Je̱mi̱s 3:9 - Tennet

⁹ Kinnat gon naga Manyitinna ki Be̱e̱ti̱nna̱ a̱ha̱ta̱, kar bo̱do̱k a̱ha̱ta̱ kotore ol cik diirik balik eenyca Ta̱mu̱ta̱dde̱n ku̱tu̱gu̱zzo̱ ki enne.

Je̱mi̱s 3:9 Iomraidhean Croise

Kananet 5:1

Een icu lelet ci Adami e̱he̱rye̱ ko̱. Eenyca bali Ta̱mu̱ta̱dde̱n e̱e̱t ci diiri kudukto ki nonno.

Kananet 9:6

“Ming oowa e̱e̱ti̱ bi̱ye̱ cik e̱e̱t ci diiri, oowa atin e̱e̱ti̱ imma bu̱k bi̱ye̱ ciginnek; eci Ta̱mu̱ta̱dde̱n eenyca e̱e̱t ci diiri ku̱tu̱gu̱ ki enne.

Ma̱te̱yo̱ 26:74

Utuwak zin Peturu ele to̱ri̱ne̱t kar ki̱tto̱n zar cik Ta̱mu̱ta̱dde̱no̱ ngatinne̱ng, ize ne, “Kogonni olom zare cik Ta̱mu̱ta̱dde̱no̱, iróng anna ka̱gga̱ e̱e̱t neci.” Ataman niko orok tuulici.

Ma̱te̱yo̱ 5:44

Abarik zin ka̱nne̱kku̱ng ne: Irezzit modden cuggo̱k, alayek ol wak a̱gi̱ddu̱ng Ta̱mu̱ta̱dde̱n,

Buk wa To̱ni̱a̱u̱ 2:26

I̱yo̱ko̱ zin katalne anna oroot kar bo̱do̱k kinnati i̱nne̱t oroot, Manyi ye̱i̱, abak ele cinanne zo̱ze̱ ci karike anna zinin Ta̱mu̱ta̱dde̱n eci i̱llo̱i̱ gi̱i̱ ci gerze i̱i̱na̱ka̱ atin.

Roma 3:14

“Abbize zoz ci een to̱ri̱ne̱t ki mozinet u̱tu̱ge̱tti̱ cigge̱k do̱ niko.”

1 Ko̱ri̱nto̱ 11:7

Iróng abunna ming a̱bu̱ng e̱e̱ti̱ ci maci oo, eci e̱e̱ti̱ ci maci eenycai kize ri̱ri̱to̱n ci i̱ye̱la̱ di̱ngdi̱ngo̱n ci Ta̱mu̱ta̱dde̱no̱; imma ngaa een enne di̱ngdi̱ngo̱n ci e̱e̱t ci maci.

Evesos 1:3

Abunna zin kinnat Ta̱mu̱ta̱dde̱n wa een Be̱e̱ti̱ Manyitinna Ye̱su̱ Ki̱ri̱sto̱. A̱ma̱yu̱kke̱t enne agit bali ta̱mu̱-kenga ngati i̱tto̱na̱ne̱ Ki̱ri̱sto̱ kar kurubta ma̱yu̱we̱ne̱t ci Vongizo zo̱ze̱ cinne.

Je̱mi̱s 1:27

Imma e̱e̱ti̱ wa a̱di̱ngdi̱nga̱n Ta̱mu̱ta̱dde̱n wa een Be̱e̱ti̱nna̱ ko̱, aave enne kize caala ne paz, i̱llo̱i̱ rok mu̱nye̱n, ogon enne kaal ciko: Azunne bo̱yyo̱k ki ngaai cik boyek ngati apirnane, kar kuzute ele cinne kaale cik lo̱o̱tu̱.

Je̱mi̱s 3:10

Iyowa zoz ci ka̱di̱ngdi̱nga̱ne̱ Ta̱mu̱ta̱dde̱n ki to̱ri̱ne̱t utuge co̱de̱ ko̱ niko. Gotonogga ki ngonogga tu̱we̱nta̱, gerza zoz necu ming ogone niko.

1 Peturu 1:3

Kinnatit Ta̱mu̱ta̱dde̱n wa een Be̱e̱ti̱ Manyitinna Ye̱su̱ Ki̱ri̱sto̱. Aanyyet enne agit ti̱ra̱ne̱t ci een jor detente cinne a̱ppwe̱ ci karike naga zi̱nze̱tti̱ go̱o̱le̱ ci ingane Ye̱su̱ Ki̱ri̱sto̱ daiza.