Je̱mi̱s 4:4 - Tennet

⁴ Niga ol cik iróng o̱ngo̱o̱le̱ Ta̱mu̱ta̱dde̱n ko̱, iróng niga a̱gga̱yyu̱ rezinet ci kaal cik lo̱o̱tu̱ ming anyaha marnonet ki Ta̱mu̱ta̱dde̱n? Ming orong e̱e̱ti̱ imma kirez kaal cik lo̱o̱tu̱, ize enne mo̱dde̱ni̱t ci Ta̱mu̱ta̱dde̱no̱.

Je̱mi̱s 4:4 Iomraidhean Croise

Kananet 3:15

I̱yo̱ko̱ zin karike atin anna marnonet i̱nne̱t ki ngaa zee ku̱ru̱m ci alawano, a̱ru̱ki̱ atin do̱le̱c ci ngaawo oo cunne kar i̱nna̱ tenged nonno gi̱nygi̱nye̱ni̱t.”

Ma̱te̱yo̱ 12:39

O̱bo̱de̱k zin Ye̱su̱ nogo, a̱nne̱k ne, “A̱jji̱n ol wak mu̱nye̱nu̱ ming kogonni anna kaal cik a̱vu̱la̱! I̱llo̱i̱ atin gi̱i̱ imma ci ki̱ye̱le̱ke̱ nogo kize gi̱i̱ ci ogon a̱ri̱to̱i̱ti̱ ci een Jonah do̱ niko.

Ma̱te̱yo̱ 16:4

Orong bu̱u̱l ci gerze mu̱nye̱nu̱ ko̱ kicinnet kaal cik a̱vu̱la̱, i̱llo̱i̱ atin gi̱i̱ imma ci a̱vu̱la̱ ci ki̱ye̱le̱ku̱ng, acin atin nege a̱bi̱ce̱c ci Jonah do̱.” Kar zin enne kutungek nogo lo̱o̱c uk ngamani.

Ma̱te̱yo̱ 6:24

“Iróng zin e̱e̱ti̱ co̱de̱ a̱li̱ngli̱nge̱k ol rama lak co̱de̱. Ogon ki i̱yo̱ko̱, icima abure co̱de̱ kar kirez co̱de̱. Arike wo̱ye̱ enne co̱de̱ zinin, kar kebezbezan co̱de̱. Iróng wo̱ye̱ niga a̱li̱ngli̱ngnyu̱ kaal rama, Ta̱mu̱ta̱dde̱n ki zoz ci o̱ro̱bi̱ya̱u̱.

Lu̱ka̱ 19:27

Ma̱i̱je̱ ngati mo̱ddo̱ wagannik aburna annit kize alaan ci kabali nogo ko̱, anyaktta nogo ngintu kar u̱ru̱we̱t ka̱da̱i̱to̱ kicin anna.’”

Kaviyak wak Abunna Ta̱mu̱ta̱dde̱no̱ eher Joni 15:19

Ming e̱e̱ggi̱nnu̱ niga ol cik lo̱o̱tu̱, irezung ol cik lo̱o̱tu̱ kiwagon ming irez ol wagge̱k lo̱o̱tu̱ ogon kaal cik gerzek. Iróng niga e̱e̱ggi̱nnu̱ olli lo̱o̱tu̱, katahalaung zin anna i̱ge̱t kar u̱tu̱gu̱z kaal cik ogon ol cik Ta̱mu̱ta̱dde̱no̱ iróng bo̱do̱k ngen ogonnu kaal cik gerzek ogon ol wak lo̱o̱tu̱. Zoz zin ci amarinnung ol cik lo̱o̱tu̱ ko̱ nenen necu.

