o̱ngo̱o̱li̱nnu̱ ol cik a̱ddi̱ki̱re̱. Abunna ming o̱ngo̱o̱li̱nnu̱ e̱le̱tti̱, eci azi buwe ci Ta̱mu̱ta̱dde̱no̱ ne, “Adang Ta̱mu̱ta̱dde̱n e̱e̱t ci odong ele abarik aanyik deten e̱e̱t ci iróng odong ele.”