Je̱mi̱s 4:11 - Tennet

¹¹ Gotonogga ki ngonogga tu̱we̱nta̱, ma ozozu gonoggu gerzet. Ming ozoz e̱e̱ti̱ imma gooni gerzet icima apahek nonno lo̱ki̱ko̱, abarik ozoz enne gerzet zo̱ze̱ ci lo̱ti̱nno̱k kar kapahek lo̱ki̱ko̱. Ming apahek i̱nna̱ lo̱ki̱ko̱ lo̱ti̱nno̱k, iróng i̱nna̱ azunne nogo, abarik i̱nna̱ odongi ele ngati lo̱ti̱nno̱k ne̱ke̱.

Je̱mi̱s 4:11 Iomraidhean Croise

Lu̱ka̱ 6:37

“Ma ettedekku ol lo̱ki̱ko̱, kar atin iróng Ta̱mu̱ta̱dde̱n ettedekkung lo̱ki̱ko̱ bu̱k. Ma a̱gga̱mnyu̱ zoz ci gerze ollu, abunna atin Ta̱mu̱ta̱dde̱n iróng a̱gga̱me̱kku̱ng zoz ci gerze. Alaltek ol kaale cik gerzek, kar atin Ta̱mu̱ta̱dde̱n kalaleung i̱ge̱t bu̱k.

Roma 2:1

I̱yo̱ko̱ zin, iróng i̱nna̱ anyai gool ci a̱vi̱re̱, i̱nna̱ e̱e̱ti̱ ci ettedik e̱e̱t imma lo̱ki̱ko̱ ko̱, eci go̱o̱le̱ ci ettede i̱nna̱ lo̱ki̱ko̱ ko̱, edezi i̱nna̱ ele cunne, eci i̱nna̱ ogoni kaal ne̱ke̱ ele.

Roma 2:13

Elemi Ta̱mu̱ta̱dde̱n ol wak o̱ngo̱o̱le̱ lo̱ti̱nno̱k ciginnek, iróng enne elemi ol wak aziye gaganiko.

Roma 7:7

I̱yo̱ko̱ zin kazi wo̱ye̱ naga ne? Een lo̱ti̱nno̱wa̱ mu̱nye̱n? Iróng een niko! Ming iróng lo̱ti̱nno̱wa̱ i̱ye̱le̱kke̱t mu̱nye̱n, iróng wo̱ye̱ da̱ anna ka̱gga̱ mu̱nye̱n de̱de̱. Iróng bo̱do̱k wo̱ye̱ anna ka̱gga̱ gi̱i̱ ci e̱e̱to̱ amanik zinin cinne gerze, eci azi lo̱ti̱nno̱wa̱ ne, “Ma anyai zinin ci a̱ppwe̱ ce̱e̱ze̱ ci e̱e̱t imma.”

1 Ko̱ri̱nto̱ 4:5

Iróng abunna ming apahekku niga ol ba̱ci̱nno̱k, aanycik nogo kerec i̱i̱te̱n wa ettede ol lo̱ki̱ko̱; e̱re̱yyo̱ ki̱ki̱ya̱ Manyi. Imma i̱i̱te̱ne̱ ci okko Manyi obodane, i̱ye̱la̱ atin enne kaal cik a̱lu̱gnye̱ ki̱ye̱lta̱i̱ ngati voori veelek, kar ki̱ti̱ri̱wa̱ kaal cik aavtte zi̱nze̱tti̱nne̱ cik ol cik diirik. I̱i̱te̱n neci okko Ta̱mu̱ta̱dde̱n irez e̱e̱t go̱o̱le̱ ci abahe enne.

2 Ko̱ri̱nto̱ 12:20

Abile zinin je̱e̱na̱, ming kokko anna keronakkung, kamudannung iróng ol uggak abak baiz ci korongi anna. Ko̱ngo̱o̱le̱ anyak ol u̱gge̱ ngatinno̱ng cik adang e̱le̱tti̱, icima een mederyok, icima adunye zi̱nze̱tti̱, icima irez e̱le̱tti̱ cigge̱k do̱, icima ozoz ol, icima odom ol u̱gge̱. Odong uggak e̱le̱tti̱, ovvo uggak ogon kaal cabak.