Kaviyak wak Abunna Ta̱mu̱ta̱dde̱no̱ eher Joni 17:14

Ku̱du̱wa̱ha̱ nogo zoz cunne abarik zin ol wak iróng a̱tu̱we̱ lo̱o̱ta̱ ngatu, amartoi nogo, ma̱rri̱t nege e̱e̱ggi̱n ol wak a̱tu̱we̱, iróng ngen e̱e̱ggi̱n olli lo̱o̱tu̱, ki i̱yo̱ko̱ anna ming iróng ngen ke̱e̱ni̱ ci lo̱o̱tu̱ ko̱.

Kaviyak wak Abunna Ta̱mu̱ta̱dde̱no̱ eher Joni 7:7

Iróng olli lo̱o̱tu̱ amarinnung, abarik amarinnan eci anna ka̱du̱wa̱ke̱ nogo kaal cik gerzek ogon nege.

Roma 5:10

Baling ngen ke̱e̱ggi̱n mo̱ddo̱ cik Ta̱mu̱ta̱dde̱no̱ nu̱nu̱n, aganizet zin enne, eci a̱da̱k Ngerinne zo̱ze̱ cinna. I̱yo̱ko̱ zin, baling kaganto ki nonno, ka̱gga̱ naga kamuda atin baiz ci aave udut eci i̱ti̱ri̱zze̱t bi̱ye̱ta̱ cik Ngerinne Ye̱su̱.

Roma 8:7

Okko e̱e̱ti̱ ci i̱no̱n kaal cik gerzek amin zinin cinne ko̱, ooro enne ki Ta̱mu̱ta̱dde̱n, eci iróng enne o̱ngo̱o̱le̱ lo̱ti̱nno̱k ciginnek, iróng o̱ngo̱o̱le̱ i̱yo̱ko̱ niko, icima iróng bo̱do̱k enne o̱ngo̱o̱le̱ atin udut.

1 Ko̱ri̱nto̱ 1:20

I̱nno̱ genyiz ci e̱e̱t ci diiri? I̱nno̱ e̱e̱t ci edemez ol waraganya? I̱nno̱ e̱e̱t ci a̱gga̱ waraganya kar gon kadang ol kaale cik lo̱o̱tu̱ ko̱? Aanyik Ta̱mu̱ta̱dde̱n genyiz ci lo̱o̱tu̱ kize tarbal.

1 Ko̱ri̱nto̱ 1:21

Eci genyizi ci Ta̱mu̱ta̱dde̱no̱ aave lo̱o̱ta̱ ngatu, iróng zin olli lo̱o̱tu̱ a̱gga̱ nonno genyize cinne̱ng. Atalne zin Ta̱mu̱ta̱dde̱n eci ol cik lo̱o̱tu̱ wak a̱tu̱we̱ u̱mu̱dda̱ ti̱ri̱ze̱ne̱t go̱o̱le̱ ci tarbali uwahek ol nogo kaviyak cik abunna. Abarik zin Ta̱mu̱ta̱dde̱n atahala ol wak a̱tu̱ kaviyak wak uwahek ol nogo ko̱ tarbalun.

Ga̱la̱ti̱a̱ 1:10

Iróng anna ke̱e̱ni̱ e̱e̱t ci ka̱ru̱we̱k ol do̱ldo̱l. Korongi ki̱li̱ngli̱nge̱k Ta̱mu̱ta̱dde̱n do̱ niko. Ming kuwahek ol kaviyak cik orong nege do̱ niko, iróng wo̱ye̱ anna ke̱e̱ni̱ du̱ca̱i̱t ci Ki̱ri̱sto̱.

Je̱mi̱s 1:27

Imma e̱e̱ti̱ wa a̱di̱ngdi̱nga̱n Ta̱mu̱ta̱dde̱n wa een Be̱e̱ti̱nna̱ ko̱, aave enne kize caala ne paz, i̱llo̱i̱ rok mu̱nye̱n, ogon enne kaal ciko: Azunne bo̱yyo̱k ki ngaai cik boyek ngati apirnane, kar kuzute ele cinne kaale cik lo̱o̱tu̱.