Evesos 4:31

Utungtek zoz ci avarace e̱e̱ti̱ kutubur nong oroot ko̱ lo̱o̱c. Utungtek gernyi ki burnenet nong ki dominet lo̱o̱c.

1 Ti̱mo̱te̱yo̱ 3:11

Anyik ngaai cik ol wak een kuye kabait baiz ci abunna, iróng ozoz ol volonga. Anyik kizeto gunune kar ku̱zu̱tte̱ zoz ci Ta̱mu̱ta̱dde̱no̱ ju̱rru̱m.

2 Ti̱mo̱te̱yo̱ 3:3

Iróng irez ol, iróng alalnek e̱e̱t imma, anyak volong, iróng anyak urutoit zoza, anyak mootiz. Amarine zoz ci een de̱de̱.

Ti̱to̱ 2:3

Ti̱lo̱ bo̱do̱k ngaai wak a̱ddi̱ki̱re̱ bu̱k kar kabaito baiz wa ngaai cik elemtta Ta̱mu̱ta̱dde̱n. Gerza ming omomot ol volonga, gerza ming een bba̱kco̱k. Abarik abunna ming edemez ol kaal cik abunna.

Je̱mi̱s 1:16

Gotonogga ki ngonogga tu̱we̱nta̱, ma anyikku gi̱i̱ imma kalabaung baiza.

Je̱mi̱s 1:19

Gotonogga ki ngonogga tu̱we̱nta̱, iziyyet zoz cu ju̱rru̱m: Abunna gon e̱e̱ti̱ ming aziye zoz ataman, ma a̱li̱bo̱ni̱k zoz, ma adunya zinin ataman,

Je̱mi̱s 1:25

Imma e̱e̱ti̱ ci aziye lo̱ti̱nno̱k wak Ta̱mu̱ta̱dde̱no̱ aanyet ku̱tu̱gu̱z kaal labak ci iróng ko̱ngo̱o̱li̱ne̱ gi̱i̱ imma, kar kuzute lo̱ti̱nno̱k ne̱ke̱, iróng erehek lo̱ti̱nno̱wa̱ balik izik enne ke̱, a̱mu̱yu̱k atin Ta̱mu̱ta̱dde̱n nonno kaale cik ogon enne do̱o̱k.

Je̱mi̱s 2:8

Ming azunnu niga lo̱ti̱nno̱k wak riilik Warage ci Ta̱mu̱ta̱dde̱no̱ e̱he̱rye̱ azi ne, “Irez e̱e̱t ci locariyo ki i̱yo̱ko̱ ming irezi i̱nna̱ ele cunne ko̱,” ogonnu niga zoz ci een de̱de̱.

Je̱mi̱s 5:10

Gotonogga ki ngonogga tu̱we̱nta̱, kar abunna ming a̱gga̱yyu̱ niimenet no̱ngi̱tto̱n, i̱no̱ni̱t baiz ci a̱ri̱tto̱k balik apirna ozoz zare cik Manyi.

Je̱mi̱s 5:7

Gotonogga ki ngonogga tu̱we̱nta̱, inimet no̱ngi̱tto̱n baiza zee ki̱ki̱ya̱ Manyi. Icinnet ol wak e̱e̱vi̱ye̱ ming e̱re̱ye̱ ki̱bbi̱r ma̱na̱, anime ere ta̱mu̱ ci lomoto.

Je̱mi̱s 5:9

Ma ozozu e̱le̱tti̱, ettedekkung atin Ta̱mu̱ta̱dde̱n i̱ge̱t lo̱ki̱ko̱. E̱re̱ye̱ lo̱ki̱ko̱ cunno̱ng tatuga.

1 Peturu 2:1

Niga gotonogga ki ngonogga tu̱we̱nta̱, ki i̱yo̱ko̱ ming izetu ol cik a̱tu̱yyu̱ Ye̱su̱ Ki̱ri̱sto̱ ko̱, ma amarnonu, ma adaccu gonoggu, ma anyakku meder, ma ozozu ol gerzet, ma e̱e̱ggi̱nnu̱ ol cik a̱ru̱kku̱ talaben.